علي الغامدي وصنداح الزلامي

[صنداح الزلامي]

صنداح الزلامي /


سلام ياهل المعرفـه يالله عساكـم تسلمـون
شاعر وابا انشد ربعي الشعار ويش حسوسهم
ياهل الجزاله عندكـم شعـار مايستسلمـون
وانا تراني جايـن الليلـه بـ أكسـر روسهـم


علي بن مساعد الغامدي/


يا مرحبا ياشاعر(ن) حامي وجاب الصدر( مون)
ترحيب مـن شعارنـا وانـا محـل نفوسهـم
وتمون لكن عنـد تكسيـر الجماجـم ماتمـون
وان كان ماردّوا على قافـك عسـاك تحوسهـم


صنداح الزلامي /


دام البقا بك ياعلى وانته من اللي يحتمون
انت اول الشعار يالشاعر واخير عسوسهم
العام مع مجموعةٍ ياعلي فوق الهافمـون
واليوم ربعك يالحوالي غيـروا ملبوسهـم


علي بن مساعد الغامدي /


العين ماتعلى على الحاجب وربعي يكرمون
والحمد لله يوم انا جنبت راسك موسهـم
خلوني آكمل وهم من فوق فهمي يفهمون
شعّار والشعار ما تخفى عليك اْطقوسهـم


صنداح الزلامي /


كذا عرفت انك من الابطال حمران العيـون
وياللي درست بمدرستهم ماجهلت دروسهـم
والوعل ابو قرنين يرقص ويتباها بالقـرون
ويسبر على الغزلان مع سد الشفاء ويبوسهم


علي بن مساعد الغامدي /


لو هانوا العالم على قلبي حبيبي ما يهون
ولا حسبت حساب عاقلهم على مهووسهم
ماهمي الا صاحبي خل العواذل يسكتـون
خنجر حبيبي عندي ارحم لي ولا دبّوسهم


صنداح الزلامي/


علم الحقيقه مايشيل الراس من بين المتـون
غير العزوم الصامله دوس المصايب دوسهم
اعرفك رجال (ن)كفو بس البشر مايستحـون
يكفيك ناموسك وخل الناس فـي ناموسهـم


علي بن مساعد الغامدي /


أصبحت ما بين استفاقة عقل وانياب الجنون
لي هاجسي ياصاحبي والناس في هاجوسهم
لكنّي ابقى غير في صبري وفي كتم الطعون
آكيد عذّالي إلين اسمع لطحـن اضروسهـم


صنداح الزلامي /


ان كان ماحصنت نفسك يالحوالي في الحصون
والا تعشتـك السبـاع اذيابهـم وبسوسهـم
ناديتكم بالصوت قبل العام وانتـم تسمعـون
وقدام لايطفي على اهل المجمعـه فانوسهـم


علي بن مساعد الغامدي /


اعذرك ياصنداح لكن شرط ربعي يعـذرون
والكلمة اللي قلت ما مرت على قاموسهـم
زله ومن صاحب ولو من يسمعونا يشرهون
با عدّي الزلة قبل تسمع جـرس ناقوسهـم


صنداح الزلامي/


من بعدي هاذي ياعلى ماعارضك مهما يكون
اثر هجوسك ياعلى متوافقـه وهجوسهـم
خلاص قفلنا المجال وصك خـط التيلفـون
الله يخارج من هل الحله ومن جاسوسهـم

[رائد العالي]

ياهل الجزاله عندكـم شعـار مايستسلمـون
وانا تراني جايـن الليلـه بكسـر روسهـم

بدعة شاعر محترف

وكل الطاروق فتل ونقض وجزاله

وهذي طواريق صنداح الزلامي دائماً قمه
صح لسانك يابو محمد وصح لسان علي

[عفاف علي]

الشاعر القدير

صنداح الزلامي

راقي

سلم نبضك اخوي

لكَ السعادة

كل التقدير والإحترام

[صنداح الزلامي]

الشاعر :رايد العالي

الف شكر لك على مرورك وسجل

اعجابك دمت اخي بخير حال

[صنداح الزلامي]

المشرفة الرايعه : عفاف

شكرا لك على مرورك وسجل

اعجابك دايما وبدا وافيه مع الكل

انتي الوحيدة المتواصلة مع الاعضاء بالردود

وهذا دليل وفاك مع الكل دمتي بخير

[إبراهيم الحسان]

ياسلام عليكم يا بومحمد


مبدعين والله




صح لسانك ولسان علي الغامدي



ولاهنت

[صنداح الزلامي]

الاخ الشاعر القدير: ابراهيم الحسان

صح بدنك وعافاك الله اشك لك مرورك الجميل

وتعليقك الجميل ايضا دمت بخير حال

[غالب الذيابي]

.
.
.



صح لسانك ياصنداح وصح لسان ابن مساعد


والشهادة لله شعراء كفو انت وياه.
.
.
.
.

[حمود الشمري]

صح السان ابو محمد
وصح السان ابو عبد العزيز