صعب المنال

[مشعل المجر]

السلامـ عليكمـ ورحمة الله وبركاتهـ




تحيه حب وتقدير ووفاء واخلاص لـ شعراء وزوار دار الادباء

آخر ماكتبت هذه القصيده عسى ان تنال اعجابكمـ .....

شعر الغزل .. أسالك .؟ يامفتي يجوز =فتوى تنص النص .. من أخطأ وتاب
لالا تظن أبياتها .. أسرار ورموز =ولا تستشك .. والشك .. تفتح له ابواب
دوك الكلام اللي لعّل وعسى يحوز =أعجابك الشخصي .. مع أولى الالباب
ماهو كلام اللي تغنيه فيروز =ولاهو لحن من عود الاطرش وزرياب
لو تدري اللي صار يضرب بك فيوز =منه يشّب الشيب .. ويشّيب الشاب
القلب من عشق الغنادير مهزوز =وش حيلتي .. بين المحاني اذا ذاب
صعب المنال .. وهل من ممكن يفوز =قلبي ومايملك من الحب وأعجاب
ادعج .. غنج ..دلوع ..والنهد مركوز =وصفه يفوق أوصاف .. تلعات الارقاب
الخد وردي .. شفته طعمها لوز =يقطر عسل.. بين الثنايا وينساب
والخصر ضامر ناحل القوس ملزوز =واللي بقى يسحر .. من عيون وأهداب
متجمعً كل الحلا فيه مكنوز =واذا تمشى فاح من عنده أطياب
متوارث الاخلاق .. والطيب مغروز = يعجبني ماحصلت به شي ينعاب
يصيبني لاغاب من لهفتي عوز =اشتاق له .. والعشق ياناس غلاب
الشعر كله والفكر فيه محجوز =مالوم أحاسيسي ترفرف له اسراب
وعندي مثل معروف من ربعي عنوز =مبطي شكى من نوت العواجي عقاب
ويامفتي لا والله .. عنها فلا جوز =انساها لاهلوا ..على قبري تراب

وسلامتكمـ

[صنداح الزلامي]

الشاعر / مشعل المجر

صح لسااااانك واعتلا شاااااانك

ودمت بخير

[فرج الدهمشي]

الشاعر / مشعل المجر

صح الله لسانك وأجــدت في بيانك
وبقي التمـــيز والاقتـــدار عنوانك
وأعلى الرحمــن شــــــأنك وكيانك
وحروف ومعاني أصيلة
بيض الله وجهك ودام نزفك ,,

[الجفول]

الله عليك

نص رائع كروعة حضورك

تحياتي

[د. خلدية آل خليفة]

** مشعل المجر **


.
.

يصيبني لاغـاب مـن لهفتـي عـوز
اشتاق له .. والعشق يانـاس غـلاب
الشعر كلـه والفكـر فيـه محجـوز
مالوم أحاسيسي ترفرف لـه اسـراب


.
.

الله عليك،

قصيدة عشق جميلة ومتميزة لأبعد الحدود،

فعلاً هنا نص مختلف بأناقة مشاعره،

صح الله لسانك أخي العزيز،

تحياتي وتقديري لحضورك المميز،،



_________________

د. خلدية آل خليفة - مملكة البحرين ...

[إبراهيم الحسان]

السلام عليكم ورحمة الله وبركاته


المجر مشعل


نص قوي جداً وربي


صح لسانك يابطل ولاهنت



قصيدة من أجمل القصائد التي قرأتها في غرض الغزل .


طبعاً شهادتي فيك مجروحة



صح لسانك ولاهنت يابعدي


تقديري

[سحايب العازمية]

الشاعرالرائع / مشعل المجر

صح لسانك وبيض الله وجهك ..
على جزالة الابداع لغير مستغرب من شخصك الراقي
لك التقدير وفائق الاحترام .
ودمت بحفظ الله ورعايته.

[غالب الذيابي]

.
.
.


الف صح لسانك مشعل.. مميز دائماً

في اتخاذ المسار الذي يميز قصيدتك

في المعنى ، في العمق ، في القافية.

سعدت جداً بقراءة فكرك. اتطلع لقراءة المزيد.


تقبل احترامي.
.
.
.
.