أحــزانــي [الأرشيف] - منتديات دار الأدباء الثقافية

إبراهيم الحسان

08-12-2009, 01:27 PM

زوبعة فكري

الا يادفتري ضُم الحزن لاتفضح سكوتي= ترى نفسي عيوفه من خلقت وشف ملامحها

مواويل الألم عيّت تموت وناويه موتي = وانا مابين مخفيها عن العالم وفاضحها

زمان البوح ولىّ .. لايغرك جهري بصوتي= ومشاعر بعضنا ماتت غدر بيدين ذابحها

اقضيها أماني والأماني قبّر تابوتي =تجي تقتل أمل عمري وانا دايم مسامحها

لعينه هالجمل.. رتبتها من شربي وقوتي=وتناثر حزنها ليل الفراق وراح صابحها

انا يازوبعة فكري.. بموت عقاب وش نوتي ؟= سؤال آخر : وش اليمنى اذا اليسرى تصافحها؟

هنا جتني إجابات السؤال وقلتله فوتي= وراحت كنها عبّره وموق العين سابحها

إبراهيم الحسان

08-12-2009, 01:46 PM

الدمع رافقني وانا جد مابيه=تعبير مابين الجفون ونطقته

كل الذي في طرف عيني مشاريه=على غلاك اللي خذيته وسقته

إبراهيم الحسان

08-12-2009, 01:50 PM

شمال القلـب ماخـلا يمينـه حايـر بمطلـب=وانـا الحايـر بمافينـي مـن ألآلام مخفيهـا

زرعت الورد بيديني.. حصاد الشوك كان أقرب=ذبول إحساس هالعالم... ذبح روح الغلا فيها

إبراهيم الحسان

08-12-2009, 01:57 PM

ثمان إسنين يادمع الحسافه..من ثمان إسنيـن=أسلي الجرح بكفوف الوداع ..وللأسف واعي
يشين الجرح لوجاني على غفله من الغاليـن=يتل القلب من بين الضلوع ويلـوي ذراعـي

إبراهيم الحسان

08-12-2009, 02:02 PM

يانوره من يقول ان المدامع بس للأطفـال؟!=انا دمعي تبشَـِر بـه مواريـدي.. مصاديـري
كما دجله لي دموع ٍ تهاون للتـراب إجـلال=وفاء يعطن .. ولا ردن على صوتي وتفسيـري

إبراهيم الحسان

08-12-2009, 02:06 PM

هي الدنيا بها شئ ٍ تحسفنا نبي نذوقـه ؟!=مرارتها مثل طعم الالم في داخـل احداقـي
تعودت آخذ الدنيا قصص واحلام مسروقـه=نهايتها بدايـه للحـزن.. وتكّمـل الباقـي

إبراهيم الحسان

08-13-2009, 12:27 AM

لوكان بيدك شئ..ما مدمعي سال= ولاشفت في وجهي علامات للشيب
لكنها دنيا خليّه للأنذال = مايطعنون الا صدور المعازيب

إبراهيم الحسان

08-13-2009, 06:16 AM

نعم ... مالي أمل... حتى طموحي مالقى تأييد=نعم من وين ماهب الهبوب أحتـاج لمنـادي
انا الجرح الدفين اللي بقى في مهجر التضميد=طغّت فيني سكاكين الزمان وجـذّت عنـادي
اقول الآه واتركها تسابـق شـاردات البيـد=وارددها وانا المخلص لهـا وبحبهـا بـادي

إبراهيم الحسان

08-13-2009, 06:21 AM

مدري وفا مدري غلا مـدري أوهـام=حسّيـت بالخطـوة تسابـق حنينـي
ركضّت للماضي ولـي قلـب وأحـلام=وأكبر همومـي شايلـه فـي يدينـي
ذنب الزمن..؟ والا البشر..؟ والا الايام=من حال مابيـن السعـاده وبينـي؟!!

إبراهيم الحسان

08-13-2009, 06:25 AM

ظمأ ياسلطنة وقتي..جفافٍ يجـرد غصونـي=يباس وكـل ماهبّـت شمـال تنثّـر أوراقـي

إبراهيم الحسان

08-17-2009, 01:40 PM

ماحكت رغم السؤال الصعب والدمع وحضوره=مابكت رغم إختناق الآه وطعون الخناجر
صمتها كان الكلام وبالملامح ألف صوره=عينها تحمل عتاب وألف معنى للمهاجر
آه ياهي نزعةٍ للقلب في لحظة سروره= آه ياهي صرخةٍ تدوي وموطنها الحناجر

إبراهيم الحسان

08-17-2009, 03:23 PM

تعـال وفتـش ضلوعي..تبـي تلقـى معانـاتـي=قسم بالله ذاب ايمـن خفوقـي وإنكـوى الأيسـر

