إنسكاب الغيم [الأرشيف] - منتديات دار الأدباء الثقافية

تاج الغرور

01-27-2010, 10:44 AM

احدن يطيق الغرام ويشتهي ذكره!=واحدن غلبه الهوى وبحالته ازرى!!
واحيان تقفي خيول الشوق منكسره!=ويتوق راعي الغلا لمصافح البُشرى!!
ياشين بيتآ هزيل وماوصف قدره!=من وقت والقلب وعروقه ترى خضرا!!
وان ماوضح لك شعوره في صدى شعره!=يلعن ابوه القصيد ورايته غبرا!!

تاج الغرور

01-27-2010, 10:46 AM

تمر بخاطري بعض الاماكن واكشف المستور!=وابوح بما خفى في داخلي عن ماتمنيته!
واذا كان الفضا خيمه وشرفات الليالي قبور!=اشق النور لاطراف السديم اللي كسا بيته!

تاج الغرور

01-28-2010, 11:21 AM

الحزن في صوت الغنا شي معقول!=الا في صوتك حيل يصعب سماعه!

.

تاج الغرور

01-28-2010, 11:25 AM

اجتاحني سيل العتب واتعب الروح!=وانهد حيل البعد واعلن هيامه!!
لين انتصر لي من تناهيد وجروح!=كانت وقيده وانطفت بالسلامه!!

.

تاج الغرور

01-28-2010, 11:30 AM

بيده يمد من الأمل حبل النجاة!=يقرى مواطن غايتي لاخفيتها!
تعبت من كثر الوقوف بلا ثبات!=ورجلي على صحرا الضما حديتها!
قربه ينور لي الليال المقبلات!=وكل الدروب المؤلمه سديتها!
واخترت قلبه رغم كثر المغريات!=واجمل معاني غربتي غنيتها!

.

تاج الغرور

02-02-2010, 03:25 PM

دمعه....وصكات الزمن موجعـه=والليالي كئيبـه موحش(ن)ليلهـا
حيره....وعثرات القدر مفجعـه=بين ذرف الدموع وهـم منديلهـا
خطوه....والتعب قام من مضجعه=واستباح البيوت وشـب قنديلهـا
رحله....وانتهت غامضه مسرعه=مالحقنـا ندقـق فـي تفاصيلهـا

تاج الغرور

02-02-2010, 03:26 PM

قدلي سنه والهم ساكـن عروقـي!=والصدربه من ضيقة الوقت زفرات!
يامالعنت اللـي مضيـع حقوقـي!=وأستنكرت روحي جمود القرارات!
مل السهرصوتآ يشيـل الطروقـي!=وضاقت دفاترغربتـي بالكتابـات!
أزريت في وقت التعب لايروقـي!=ويمد لأوقات الهنا منـه لحظـات!

تاج الغرور

02-04-2010, 04:09 PM

هنا نازح هنا طفله هنا مسجد هنا اطلال=كثيرمن الصورمرت بعيني قبل أترجمها
هناشعبآ اسيروجايعاني قبضة الأغلال=على كثرامنياته حجته دايم نأزمها
هناحزبآ حجب صوته هناريّس هناتمثال=مناصب زايله كل(ن)على كيفه يقسمها
هناحتى الكتابه تشتكي من كثرة الاهمال=هناضاع السلام ودعوته قمنا نحرمه

تاج الغرور

02-04-2010, 04:10 PM

يامارسمته والظما في خفوقي!=ونمقت لك من عذب بوحي عبارات!
ياما سهرته لين وقت الشروقي!=وحرمت عيني من لذيذ المنامات!
ياما وياما بعت غيره بذوقي!=واخترت قلبه رغم بعد المسافات!

تاج الغرور

02-04-2010, 04:11 PM

ماعاد لي رغبه بنزف المحابر=مليت تضميد المواجع لحالي
كلآ لقى في رحلة العمر اخر=وانا مجاديفي خذتها الليالي
مليت من درب السفن والبواخر=مليت من غدر القراب الغوالي
ياماعطيت من الغلا والمشاعر=افرد لهم رمشي وصدري شمالي

تاج الغرور

02-04-2010, 04:16 PM

البحر في العيد غير
جده اصلآ شي غير
رايقه وقت الصباح
عطرها غطى الوجود

هالسنه جده جميله
لان عيدي كان فيها
والليالي كانت اروع مع قمرها
ياهي جدآ رائعه لمة سهرها

