سود الليالي علمتني دروسها

[فرج الدهمشي]

http://www.viafy.com/uploads/97fdfc09f0.gif

[إبراهيم الحسان]

السلام عليكم ورحمة الله وبركاته


الله .. الله عليك يادحام الهذال

.


شاعر خطير .. خطير ... جداً .


الدهمشي فرج .


الله يبيض وجهك ووجه دحام على هذه الرائعة .



تكفى بلغه السلام .




تقديري

[فرج الدهمشي]

السلام عليكم ورحمة الله وبركاته


الله .. الله عليك يادحام الهذال

.


شاعر خطير .. خطير ... جداً .


الدهمشي فرج .


الله يبيض وجهك ووجه دحام على هذه الرائعة .



تكفى بلغه السلام .




تقديري



وعليكم السلام ورحمة الله وبركاته

العزيز أبراهيم الحسان

ووجهك أبيض الغالي ..

كل الشكروالتقدير على مرورك الرائع ,,

[فرج الدهمشي]

http://www.viafy.com/uploads/97fdfc09f0.gif




راح الزمان اللي ضحك لي به الصبـا
ومشيت دربٍ عنـه الاقـدام حايـدة



مادام وقتي واحسب انّـه يـدوم لـي
أقفت به الدنيـا 00 ولا هـي بعايـدة



ضاع الطريـق وضيّعتنـي مسالكـي
خلتني أمشي عكـس ماكنـت رايـدة



جـارت علـي وقيّدتنـي صدوفهـا
والحر سبقـه يمنعـه عـن هدايـده



حيٍٍ وكنّي ميـت مـن شـدّة الوهـن
والياس دق بوسـط جوفـي وتايـدة



ماعدّني عايـش مـع النـاس عدّنـي
في صحصحٍ عنهـا المخاليـق نايـدة



غرّتني صـروف الليالـي وغرّنـي
زمانـي اللـي مايـوفّـي وعـايـدة



ياكثر أعظ ابهـام كفّـي مـن النـدم
واصغر حمولـي نوّختنـي ضهايـدة



عزّي لقلـبٍ كـل مـا جـد ماوجـد
عقب الرخـا قامـت تمسّـه شدايـدة



عليـه صلفـات النوايـب تواتـرت
وزادت على سمل المواجـع جدايـدة



لاسال حبره وارتوى ضامي الـورق
بيّـح خوافـي علّتـه فـي قصايـدة



سـود الليالـي علّمتنـي دروسـهـا
وكثر التجارب 00 بعضها فيه فايـدة



اعلم ترى دنيـاك يكبـر بهـا الشقـا
وعنها الكدر مايـوم تقصـر مدايـدة



بعض السنين اعجاف وان حل جورها
مازان شـان 00 ودوم تكثـر لدايـدة



هـذا زمـانٍ فيـه الادنيـن تختلـف
وابشع قوانينه علـى النـاس سايـدة



كم واحدٍ طاحت على القـاع هقوتـه
عيّـت تعينـه بالمواقـف سنـايـدة



تدافعـت فيـه الهمـوم وتجـاذبـت
وباقصى ضميـره خالـداتٍ لهايـدة



وحيـد عنـه النـاس تقفـي وتبتعـد
حتى بعيده 00 مالقـى مـن يعايـدة



على الوزى حدّيت نفسي من الـوزى
والنار شبّت فـي ضميـري وقايـدة



من عاش عقب العز في عيشة الردى
تجري عليـه أحـداث الايـام كايـدة



ومن لاكظم غيظه تفجّر من الغضـب
وهـدّم بيـدّه كـل ماكـان شـايـدة



النفس تغوي كل من طـاع شورهـا
وابليس بيـن النـاس تكثـر جنايـدة



ماكـل دربٍ مثـل ماقيـل ينمشـي
بعض المماشي فيـه نقـصٍ وزايـدة



ولاكــل رزقٍ يسبقـنّـه بــوادره
ولاكـل غيـثٍ يتبعـنّـه رعـايـدة



والناس لو صافوك في ساعة الرخـا
ماكـل ربـعٍ بالشدايـد ولايــدة !



كـود الـذي رام المعالـي ونالـهـا
وبيته على الطـولات شيّـد عمايـدة



نعم الصديق 00 بساعة الضيق تاجده
كسب المدايـح والثنـا مـن عوايـدة



مـن لايـودّك 00 لاتهيـم بمودّتـه
وعلـى غيابـه 00 لاتكثّـر نشايـدة



تراه لو يظهر لـك الجـود والصخـا
يبدي غـلاه وعنّـك يخفـي مكايـدة



يشبه مزون الصيـف معـدوم نفعهـا
لو خلتها 00 ماهي من الديـم جايـدة



لاعشرتـه دامـت ولاطـال وقتهـا
زرعٍ هشيـم ولاتفيـدك حصـايـدة



والنار 00 تاليها علـى قولـة المثـل
ماخلّفـت كـود السمـاد ورمـايـدة



ماكـل سـرٍ يحفظونـه لـك المـلا
ولاكـل رجـالٍ غـمـاقٍ سـدايـدة



احذر من الاصحاب أكثر مـن العـدو
الجرح نوبٍ يلتهب مـن ضمايـدة !



بعض المواجع لو تشافت من الوجـع
وصارت بصدري مستكنّـه وهايـدة



يبقى لها بالقلـب شـيءٍ مـن الأثـر
والكي 00 فوق الجلد يتـرك شهايـدة



ياعنك 00 ليت القلب يسمع نصيحتي
علّـه يجمّـع ماغـدا مـن بـدايـدة



يمكن عذابـه تالـي الوقـت ينتهـي
وينسى بصبره مامضى مـن نكايـدة



ماينفعه وجـده علـى واقـعٍ مضـى
ولاهـو مرجّـع بالتمـنّـي فقـايـدة



يبقى الزمان 00 ولابقت ضحكة الصبا
والعمـر يفنـى والمخاليـق بـايـدة



دحام بدر الهذال

[نوف الخالدي]

كعادة الذائقة التي تلتمس الجمال وروح الشعر ...هو أنت بذائقتك الهمال مطرها


رائع وأكثر



http://up.3ros.net/get-2-2010-3rria394.gif (http://up.3ros.net)


كل التقدير

[فرج الدهمشي]

كعادة الذائقة التي تلتمس الجمال وروح الشعر ...هو أنت بذائقتك الهمال مطرها


رائع وأكثر



http://up.3ros.net/get-2-2010-3rria394.gif (http://up.3ros.net)


كل التقدير



القديره / ضي الخواطر

أشكرك على مرورك الرائع وأطرائك الجميل وأكثر

تحياتي