إبراهيم الحسان

08-17-2009, 03:25 PM

البارحه همي مطر والعاذل بدمعي غريق=حاولت أكف الدمع والعبرات ماكفيتها

إبراهيم الحسان

08-17-2009, 03:28 PM

انـا الشامـخ ولكنـي كسيـر جنـاح طعناتي=انا المطعون في رمح الزمن والسيـف والخنجـر
تضيع أيام مـن عمـري شتـات وغيرهـا تاتـي=وأقضيهـا أمانـي والامانـي ياعلـي تخـسـر

إبراهيم الحسان

08-20-2009, 04:00 AM

فات إرمضان العام وإن فات هذا ..= بموت حسره يا فوادي وأنا حي
واللي سألني ليه.؟ وإلا لماذا ؟ = بقول له شفني ضحية هل الغَيّ
ماشفتها والجرح بالجرح لاذا = راحت وخلتني وانا مامعي شي

إبراهيم الحسان

08-20-2009, 06:09 AM

انا لو حاول لساني يـزل بشيـن منطوقـه=لجمته م/ أقبل الزلـه تنزلنـي مـن اخلاقـي
وإذا قلبي بدأ يرجف .. تناولته مـن عروقـه=أموت احسن ولاشوف الخيانه تطعن أعماقي

إبراهيم الحسان

08-24-2009, 07:46 AM

نعمة النسيان

انا محد عشق مثلي و ضحّى يوم غيري خان=مشيت اصعب دروب العاشقين ولاظهر جبني
تعلمت اعتبر ظلمك عدال..وانـي الغلطـان=لجل عينك رضيت بترك غيـرك يامعذبنـي
ذكرتك ماخذتني من جنابك نعمـة النسيـان=احس بطعنتك حيه... وسيفك صار يجذبنـي
متى قلبك على قلبي يحن؟ ويرجح الميزان؟=دخيلك مابقى فينـي مواقـع ..لاتحاربنـي
اعيش الواقع..المر..الحزين..الطايح..الذبلان=واعيش اقسى مـراره للحقايـق ماتكذبنـي
على درب الغلا جيتك..واردد كلمة الولهـان=نثرت اشواقي بدفتر قصيـد وقـام يكتبنـي

إبراهيم الحسان

09-03-2009, 09:55 PM

اعترف والإعتراف الصعب يعني لي شجاعه=والحقايق دربها ضيّق وكل واعي عرفها
القصيده بنت شيخ ٍ ياعرب عندي وداعه = محصنه وسط الخفوق وغالي ٍ عندي شرفها

إبراهيم الحسان

09-04-2009, 06:13 PM

كانها فرقى..على فرقاك ما كفيـت عينـي=والبحر دمع المسافر لوبكى ملحـه وجـوه
السنين إعجاف يالعطشان لاتلحـق سنينـي=والظمأ في ديرة الصمان مومحتـاج خـوه

إبراهيم الحسان

09-04-2009, 06:23 PM

لـو إنهـم بأدنـى المبـادي يعرفـون=فـي ذمتـي ماصـرت للهم عـنـوان
والله لو ماني علـى الطيـب مفتـون=ما أثور البنـدق علـى غيـر نيشـان

إبراهيم الحسان

09-04-2009, 06:28 PM

البارحه والقلب بالحيـل مطعـون=واللي طعنّـي خنجـره مافهقهـا
من شفتها والدمع زخات ومـزون=وعدوانـي الله لايثـوّر فشقـهـا

إبراهيم الحسان

09-19-2009, 10:17 AM

لاتخليني لحالي بين هم وبين غم=خلك بجنبي قريبه لاتخليني لحالي

إبراهيم الحسان

10-02-2009, 01:23 PM

هذي قصيده قلتها بأول العيد=مضمونها في وسط قلبي مكانه
هملتها بالدمع من غير تحديد=مدري على وشو تطيح بميانه؟!

إبراهيم الحسان

10-02-2009, 01:26 PM

لمحتها عقب الجفا...حيل نقضه=ولاتدري إن قلبي من البعد منقوض
في صمتنا كل المخاليق.. وقضه=والصبر في عالم من الصبر مفروض

إبراهيم الحسان

10-02-2009, 01:32 PM

لحالي بقيت..ولا تحريت الأصوات=هذي سكاكيني..وهذي طعوني
صحيح أبكي..بس في بعض الأوقات=أسقي مجاديب الظمأ من عيوني
أقسى معاناتي تعيش المعانات= وأعظم جروحي ساكنه في جفوني

إبراهيم الحسان

10-11-2009, 02:33 AM

.
.
.

عودتني ماخالفك يا ضميري =حتى ولو تشكي من الضيم والعمس
وعودتني للموت لو مات طيري =طلال.. طيره مات من موتته حمس!
لا للحياة ان كان بنسى عشيري =ولا للشرف دامي تنازلت للهمس
.
.
.