جده اكبر من مدينه
جده اجمل من مجرد منطقه
جده نبض وروح للحب وغرامه

جده كانت حالمه
ونامت بخد السحابه
واستمدت سحرها من بحرها

جده ياروح المداين
يا شموخ الازمنه واغلى الاماكن

كنتِ للعاشق مزار
وللحبايب جنب بحرك الف قصه
وللأماني في شواطيك الجميله
زانت احلام الصبايا

جده ياسرار القصيد
ياعروس البحْر يانبع الحروف
لو تعبنا فيك راحه
لو طربنا فيك للمغنى نشيد

جو جده شي غير
كل مامرت دقايق في سواحلها الجميله
صارت الدنيا بخير

تاج الغرور

02-04-2010, 04:27 PM

جهّم زماني والليالي مغاتير=ومرباع قلبي شح ووحوشه جياع
وخيول فكري شتتها المقادير=مالي على حصن المماليك مرجاع
حنيت ياوقت الضعون المصادير=ياسالفة بدو(ن)معاها الحكي ضاع
يافرحة الراعي بشوف الغنادير=ياغيث يسقي كل وادي ومطلاع
ياضحكة اجدادي بوجه المسايير=ياصوت ابوي اللي حفظته بالأسماع

تاج الغرور

02-05-2010, 10:08 PM

ياأختصار الحلم وقف تاهت اطراف الثواني!=خذبقايا ذكرياتي قبل لاتنحت ضلوعي!

يوم قفيت ولمحت الدمع بعيونك يعاني!=انهمر من موق عيني ذارف(ن)ماهو بطوعي!

انكتب بعدك بعمري وضاق حزني في مكاني!=وانحنى ظهر الليالي والقدر طفى شموعي!

تاج الغرور

02-05-2010, 10:09 PM

السوالف ضاقت إبها الذاكره!=والخطايا شوهت وجه السحاب!

والاماكن للهدايا ناكرهّ!=وش بقى ماصار لعيونك خراب؟

جرب تعيش الحياه الطاهره!=واقنع بقسمتك واذعن للحساب!

تاج الغرور

05-05-2010, 12:33 AM

قبل إنسكاب الغيم صبيت روحي=واهديت لك من دم قلبي فناجيل

تاج الغرور

05-07-2010, 10:17 PM

الليل من دون صوتك ضاق باحلامي!=وامتد حزن الغياب ولا بقـى حيلـه!
ازرعك قبل البزوغ وتحصد إعدامي!=ماكني اللي قبل يومين تشكـي لـه!

تاج الغرور

05-08-2010, 03:13 AM

احتاج نبضك وشعرك في مشاغبتي!=يجتاحني في غيابي للتعب وابل!
واجيك طفله بريئه في مداعبتي!=من كثرماهي تحبك نبضها ذابل!

تاج الغرور

05-08-2010, 03:15 AM

كنت اشوفك حلم واخاف الملام!=واحسب لدرب(ن)طويل(ن)واجهله!
لين جيت وصافح ايديني غمام!=والمطر في كف يدي احمله!
واستثرت الجو واعلنت السلام!=واختصر صمتي ضجيج الاسئله!

تاج الغرور

05-09-2010, 06:12 AM

ياجنونه..!!

يأخذك لابعد مدى!

يملك اكثر من مساحه في حضوره..!

يرسم الكلمه بريشه من غمام.!!

ينثر الورد المعتّق في زوايا هالمكان..!

يمزج الوان الشغب مع ريشته..!!

مبهج كثير..!

.

تاج الغرور

05-10-2010, 04:18 AM

(يامرحبا)هزت موازين وجبال=واستيقض الحلم المعتق في هواه
يوم اانثنى غصن الغلا فيني ومال=رحت انتظر طيف السحاب اللي لفاه

تاج الغرور

05-12-2010, 05:13 AM

أحلامنا ماتت لها سنين فينا!=مابين شوق وبعد ومعاتب اضداد!
ليت القدر وقّف هنا يحترينا!=كان العمر لؤلؤ ظفر فيه صياد!

تاج الغرور

05-13-2010, 02:27 AM

نبني بروج الحب ونعيش تصوير!=ونهد مايبقى هنا بالمرايه!
ونهج بيبان العتب دون تفكير!=ونحطم اقيود الولا والوصايه!
وان مرت اقلوب العذارى مصادير!=الشمس تلفحها وترجع ظمايه!

