نقل/ محاورة بين رايد العالي وصنداح الزلامي

[صنداح الزلامي]

سلام ردية وفاء ياهل الوفاء واهل الشرف = من شاعرٍ ياقف مع الشعار في ميقافها

الليل ياشعار والدعوى لها ساس وهدف = ماهو بعيد عن الجزاله حولها باطرافها

رايد العالي






يامرحبا والمحترف يلقى خصيمً محترف=يوم العلا مثلي ومثلك قد رقى مشرافها
الشعره اللي في جبين الرجل لو هي تننتف=مدري تجمل ماتجمل بس كلاً شافها


صنداح الزلامي



يارايد العالي كثير اللي يجيدون الحرف = لكن فيه فروق بين انواعها واوصافها

واللي مايصرفها ذهب خسران لو انه صرف = بعض العموله يابيض الشارب عما صرافها


رايد العالي




ماودي ان المخزن المخزون فالدعوى طرف=الله يعين اللي يبى يتعب ورى محرافها
اللي عرفها ماجهل واللي جهلها ماعرف=اليوم منهو مطلق العالم ومن صيافها


صنداح الزلامي



انته تعرف العلم يالشاعر وغيرك ماعرف = والنجمه اللي في السما ء تصعب على حذافها

يارايد اسمعني ليانمنك وصلت المنعطف = اعمل حسابك اللا مور وجد با ستكشافها


رايد العالي


مير العجب من لا معه مغراف وشلون يغرف = والناس تعمل في وظائفها بحسب اصنافها
عصر التطوريابن عمي والتسلي والترف = عفت الطريقة والحقيقه كل نشمي شافها


صنداح الزلامي


خلك بعيد عن القضيه لاتجي فيها طرف = ام الكبائر لاتنوش جنوبها واكتافها

والسيف يابوزيد يلقاله من العالم علف = ياعايف الدرى ترى من شافها ماعافها





رايد العالي


اللي مكانه قصر فاخر مايبي قوم الغرف = وام الكبائر سترها تال الزمان لحافها

السيل لامنه عثى بالشعب لاشجاره جرف = والدرة اللي خاطري عاف الزمان وعافها

[إبراهيم الحسان]

السلام عليكم ورحمة الله وبركاته


الله الله


من اجمل المحاورات


فتل ونقض من اروع مايكون



.


صنداح

صح لسانك يابعدي



رايد


صح لسانك يالنشمي




مبدعين والله .




تقديري

[صنداح الزلامي]

الاخ المراقب العام والشاعر القدير / ابراهيم الحسان

صح الله بدنك ولا هنت يابعدي مرورك وسجل اعجابك

يهمني كثيرا دمت بخير

[حمود الشمري]

صح السانك والسان رايد
لاكن بغيت اسلك عن رايد هل هو رايد السواط

[صنداح الزلامي]

الاخ حمود الشمري

هلابك وصح الله بدنك

وسوالك عن رايد هذا رايد العالي شاعر

كبير من الروقة من ذوي عالي وليس بالسواط كما ذكرت

رايد اللي تقصده اللي في شاعر المعنى من قبيلة السوطه

[غالب الذيابي]

.
.
.
.


صحت السنتكم شعارنا .. والله فاتني الطاروق

ودي لو كنت موجود.. لكن الجايات اكثر..


ابدعتوا جداً,.
.
.
.
.

[رائد العالي]

شاعرنا المتميز صنداح الزلامي

كل الشكر والتقدير لك على نقل هذه المحاوره التي جرت بيني وبينك وتشرفت وسعدت بهذا الطارووق الجميل
والله يبيض وجهك

تحياتي وتقديري