إبراهيم الحسان

10-13-2009, 07:38 AM

إن قلت لك مطعون..بالفعل .. مطعون=والجرح من بين المعاليق سايل
فيني مساحة دمع..وآلام..و شجون= أزريت أشيل من الهموم الثقايل

إبراهيم الحسان

10-13-2009, 07:50 AM

الله ياكثر التعب .. وانا معاي المستحيل=يعني كذا والا كذا أسهل طموحي سابعه !

إبراهيم الحسان

10-13-2009, 07:58 AM

هي عبرة ٍ كنيتها م/أبغى على شانك تسيل=لكن وربي مؤلمة..من وسط قلبي نابعه!

إبراهيم الحسان

10-13-2009, 08:06 AM

أستاهل طعون الزمن وأستاهل السيف الصقيل=ثلاث طعناتي صدر .. والموت طعن الرابعه!

إبراهيم الحسان

10-16-2009, 05:53 AM

(تحية لكل سعود)

إذا تابعتني يكفي فخر ومتابعه ياسعود=انا كلي جزء منك ..ومستغني عن الباقي
اذا نادتني الزله .. تذكرتك وفيني زود=خذيت اكثر من أخلاقي معاك وعشت بأخلاقي

إبراهيم الحسان

10-16-2009, 06:22 AM

عن جد صعبه..بس مافيني خلاف=صدمة ولكن..دمعتي.. وأحتضنها
مادام تنزل للقدم وين الإنصاف= هقوه.. وقيّدها الزمان.. برسنها

إبراهيم الحسان

10-16-2009, 06:42 AM

انا عندي عتب واضح، صريح وحيل ضايقني=ولزوم ابديه في وجه الحقيقه دامها حالت
علام الناس لامني كذبت الكل صدقني=واليا مني صدقت القى قلوب الخلق بي قالت

إبراهيم الحسان

10-16-2009, 06:58 AM

بعد ما سالت دموعي على فرقاك..وين القاك ؟= بعد ما هالتعب نوّخ بجوفي جيشه وخيله
تجي بأسهل من الأسهل تقول: الوقت ما نسّـاك= هو أصلاً فيه وقتٍ مرني يصدق بأقاويله؟!

إبراهيم الحسان

10-21-2009, 10:48 AM

نبكي ولاندري على ويش نبكي=ولا فيه شئٍ يستحق المدامع !
ياقلب علمني على مين تشكي؟=..وفر على نفسك ترى الكل سامع !

إبراهيم الحسان

10-22-2009, 08:06 AM

يا هالزمان اللي خذا مني كثير ولاعطى=كمل على الباقي ترى خليت شي تستاهله
خليت دمعي والسهر..ماتدري آخذهم غطى=و إن كان ما بعثرتهم..قمة طموحك جاهله

إبراهيم الحسان

10-24-2009, 10:18 AM

هو اللي ماعرف قدر الحزن..ماقدّر أفراحه=لئيمه دورة الدنيا على الشامخ ..ليا دارت

إبراهيم الحسان

10-24-2009, 07:31 PM

(قلتها عندما كنت ضيف في موضوع "يومك في رمضان" الذي أعدته الأخت ضي الخواطر)

اليوم عندي غير,,والسالفه غير= ياكثر هقواتي ويا قل خيره
أتعب وأعنّي هاجسي بالمشاوير= وأكثر عصافير الأماني صغيره
ياضي,بعد إذنك وإذن الجماهير= أبكتب جروحي ولو هي كثيره
اللي تعيش بداخلي دون تبرير=أربع إسنين,,وللمقابيل,سيره
حطتني بوجه الزمن للمعاذير= في واقع ٍ ملموس مافيه حيره
رُغم إختلاف المسأله والمعايير=سيوف الغدر في وسط جوفي شطيره
أضحك تعب,وأبي من الجرح تفسير= وشفيه سوّى في خفوقي عشيره؟!
يكبر وأكابر والمدامع محادير=يحفر,وانا أدفن سدّنا وسط بيره
أجي بهمي والخلايق مصادير=وأغص بالعبره وياهي كبيره
أصبحت أقدر نزعة الجرح تقدير=وأفرش لطاريها من الورد ديره
فاقد ثلاثه..بس مثل النواوير=يسوون عندي كل شبه الجزيره
قالو لي (يا بابا) نشوفك على خير=و أقول انا: وشلون بالبعد خيره؟
علمي بهم من هدة الطير للطير=ومن يوم راحوا.. ميت ٍ مات طيره
ماهو بكيفي.لاحشى.ذي مقادير= والآدمي يجهل قضاه ومصيره
حبيت أغير منهج اليوم وأصير=بعيونكم ضيفٍ همومه عسيره

إبراهيم الحسان

10-31-2009, 10:32 PM

يموت الكذب في كف الصراحة والصدور قبور=و لا به داعي نكشّف سرايرها ونخفيها
مادام الحق يحمينا ولا نشهد شهادة زور = كفى لو نشحذ الخبزه ..لنا ذمه ونحميها

إبراهيم الحسان

10-31-2009, 10:35 PM

علامك رحتي وكل الزوايا بالحزن تبكيك = وربي ما بقت دمعة حزن ما بلّت غيابك !