تاج الغرور

05-14-2010, 12:58 AM

طفا شرارك وليلك جن قوم اشعله!=واوقد قناديل شوقك يالغرام المُباح!

تاج الغرور

05-19-2010, 05:57 AM

زرعت له وسط الحشا جوريه!=واهديتها مع لهفتي واشواقي!
واذا عطش يلقى غدير الميه!=مِنّه يعل ولايمل اعناقي!
سلمته القلب الخلي بـ يديه!=والروح ملكه ماطلبت إعتاقي!

تاج الغرور

05-19-2010, 05:59 AM

بعض الوجع يحتاج له وقت ويطيب=وبعض الوجع يصعب نلاقي علاجه
والقلب لوجارت عليه اللواهيب=يصبر الين الجو يصفى عجاجه
مير الوطن لازال حرالمراقيب=وده تزوره منتظر منك حاجه

تاج الغرور

05-19-2010, 06:00 AM

تاج الغرور

05-26-2010, 02:38 AM

ريح الصبا جابت لنا اليوم طاريك!=من شفت بابك والحنايا شفوقه!

تاج الغرور

05-26-2010, 02:40 AM

بهديه عمر(ن)ماهديته لغيره!=يكفيه من دنياه وردات عمري!!

نبضات قلبي لاحضر تستثيره!=وان غاب حتى الدم مجبور يجري!!

تاج الغرور

05-26-2010, 02:43 AM

الحزن خيّم وحلت بالصدر ضيقه!=واستوطن الهم بأعماقي وعناني!
الشعر من غبت عني يابس(ن)ريقه!=والوصل من تاه دربه صعب يلقاني!

تاج الغرور

06-02-2010, 11:21 PM

أحبك لعنبو جد القصيد وصوتك القتّال!=تبعثرني الى من قلت لي ياتاجي اشلونك!
أحبك كلمة تعني مداين حالمه وآمال!=عروش الشوق تهتز لغلاك وضحكة اعيونك!

تاج الغرور

06-03-2010, 03:44 AM

http://upload.te3p.com/uploader/203628/11268177899.gif

طفلآ يطارد بالحديقه حمامه
.................يلعب مع حلمه مثل كل الاطفال
مايدري ان الهم وثق لجامه
.................اخرس براءتنا ودرب التعب طال

................................................طا ل

................................................طا ل

تاج الغرور

06-04-2010, 12:10 AM

نيته عشق(ن)وضح ماخفّى!=لو فراقه برد وش يدفينـي!
بالوعد كن الغضي ماوفّـى!=والليالي عقبهـم تكوينـي!
جاه مرسول الغرام وكفّـى!=مير مابرر طعونـه فينـي!
يحسبه عقب الجفاوه صفّى!=مادرى عن جمرة(ن)تكويني!
نيل قربه عقب ماهو قفّى!=مارجيته دامه مخلينـي!
والشعر ياصاحبي مادفّى!=كن نظمه ناوي(ن)ينهيني!

تاج الغرور

06-04-2010, 12:11 AM

حي ذاك البعيد اللي هجر عاشقينه!=ومادرى في غيابه كل بيوم بشهر!
علموه ان وصله ياعرب فاقدينـه!=وان نبضات خله غصب ماتت قهر!
ذكروه المواني والبحر والسفينـه!=وخبروه ان غدره صار ماله عذر!

تاج الغرور

06-04-2010, 12:12 AM

وف دينك لخلك دام هـو يحتـري!=غيث مزنك يبلل صادقات الحروف !
شوف دمعة عيونه عقبكم ناثـري!=امسح اغبارها قم لمها بالكفـوف !
راحت ايام عمره لجل حلم(ن)بري!=ماحسب للعواذل واختراق الصفوف!

تاج الغرور

06-04-2010, 12:13 AM

لهيت عنهاياشقى الروح واقفيت!=والحين تنـدب دنيتـك ياقدرهـا !
ماقد شكت ضيم السهر والتناهيت!=الا على يـدك وقسـوة غدرهـا !
يالعنبو حظآ بعد بـك وصديـت!=حرام تدفن همها فـي صدرهـا
لكن عقب الصد كنـك تماديـت!=ونسيت موقفها معك في عسرها !

