قصيدة انتهينا للشاعر عبدالمحسن المسعودي الشمري ...

[رئيس التحرير]

انتهينا يالفخر يالخيل ياظهور الاصايل
انتهينا يالقنص يالعز يالمجد وسنامه
انتهينا ياقفار وقدري دمعات حايل
انتهينا يالجزاير يوم فارقناالسلامه
من يعزي هالحرار الشقر ودروب الجمايل
من يعزي الهيل والتاريخ ودلال الكرامه
وشتقول الارض ليلة دم ابو نواف سايل
الكريم الي سقاهاغيث من دم الشهامه
والقصايد والقلم والحرف وعذوق المثايل
وشنبيبه؟ عقب موت الشيخ نطاح الجهامه
راح زيزوم الطنايا راح ياوجيه القبايل
راح شيخ لاطرى للشمري قط العمامه
راح منهو يبذل النوماس ذعذاع القوايل
راح صعب من الجبال الشم والاصعب غرامه
ليت غلبا يوم هبت فيك نيران وفتايل
حاضرين وكل منهم بالفشق مملي حزامه
ليت والله يالجنازه حاضرين اهل الفعايل
كان هالغدارعيت باللقاتشيله عضامه
طاح بيرق يالبيارق علمي روس الحمايل
من الجزيره لين بقعا لين وديان اليمامه
العزا ببيوت شمر وانتهى نبع الخصايل
وعزي اهل العين والدوحه وجده والمنامه
من الكويت الياصلاله نحتضن دمع الرسايل
عيدناماهو بعيد وللحزن نبني خيامه
بين شمر والنجاة تقطعت كل الوسايل
ذا صويب وذا عطيب وذايردد له كلامه
يادليل الجود وينك انت رايات ودلابل
الطنايا في غيابك مثل طفل في فطامه
يالله انك ترحم كحيلان شيال الثقايل
جاك زابن ماعليه الا ثلاث امتار خامه
يالله انك تدخله بيبان عفوك والفضايل
يا اله الكون ثبت وقفته يوم القيامه
يالله انك ترحم اللي بعده دموعي همايل
اعتقه ياذو الجلاله جاك وتقبل صيامه
ياطلال الطيب طيبك فيك وقفات الصمايل
ياطلال الجود جودك وانت مبناه وهيامه
ذاك من حفيت وراه الخيل ورجال ورحايل
ضيغمي لاتعزوى يحرم العايل منامه
والحصايل ياطلال افعالك البيضا حصايل
والزعامه ياطلال ايديك ياتاج الزعامه
وانتهينا يالفخر يالخيل يظهور الاصايل
انتهينا يالقنص يالعز يالمجدوسنامه
انتهينا ياقفار وقدري دمعات حايل
انتهينا يالجزاير( فيك) فارقناالسلامه

[إبراهيم الحسان]

السلام عليكم ورحمة الله وبركاته


مشكور يارئيس التحرير ولاهنت


عبدالمحسن شاعر جزل وصراحة فيه خطورة

يعني يخوّف ,, وان شاء الله نشوفه بشاطئ الراحة والبيرق بيمينه يارب



تقديري

[فدوى أحمد التكموتي]

أوقفتني هذه الأبيات بقوة ورأيت فيها حسرة تلو حسرة كأن شاعرنا عبد المحسن به ثورة , فحسبك قصيدك رائع جعلتني أقدم لك وردة



ولك في نبض القصيدة روعة



يوفقك ونراك على شاطئ الراحة والبيرق



رئيس تحريرنا الرائع على هذه التغطية ونحن بالقرب قلبا وقالبا مع أخونا الشاعر الرقيق عبد المحسن

تقديري لا حدود

فدوى

[غالب الذيابي]

.
.
.
.


صح لسانك يا عبد المحسن.

كل نفس ذائقة الموت.

الله يرحم طلال الرشيد.

ومالومك على حزنك .


موفق يا عبد المحسن في البرنامج

تقديري لك
.
.
.
.

[طارق الحربي]

جزل ياعبدالمحسن

قلوبنا معك بشاطئ الراحه

[نوف الخالدي]

قصيدة النقاء بحرف جزل وشاعر غني عن التعريف جزل بياض

صح الله لسانك أخ عبدالمحسن المسعودي


وكل التقدير رئيس التحرير ومجهود النقاء