إبراهيم الحسان

10-31-2009, 10:43 PM

ما ينفع الحزنْ لو نكتبْ ولوْ نقرأ=كل ٍ نزف دم حزنه وإيتغذى به
مع ذمة الكذب لايمكننا نبرأ= وسوالف الزور تاتي دوم خلابه
لكن قصيدي انا اعلم فيه ثم أدرى= وكل ٍ على قد فعله يحسب حسابه
البارحة سرت وأثري تايه المسرى=كنت ابعد الشوح ياحماد واشقى به
الليله اللي مضت ياشينه القشرى=داست على جرح قلبي وإشتد إصوابه
ياكبر همي وجرحي ماهو بيبرى=إنكشفت إعلوم ناس ٍ حيل كذابه

إبراهيم الحسان

11-04-2009, 09:59 PM

مرتاح ؟ لا والله فلاني بمرتاح=القصد ماهو يالغلا في ......؟!
فيني سهم مدفون في غبة إجراح=اعيا طبيبي لا يلاقي علاجي
ماهمني نوض المقفي إليا لاح=من صرت في راس الطويلة مناجي
أخاف من ليل ٍ يجي دون مصباح=غلطة زمن تاخذ من العز تاجي
لو هي على قول المثل (كلب نبّاح)=ماني بمعطي للكلاب إنزعاجي
المشكلة:راعِ المبادئ إليا طاح=ماطاح غيري من على برج عاجي (*)

http://up1.arb-up.com/files/arb-up-2009-9/GWa61037.jpg

.
.
.

إبراهيم الحسان

11-06-2009, 04:04 AM

http://img264.imageshack.us/img264/4756/34caccf4851pm6.jpg

.

انا راحل.. ولاعندي سوى ..دمعة..تواسيني= كثر م/أعطيت , شحّت هالسنين وبيّحت سدّي
تعبت وعشت متألم..وأردد بيني.و.بيني =بأن الوقت ماخان العهود ولا وقفْ ضدي
طغى يستنزف دموعي .ثمن.ويعاند إسنيني=ألين أخلص لي بحبه وأنا مديت له يدي
.

إبراهيم الحسان

12-15-2009, 07:27 AM

لا اريد هذه الصفحة ولكن أجدني هنا مرغماً , نبرات حزن تلتف حول اوردتي ,

يضيق بي المكان ويتسع ألماً ,

اللهم إليك المُشتكّى .

إبراهيم الحسان

12-17-2009, 08:03 AM

عاجل

أكبر ويكبر فيني العز والجاه=حتى ولو تصغر بعيني مشاريف
الرجل ماتثني عزومه خطاياه=يصبرعلى كبر الندم والتكاليف

إبراهيم الحسان

12-19-2009, 03:18 PM

http://vb.arabseyes.com/uploaded/129613_1203071327.jpg

صحيح ان الظروف اقوى .. صحيح ان الذنوب أشباه =صحيح ان الخطأ وارد..صحيح انك تبكيني
ولكن... للوفاء ناسه..وانا واحد يبيه.. وجاه= ذكرتك وانتي مو عندي..وجيتك ماذكرتيني

إبراهيم الحسان

12-21-2009, 11:33 PM

أحلام غيري ملوك ولابسه تــــاج = وحلمي كفن موت ودموع وكآبه

طموح غيري لغيري شيّد أبــراج = وطموحي العيش في عز ومهابه

تتحقق آمال شخص ٍ غير محتـاج = ورزق المساكين في يد العصابه

إبراهيم الحسان

12-28-2009, 07:52 PM

سحابة ٍ مرت عصير وتعدت = ضيقة صدر مامرت قلوب وصدور
تشعمت نار العواذل وهدت = حلم ٍ بنيته صدق وإحساس وشعور

إبراهيم الحسان

01-02-2010, 04:21 AM

ولاشفت حر ٍ يطلقونه بلا جنحان=ولاشفت راس ٍ تالي العمر يصبح ذيل

انا لو ذراعي جات تقصر عن الذرعان=عليّ الحرام إني لـ / أمثل بها تمثيل

إبراهيم الحسان

01-03-2010, 10:00 PM

أعز ضيوفي.. الجرح القديم..وساعة الفرقى=تذكرت أبعد أصحابي عليّ وأقرب أصحابي

إبراهيم الحسان

01-07-2010, 06:44 AM

http://img264.imageshack.us/img264/4756/34caccf4851pm6.jpg

توقعتك تجي قبل البشر وتعانق طعوني = تفاجئني قبل غيرك يجي ويشوف دمعاتي
علامك لـ/ انحدر دمعي على شانك من عيوني=تصد وصدتك ياهي تحطم كل رغباتي
يموت الحلم في صدري قهر وتخيّب ظنوني=تطيش الآه في اربع جهاتك من معاناتي

إبراهيم الحسان

01-07-2010, 09:35 AM

تعيش أحلامنا فينا

وحنا مانعرف أحلام .