تاج الغرور

06-04-2010, 12:15 AM

نيران بعده زادهـا بغـروره=اقسـم يحطمنـي ويتحدانـي
نسى ان قلبي كان يوم بشوره=واني اجي له قبل لاينخانـي
لكن حسافه دمعة(ن)منثوره=ذرفتها لجلـه وهـو خلانـي

تاج الغرور

06-04-2010, 12:16 AM

ناديت جرحي مير مافيه حيله!=ازرى يطيب وقربهم فيه عيـا!
ياكثر ماشحت صحاري مقيلـه!=نرقب سراب(ن)يروي الكبد ريا!
اثر المزون اللي تراكم بخيلـه!=ماتسقي الظامي هناك وهنيـا!
وعظام جسمي من فراقك نحيله!=يالعنبـو حبـآ يسـوي كذيـا!

تاج الغرور

06-04-2010, 12:17 AM

نيران بعدك تراها تحرق الخاطر!=والقلب ياصاحبي مايقبل عتابك !
حظي طلع مثل حظك يالغلا عاثر!=توقفت كل قيفاني علـى بابـك !
حنيت مره على شوفتك ياناكـر!=ولالقيتك وصغت الشعر بغيابـك !
كنك لروحي قضيه مالها اخـر!=كلما تناسا خفوقي هاجسي جابك!

تاج الغرور

06-11-2010, 03:02 AM

تاج الغرور

06-14-2010, 11:40 PM

كلمات بسيطه مهداه الى ذاتي

لاتجرحـيـن الغـيـم ياتـوّاجـه!=هزي غصون الشـوق لـه هزيهـا!
واعطيه من فيض الشعـر ثجاجـه!=خلـي القوافـي تحتفـل واغريهـا!
ان كان به جرح اسرعي ب إعلاجه!=وحطيـه بعيونـك يقيّـل فيـهـا!
حبيـه ليـن يخالطـك ميـزاجـه!=عيشيـه ليـن اعروقـك يغذيـهـا!
مدي جنونك واسرفي في إحراجـه!=شبي الاماكن وارجعـي واطفيهـا!
ولاتزعجينـه لابغيـتـي حـاجـه!=مشاعـره ثـارت قبـل يدعيـهـا!

توّاجه إختصار تاج الغرور

تاج الغرور

07-06-2010, 04:11 AM

ياصاحبي خل الوجع في ضلوعي!=انا كذا مركب حياتي تعاسات!
ماهي جديده لاتعثر رجوعي!=شفني معك طول السنه بإنتكاسات!

تاج الغرور

07-06-2010, 04:13 AM

الغالي اللي مابخل ب امحبته!=إذا قرب منك ترى كنه جبرك!
اللي يراعي لك وهوفي كربته!=واللي يعاف الكل لامنه ذكرك!
يقاسمك همك وينسى بهجته!=يعطيك من وقته ولامره حقرك!
لاشانت الايام واقفت صحبته!=انا اشهد ان مامت فقدانه كسرك!

تاج الغرور

07-06-2010, 04:14 AM

عطيتني وقتك معَ تقديرك!=ورقيت مرقاب الغرام ا لحالي!
ماهمني معجب ولا أبي غيرك!=وانت اتعرفني عاليآ منزالي!

تاج الغرور

07-07-2010, 09:19 PM

لروحك انت فقط....

http://www.youtube.com/watch?v=ELA2rILGYrU

تاج الغرور

07-11-2010, 05:54 AM

عندما يشيخ الرجل ويتقدم به العمر

يشعر انه بحاجه لإهتمام الغواني به

لذلك يحاول جاهدآ ان يتقرب لهن

ويصنع من المستحيل ممكننآ فقط لإرضائهن

الى درجه مقززه من التصنع وإهانة النفس امامهن ليشعرهن انه لازال مقبلآ على الحياه مع انه قد شارف على ارذل العمر

حاله غريبه يتقنها ذلك العجوز المتصابي بملاحقته لكل ذات فكر راقي

.

تاج الغرور

07-12-2010, 06:46 AM

علم الصبح يقتل زحمة الأسئله!=ويتأقلم على جو إختصار السؤال!
واحضن الشمس ليمن جات لك مقبله !=كن فيها دفا العاشق وروح الوصال!

