قصيدة ..في الشيخ .الدكتور.محمد الحسان

[ابراهيم الشمري]

هو الشيخ والدكتور محمد ابراهيم طلب الحسان
اعلم بأن القصيده اقل من ان تذكر
طيب هذاالرجل ومهما قلت احس بل اجزم بأن الاحرف اقل مكانه من ان تتغنى به
ويعلم الله بأن ماذكر او يذكر ليس من باب المبالغه من كوني شاعر فدائما نستعير ونصور كي نقول
ولكن هاهنا قلت من واقع وبعضه لم استطيع ان اترجمه لفقر قاموسي التعبيري بطرح مارأيته وما اطلعت عليه_
لتأتي عفويه من القلب لصاحب القلب الطاهر
اخينا الكبير الدكتور محمد الحسان.

http://www.zshare.net/audio/7353019055ba888a/

الفكر لامنــّــه غدا في متاهه = وأصبح يهوجس بين دورات الأزمان
يخيل برقٍ ما عرفت إتجاهه = في ناظري يرزم من الوسم هتان
ومزنن من الغربي تهاطل مياهه = إلين خلا القاع شعبن وغدران
يفرح به اللي سارحٍ في شياهه = وتستبشر بطاريه بدو ٍ وحضران
مثل الذي ما فيه حقد وكراهه = مستوفين ما جاه من غير نقصان
راعي الكرم كبير قدره وجاهه = عند الله وخلق الله ووين ما كان
وانا ذكرت اللي براس البراهه = بمواقفه تشهد ضياغم وجربان
العقل في طاريه شد إنتباهه = شيخن ولد شيخن ومن روس شيخان
من روس شمر نادريينن شباهه = من دون شك وريب هذا ابن حسان
هذا محمد فيه عدل ونزاهه = ابو فهد لا شبت النار دخان
ولد الامير اللي اتسم بالنباهه= مثل الجدي وسط السماء صار عنوان
دكتور .. متعلم .. مطيع لإلاهه = طيبّ ومتطيب بمِسكن وريحان
تصدق إليا منــّـه تكلم شفاهه = ويضحك حجاجه بالضحى والمسيان
ماهي بلا مزحن ولاهي فكاهه = رقا على راس الطويله كحيلان
والله رقا والله رقا في شراهه = واحتلها وارخص لها غالي الأثمان
شوق الهنوف وشوق وضحه وشاهه = يا كاسب الطولات .. ياعالي الشان
أنت الذي خليت بعداك عاهه = خصم لمن عاداك ياذرب الأيمان
تعيش بالأمجاد فترة نقاهه = وتاخذ على الطولات درعن ونيشان
الله يديم أهل الوفا والوجاهه = ويعزكم في كل محفل وميدان
والله يعز المملكة بالرفاهه = في ظل عبدالله وفي ظل سلطان
وختامها خذها تحية نفاهه = من راعي العرجا ابراهيم سرحان

...........

[عفاف علي]

الشاعر القدير

ابراهيم الشمري

سلم روحك

دامت عليك السعادة

كل التقدير والإحترام

[مشعل المجر]

الشاعر القدير


ابراهيم الشمـــري



لي عوده مع هذه الرائعه في حق هذا الرائع

[رابح الغضيان]

صح لسانك

ابراهيم

والدكتور يستاهل وانت وفيت لاعدمتك

تحياتي لك

[مشعل المجر]

راعي العرجا

ابراهيم الشمـــري


صح الله لسانك ورفع من شانك


الدكتور محمد الحسان

شخصيه معروفه عند القاصي والداني , من بيت أهل المشاعل الذين تعتز قبيلة شمر بهم من كرم وشجاعه واخلاق لاتخفى أحد ..

والله ونعم بالدكتور محمد الحسان وبهذه العائله الكريمه ...


بيض الله وجهك ونعم فيك كفيت ووفيت بهذه الرائعه

[عبدالرحمن صباح الفاضل]

لا شك ان الشعر متعطش لهذا المحمد
فوالله لأن تفيه قصيدة ..
فهو صاحب مواقف مشرفه
ولي من الناس القريبييين جدًا وقف معهم وقفات لا يستطيع ان يقفها الا من به ِ عزم محمد وهمته وطيبته


فلله يجزاه خير في كل ما عمل للناس ..

ابراهيم الشمري
قد اجتمعن ميزتين في هذا المتصفح
انت ومن ذكرتـ ..

[فرج الدهمشي]

وافيه من شاعر وافي وبيض الله وجهك
صح الله لسانك وأجــدت في بيانك
وبقي التمـــيز والاقتـــدار عنوانك
وأعلى الرحمــن شــــــأنك وكيانك

[صنداح الزلامي]

وافيه من شاعر وافي وبيض الله وجهك
صح الله لسانك وأجــدت في بيانك
وبقي التمـــيز والاقتـــدار عنوانك
وأعلى الرحمــن شــــــأنك وكيانك
سجل اعجابي واحترامي لشخصك وكن بخيرحال