نموّتها برجى باكر

وتسبق باكر الكذبة ...

وتموت أحلامنا فينا .

.

نكابر والجروح أكبر ..

نهاجر والفراق أخطر ..

إذا ما للوطن داعي ..

حرام إنه يعيّشنا ..

حرام إنه يربينا ..!

إبراهيم الحسان

01-07-2010, 10:24 AM

ياليل الآه لاتشره..

ترى صاحبْك موداري .

تقاسمنا السهر مره . .
وذقنا حلوه و مره ..

وتقسى حيل بأحزانك على مثلي وتتركني ..!
ترى متعود وصابر ..

أقل أحزاني بكثرك

يموت ولا يجي عذرك

لأنه حافظ أسراري ..
.
.
.
.

خربشات صباحية !

إبراهيم الحسان

01-08-2010, 06:12 AM

http://www.rofof.com/img3/1wypfb4.jpg

إبراهيم الحسان

01-21-2010, 03:18 PM

اشهد أن لا إله إلا الله , وأشهد أن محمداً رسول الله.

سبحان الله والله اكبر والحمدلله .اللهم لك الحمد والشكر حمداً كثيراً طيباً مباركاً.
.

اللهم اعني على ذكرك وشكرك.

اللهم اغفر لي ذنوبي انه لا يغفر الذنوب إلا أنت.

اللهم إني استغفرك وأتوب إليك يارب العالمين .

وصلى الله وسلم على سيدنا محمد وعلى آله وصحبه اجمعين

.

إبراهيم الحسان

01-28-2010, 03:46 AM

http://www.alodaba.com/up/uploads/files/alodaba.combca926a915.rm

.

مــداد همّ
.

إبراهيم الحسان

01-29-2010, 01:28 AM

علي تقسى .. علي تقسى

وأنا لك شاطئ ومرسى

وأنا من لا قــدر ينســى **

علـــــــي تقـــسى ..؟

إذا كان العتب كافــي ..

تهجى شعري الوافـي ..

وأنا في نيتي صافـي ..

علـــــــي تقـــسى ؟!

إذا دمعك نفع خدك ..

وحرك حزنك وصدك..

كشفنا لعبك و جدك ..!!

علـــــــي تقـــسى .؟

.
.
.

إبراهيم الحسان

01-30-2010, 01:07 AM

القلب .. لو تدرين بالقلب وش فيه ؟=طبتي قبل لاتسأليني علامه
من يوم صديتي..بصدك طعنتيه = أقفى معك نبضه ومات إهتمامه
روحي مادام إنك بيدك قتلتيه= قتيل حب ولاتفيد الملامه

إبراهيم الحسان

02-07-2010, 02:58 PM

تروح / ترحل / تبتعد / تقفي / تصد ’’!’’ تجي / تقرب / تقبل / ترد / تاتي
تموت / تحيا / تتعب / تلوم / تنهد ’’!’’ ترتاح/ تسكن/ تحتريني /.. تحاتي
خذها على كيفك..تبي مزح ..أو جد ’’!’’ ماعاد تفرق يا حياتي ../...حياتي

إبراهيم الحسان

02-09-2010, 01:32 AM

قبل امس جيت ادورك مالقيتك=ي/ أعذب من النسمة على قلب مغليك

اذكر عطيتك شي بس ماعطيتك=وجيت آخذه منك ولاني بمعطيك

شف كيف وهمّني خيالك وجيتك؟= ضيعتني فجأة وأنا ساكن ٍ فيك

إبراهيم الحسان

02-12-2010, 04:13 AM

اذا كانوا يبوني للنميمه جايب مودي ’’ فأنا عن ماوطت رجلي كبير ودوم متعالــــــــــي
يميني لاعطت تعطي ولاتاخذ من مقدي ’’ وعلى كثر العطا زادو حواسيدي وعذالــــــــــي
تعودنا على مبدأ سحابة صيف وتعدي ’’ ويروح الصيف في حضن الشتاءوالغيم يبرالي

إبراهيم الحسان

02-13-2010, 04:08 PM

أبيات .... من قصيدة كتبتها اليوم وأنا مسافر

لا تسأليني عن سبب صدتي .. ليه ؟ = بس إسألي عن طيب قلبي وصدقه

شرعت بيبان العتب والمشاريه = لجلك ولابـيـّــنـت جرحي وعمقه

إبراهيم الحسان

02-18-2010, 11:46 PM

تعال دورني بقلبك فديتك=شفني معك جايب قصيدي يسليك

إبراهيم الحسان

02-20-2010, 11:59 PM

أستحلفك باللي رفع هالسماء فوق = وبسط لنا الأرض ومشينا عليها

وأعطاك طيب الروح والحب والشوق=وملامح ٍ فيها وفيها وفيها

هو فيه غيرك ذوق يامنبع الذوق= تجي مكانك ثم أقبل يديها ؟!