تاج الغرور

07-19-2010, 07:45 AM

http://i3.makcdn.com/userFiles/a/s/ashraf-hamad/images/36image.jpeg

صباح العصافير

تاج الغرور

07-20-2010, 05:41 AM

جيت لك رغم ان حزني كان واضح

وإحتفالي بالمواجع كان فاضح

جيت واخفيت الدموع اللي بعيني

واحتفيت بشوفتك لانك وطن

والوطن مهما قسى نبضه حنون

تاج الغرور

07-27-2010, 06:16 AM

اطفي الشمع واشعل هالمدينه شرار=وادفي اطرافهاوالعمق زده إشتعال
علم الزرع يحكي لا كساه الخضار=يتمايل و كنه محتفل بالجمال
عانقه في سعاده قبله في جهار=اكسراقيود خوفه واشبع من الدلال
علمه لاغفى بك يستلذ النهار =واحجب شعاع شوقك واسعفه بالظلال
حرره لاتمادى في فنون الحصار=علمه كيف يتعايش مع الأحتلال

تاج الغرور

09-22-2010, 09:19 PM

http://www3.0zz0.com/2010/09/22/17/424998723.jpg

.

تاج الغرور

10-04-2010, 01:57 AM

.

صباحك بهجه زاويتي العتيقه..!

تاج الغرور

10-04-2010, 01:58 AM

http://www5.0zz0.com/2010/10/02/04/184859820.jpg

تاج الغرور

03-14-2011, 09:49 PM

http://www.obian.net/up//uploads/images/obian-a6666f5014.gif

تاج الغرور

03-14-2011, 09:51 PM

http://www.obian.net/up//uploads/images/obian-1ba8289a08.gif

تاج الغرور

03-14-2011, 09:53 PM

http://www.obian.net/up//uploads/images/obian-9e18988430.gif

تاج الغرور

03-14-2011, 09:57 PM

http://www.obian.net/up//uploads/images/obian-b27b858361.gif

تاج الغرور

03-14-2011, 09:58 PM

http://www.obian.net/up//uploads/images/obian-067617eaed.gif

تاج الغرور

03-14-2011, 09:59 PM

http://www.obian.net/up//uploads/images/obian-49d851e93b.gif

تاج الغرور

03-14-2011, 10:02 PM

http://www.obian.net/up//uploads/images/obian-43ad745d0e.gif

تاج الغرور

03-29-2011, 12:21 AM

الحزن

الألم

التعب

هؤلاء يسكنونني هذا المساء

.

تاج الغرور

03-29-2011, 12:23 AM

هؤلاء الثلاثه ضيوف ثقيلين طينه

غير مرغوب بوجودهم

ولكنهم اقتحموني دون اذنآ مسبق

.

تاج الغرور

03-29-2011, 12:24 AM

يـــاااااه منذ متى والحزن يستأذن قبل ان يجثوا على صدورنا...؟

.

تاج الغرور

03-29-2011, 12:25 AM

ومتى كان الألم رحيمآ بنا..؟

.

تاج الغرور

03-29-2011, 12:27 AM

اشعر ان الدنيا اضيق من خرم ابره في عيني......!!

.

تاج الغرور

03-29-2011, 12:28 AM

تبآ للظروف التي جعلتني هكذا...!

اسيرة للحزن

تاج الغرور

03-29-2011, 12:30 AM

ورغم كمية الحزن المسيطره على اجوائي الا انني لازلت اتنفس

رباه اني ابث حزني اليك فانت ارأف بي من عبادك

تاج الغرور

03-29-2011, 12:32 AM

بات الليل مرتبط بتراكم الحزن في داخلي

اخشى ان يتحول هذا الركام الى بركان يدمر كل ماهو جميل بداخلي

(مالهذا الحزن أخر..؟)

تاج الغرور

07-10-2011, 11:26 PM

http://alodaba.com/upload/viewimages/70b1a5f41c.jpg

تاج الغرور

07-10-2011, 11:29 PM

http://alodaba.com/upload/viewimages/a328def220.jpg

تاج الغرور

10-29-2011, 12:06 AM

هو ليه نتعب لاسمعنا لهم صوت؟
ـــــــــــــــــــــــــــــــــــــــــــ يعني عشان الحب لازم نعاني!

العشق والله شي(ن)اقوى من الموت؟
ـــــــــــــــــــــــــــــــــــــــــــ يمكن يكون الموت في شكل ثاني!

ياليتنا نطفي المشاعر بريموت
ـــــــــــــــــــــــــــــــــــــــــــ ماكان شبت نارها بالمحاني!