إبراهيم الحسان

03-03-2010, 06:55 PM

الناس مهما في غلاهم تمكنت = يبقون رهن العاطفه بأي زلة !

إبراهيم الحسان

03-06-2010, 01:09 AM

http://www.alodaba.com/up/uploads/files/alodaba.comf18ac68652.mp3

إبراهيم الحسان

03-09-2010, 02:11 AM

.

تكفى بنام شوي

.. شف هالتعب ..ديره
.
وإذا طلبتك عي

..لاتقتل الغيره
.

إبراهيم الحسان

03-27-2010, 12:31 AM

وحيد ماعندي من أقرابي أقراب = شوفيهم بعين الهقاوي على جنب !

تحيزموا ضدي بلا ذنب وأسباب = ذنبي نقلت حمولهم كان لي ذنـب !

إبراهيم الحسان

03-28-2010, 04:00 AM

أضيق من الإبرة على ناظم الخيط= و أوسع من الدنيا على من بغاها !
ماعاد به ياسعود : هذي مسافيط=`ذقنا عنى الغربة وشفنا بلاها !

إبراهيم الحسان

03-29-2010, 10:00 PM

تسامت النفس العزيزة عن الذل=وتقطعت رجوى النفوس الذليلة

مابين حل وبين ..عقدة.. بلا حل=ترفعّت نفسي عن أهل الفشيلة

إبراهيم الحسان

03-31-2010, 10:58 PM

إن كان عندك شي..عندي ولاشي =مانيب والله مستحي من عنادي
أبطيت تاكل باللحم واللحم ني=وانا لك الله ماتذوقت زادي
تاخذني الهقوة وأثاري مهي .. هي= تجيبني يمك وأثاريك غادي
من مات جدي مابقى واحد ٍ حي=في عيني..وعين الشيم والمبادي

إبراهيم الحسان

04-01-2010, 07:42 AM

http://www.alodaba.com/up/uploads/images/alodaba.com712bf8a4f7.jpg

أمي أجمل قصيدة .. مانطقها لسان=أمي أطهر من الماء لابغيت أشربه
أمي الحب كله والأمـن والأمـان=أمي الكون كله .. مشرقه ..مغربه
أمي جنات خُلد..وَعَبْقَرِي حِسَـان=أمي الروح والريحان..كيف أكتبه؟!

إبراهيم الحسان

04-03-2010, 08:51 AM

http://img525.imageshack.us/img525/1610/aninc50e4504671qn2.png

لو منت غالي ما تعمدت فرقاك=ولاشفت لي دمعة غلا ياضنيني

كان أحبس العبرة على شان لقياك=وأعيّشك مابين عيني وعيني

لو تعرف اللي ضاع منّك وخلاك=ما عاتبت ساعات قربك سنيني

.
.

إبراهيم الحسان

04-06-2010, 12:38 PM

.
.
http://up.graaam.com/uploads/images/graaam-1-2d3e7f19c6.jpg

أزعلتني وأنا لك الله موالي = وأرخصت كل الناس من شان خاطركْ
جيتك بنيه صافية من هبالي = أسوق لك كل المشاعر وأبشركْ
خذيتها من ورث عمي وخالي=سُنه على وضح النقا..مابها شركْ
وضحيت في حالي على شان حالي=كنت أحسبْك شامخ وأثاريك مصغركْ

.
.

إبراهيم الحسان

04-08-2010, 08:55 AM

http://4.bp.blogspot.com/_R6r9iMjf08Y/SlxGnKrtFBI/AAAAAAAAAds/lIfNWFjoS-k/s400/20090712127.jpg

أنا بقايا الأمس ..مستقبل اليوم= أحاول أعطي للبشر كثـر م/ آخـذ
إنسان متواضع..وطيّب..ومحـروم= أنـا بحـر هـمّ و زمانـي نواخـذ

إبراهيم الحسان

04-09-2010, 04:00 AM

http://up.rabe7.com/get-9-2009-j1gwweo4.gif

شفت كيف الجرح عيّا لايطيب = شفت كيف الهم بعدك هدّني؟

من يعالج هالتعب وأنت الطبيب=ياخي لاشفتن بكيتك هدّني !

الغلا شمسه بقلبي ماتغيب=بين هجرانك ووصلك هدني !

إبراهيم الحسان

04-09-2010, 06:44 PM

http://www.gallery.7oob.net/data/media/23/3shqi-shmali_haya.jpg

مو مسألة: هم وشقى ..مسألة وقت=أحيان تنسى..ماتحسبْ الدقايق

انا لك الله من بعد غيبتك..ضقت= مالاق لي غيرك من الناس لايق

ملامحي لو شفتها كان..صدقت= ماعدت أنا من كثر الأحزان طايق

إبراهيم الحسان

04-10-2010, 08:00 PM

http://www.7c7.com/vb/uploaded/23607_01197412523.jpg

مساءات الفرح في دنيتي ياخوك محدودة = تجيني بالسنة لحظة فرح ..لكنها عجله
تمر أيامي بحبل الشقى والهم معقودة = وأقابلها بوفا من لاوفت له.. وفرحَتْ لجله

إبراهيم الحسان

04-11-2010, 10:39 PM

http://i816.photobucket.com/albums/zz82/pal-df/DSCF0698_450x600.jpg

من عادة غيوم السماء..تروي القاع=يبرد لها عظمك .. وتبرد عظامي

وانا سقيتك يوم الأكباد نزاع= ظامي فكر.. تحسبني إنسان ظامي

إبراهيم الحسان

04-12-2010, 11:40 PM

http://www.y1y1.com/data/media/716/y1y1.com-hzen%20(34).jpg

هيضتني وانا من الهم هايض=و أبكيتني وأنا دموعي هماليل

مثل إنكسار العز لو صار نايض=هي دمعة الرجال بين الرجاجيل

ياهيه..وادي حول.. لا صار فايض=يشبه لدمعي لارثيت المقابيل

إبراهيم الحسان

04-14-2010, 04:05 PM

عجبي !

يمقت الخيانة وهو خائن

يتكلم عن المصداقية وهو لا يملك أدنى جزء منها !

يحاول أن يظهر بمظهر الطيبة و النقاء وهو خبيث لامظهر له إلا بما وُصف بما تحته خط !

وعجبي !

إبراهيم الحسان

04-18-2010, 04:07 AM

http://img18.imageshack.us/img18/6411/arabianhorseshowbyshehr.jpg

ليتك تركت جروح قلبي وصديت=على الأقل أعيش حزني لحالي

مابي أعيشك حي من داخلك ميت= إرخ العنان ويرحم الله حالي

إبراهيم الحسان

04-19-2010, 11:40 PM

http://2.bp.blogspot.com/_opgkXNo68zs/R5TusNL_THI/AAAAAAAAANQ/TlU0mOvUYOc/s1600/%D8%B2%D8%B9%D9%84%D8%A7%D9%86.jpg

أتيِهِكْ غلا مابين روحي ونبضْ الروح = وأعيشك وطن بالحب مايشبه أوطاني

تخيّرتك لدنياي..لو فيك شيمة..روح =ولا أرجعكْ للغيم يوم الله أعطاني

تلاميذ حبك في خفوقي .. بنْتكْ صروح= يتاماك لو تبكيك.. يبكيك شرياني

إبراهيم الحسان

04-21-2010, 04:29 AM

http://reddodo.com/cellphones/nova/?sesid=NUpWd3QwbDBjbW1ZMzJ4ZFhFS3NEZDFLYlNTL3EvM2N TWmFZcGlyNzZEVVlBSDBzb2hKait2eU5Fb01KbVJmU3VDZlR1U UwxdER4VA==

وقف هالقلم شيمه..وحبره على قرطاس= وانا دم عيني عالثرى..ماوقف شيمه
منابع ألم..غطت شعوري بدون قياس =هماليل..ملتاعه..وبهمومها..غيمه
خناجر غدر جذت طعوني بغير إحساس =كذا جاتني ..عامين في صدري مقيمه
رخيص الفرح ياقلب..لكننا بإفلاس= نبي نشري الغالي.. ولانعرف القيمه

إبراهيم الحسان

05-01-2010, 05:26 PM

سافرت وعروق الغلا فيك ذابت = عيّت تخاويني وانا حيل تعبان
ناديتها لكنها فيك غابت =وأنا سريت الليل في هم وأحزان
عاشق وهقواتي أبد مستجابت=تعيشني جفله وانا آعيشك إنسان

إبراهيم الحسان

05-04-2010, 02:48 PM

أنــتـــي بــــــس إنــســي حــنــانـــــي ..

وإتــــــركـــينـــي دون رجــــــعــــة .

ســـــافـــــــري بـــي للــمـحــانـــــــــــي ..

وإهـجــــــــــــري حـبــــــي بـــدمـــعــــة .

.
.
.
يـنـطــفـــــــي نـــــــور الأمــانـــــــي..

وأعـتــــــذر لــك بألـــــــف شــمـــــعـة.