تاج الغرور

10-29-2011, 12:07 AM

نحلم بباكر والجسد مايعمر
ـــــــــــــــــــــــــــــــــــــــــ والحلم يبقى ماتغيره الأزمان

وان كان زرع أحلامنا مايثمر
ـــــــــــــــــــــــــــــــــــــــــ يكفي سعينا للأمل قدرالإمكان

تاج الغرور

10-29-2011, 12:11 AM

http://www.aawsat.com/2009/03/28/images/news1.512735.jpg

درع الوطن صقر المواقف نايف
ـــــــــــــــــــــــــــــــــــــ له عين حر وطيب قلب وقوه
مايشبهه غير الطويل النايف
ـــــــــــــــــــــــــــــــــــــ كنه وتد للشعب في رسوه
ياليت كل ام(ن)تسمي نايف
ـــــــــــــــــــــــــــــــــــــ يعطيه ربي من صفات اسموه

تاج الغرور

11-01-2011, 10:00 PM

http://www.youtube.com/watch?v=SfHysGGS60E&fb_source=message

تاج الغرور

11-03-2011, 10:15 PM

يارب وش في يدين الصبر ضاقت علي
ــــــــــــــــــــــــــــــــــــــــــــــــــ ــــــــــــــ امد يدي غلا وتردها خايبه
.

تاج الغرور

11-21-2011, 03:13 AM

قبل 10 سنوات اهداني الشاعر فهد المساعد هذه القصيده الإنسانيه عندما حدثت كارثة حريق مدرسه متوسطه بمكه

وراح ضحية هذا الحريق 15 طاله

يالمدرسه والحزن ماله مراسي
........................والدمع ماعادت مراسيه الأهداب
برد الصفوف , الطاولات , الكراسي
.............صوت الجرس , جوع الشبابيك ,, الأبواب
هناك كن السور ابو قلب قاسي
.................يبكي من الوحشه على فقد الأحباب
وهنا الدروج تصيح : طوّل نعاسي
..........................على يدين توقظ الصمت لكتاب
وهناك طفله جنب لوح نحاسي
..........................ترسم عليه عيون ووجيه غيّاب
وهنا رماد كان منهج دراسي
..........................في كف بنت ضمها طين وتراب
ياهل الحرم والله ماجيت اواسي
...................جيت ارتدي من رعشة ايديكم ثياب
أنتم هلي وأنتم ربوعي وناسي
............................خوات وأخوان وعجايز وشيّاب
مكه وأهل مكه جبال رواسي
.........................لكن حناجرهم بها غصّة عتاب :
ياريّس التعليم وش هالمآسي
............................فنّد لنا كل الدوافع والأسباب
مادام ابو فيصل ابونا السياسي
................ينفق على التعليم مايحسب حساب
ودام الحكومه عندها شي اساسي
.........................العلم والصحه أجل كبّ الألقاب
وأجلس وصارحنا اذا كنت ناسي
.......................بس لاتحط الذنب في حلق بواب

وهذا العام مررنا بكارثة حريق مدرسة جده والتي اطفأت شمعة معلمتين

فمن الذي سيهدينا نص إنساني يعبر عن عظم الجرح...؟؟

تاج الغرور

12-16-2011, 04:21 AM

http://3.bp.blogspot.com/_oAGrWx3MmMQ/TCbJ6tXUoxI/AAAAAAAAAHk/JQhruhwU4Sk/s1600/2369929c0yk14k3ni.gif

رسمت لك من برج الاحلام غيمه
ــــــــــــــــــــــــــــ من حزنها تبكي تبي تمسك يديك

واشوفها شحت علينا بديمه
ــــــــــــــــــــــــــــ عافت يباس(ن)صاب معظم صحاريك

كني يتيمه وامنياتي يتيمه
ــــــــــــــــــــــــــــ مااشوف كل الناس عندي تساويك

بقول لك رغبه بصدري قديمه
ــــــــــــــــــــــــــــ ودي تنور بالملاقا لياليك

قربك بحر وانا عدودي كريمه
ــــــــــــــــــــــــــــ اصوغ لك من مفرداتي واغنيك

يامن منح للعمر والوقت قيمه
ــــــــــــــــــــــــــــ حبك وطن واحلام عمري شبابيك

لك بالمحاني بيت والروح خيمه
ــــــــــــــــــــــــــــ تسري بها مثل الدما لامشت فيك

لباك يانبض الحياة العظيمه
ــــــــــــــــــــــــــــ لامن جفتك العين فالقلب شاريك

.