أكــتبــك شــعــــــــر وأغــــــــانــــــــي..
مـــا بــشـــر بالــكــــون ســـمـــعــــــه

إبراهيم الحسان

05-09-2010, 07:55 AM

نعم زعلان من كُبر الخطأ والذل والبهتان=طمان النفس ما خلا عذر نقضي به الحاجه
مصيبه لابدت بعض الصقور تخاوي الغربان=على شئ ٍ نخافه من زمان ونكره علاجه
ظهور إنسان من لاشئ..يعني من وراه إنسان=وبيان العيب بوجيه الرجال يطفّي سراجه
سكتنا لين ما مل السكوت وصاح بالطغيان=ولافاد الحكي عندك..ياصدام ويا حجاجه
نذرنا روسنا لجل الكرم ومقابل العربان=على شان الدخيل ليا تضايق شاف مخراجه
تعودنا نجي نار بعلم ونجابه النيران=حقيقتنا على روس المشاعل دوم وهاجه
حفظنا حقنا بالسيف لامانقبل الحقران=ولا نمشي على قول المثل:بدروب منعاجه
ياعالم..ياقرايب..يابشر..ياهوه..يا إخوان=ترى عيني غدت تيماء وأنا بالدمع هداجه
علام الحق متشتت مابين الزور والبهتان= أبي تفسير مع شرح البخاري وإلا إبن ماجه!

إبراهيم الحسان

05-10-2010, 10:52 AM

راحت ..وراحت روح روحي معاها=من فارقت والدمع مافارق الدمع

أقسى زمن عمري..زمان ٍ خذاها=وأقسى الليالي..ليلة ٍ طفـّـت الشمع

إبراهيم الحسان

05-13-2010, 10:31 AM

صدر الشمالي

http://www.alodaba.com/up/uploads/files/alodaba.com58f4a30d2e.mp3

إبراهيم الحسان

05-14-2010, 06:38 PM

ياماخذ قلوب المخاليق ويش أنت=أي قلب يقدر ياخذ الكون كله؟!
لا ما اعتقد لو كنت حنا كما كنت= حنا لنا مليون مذهب ومله
أحتاج مثلك بس ياقلب لاهنت=بآقول لك نقطه مهمة وخله
إذا لقيت إنسان يعطي وأمنت=لاتستبيح الهم دقه وجله
الناس مهما في غلاهم تمكنت = يبقون رهن العاطفه بأي زله

إبراهيم الحسان

05-16-2010, 03:56 PM

الصبح يحسبني بقايا من الليـل=يرثيني بدمعـة وداع ٍ شحيحـه
أصدق مع نفسي واشوف المقابيل=تكذب معاي وعند غيري صحيحه
مليت يادمع الشقا مابقـى حيـل=كود الحنين وكلمتيـن ٍ فصيحـه
(أحبها) لين الشجر يجرف السيل=و (أعيشها) مع لانهايه فسيحـه
عاشق ولي عذر ٍ مهو يقبل الميل=لا صارت ظنـون الأوادم قبيحـه

إبراهيم الحسان

05-19-2010, 01:07 AM

.

أبسألك .

هو مابقى غيري انا .. تسهر عشان إتعذبه ؟

هي سالفة ظنك وبس ؟

وإلا على شان الوعد.. يصدق معك وتكذبه ؟

.
.

ياخي ولاعمرك ندمت !

بالله قلي هالعمر .. هو ماكسر لحظة جفاك ؟

أو ما سفح دمعة غلاك ؟

ساعة رحيلك هدني ..

حضنت جرحك وإبتسمت !
.
.
.
.

غريب طبعك ..... والغريب.

إني معك وأصافحك

تخطي معي وأسامحك

يعني ..بسهلها عليك

وما أبغى جوابك يندفن

مالي ترى غيرك حبيب !

.

إبراهيم الحسان

05-20-2010, 01:10 AM

أحبه والسنين اللي مضت عجزت تنسيني=تجي ذكراه في عين الغلا ماكنها غابت !
ثمان دموع راحت من حياتي..يا ثلاثيني=مضى عمري ولي شمعة وفا ماعمرها ذابت !

إبراهيم الحسان

05-21-2010, 03:20 AM

أحيان يكتبنا الوهم لين يتعب=وننسى مبادي حبنا للمبادي
نتجاهل ونضحك ونكذب ونلعب=حتى ألـ:يموت نقول:خلوه.. عادي
وأحيان يلفحنا التعب لين نتعب=ومن بعدها نحلم بحلم ٍ رمادي

إبراهيم الحسان

05-27-2010, 04:32 AM

صباحك يالرياض أقشر..مهو دايم صباحك خير = و انا اللي كنت متوقع..صباحك دايمًا هادي
خذيت اللي خذت عمري ثمن حب وغلا وتقدير= دفنت بقاعك ( نويّر ) ومعها تدفن فوادي

إبراهيم الحسان

05-29-2010, 01:15 AM

خذيت من الزمان دروسْ واجد..أطيّبه وأرداه
.

خذيت من الردي درس ومن الطيّب دواويني

إبراهيم الحسان

06-02-2010, 05:59 AM

يا دمعة الحزن العميق إلحقيني=محتاج وقفاتك معي .. لاتشحين
دايم إليا ضاقت معك وسط عيني=أعطيك بيداء واقعي لين تنسين
أنا غريب .. وكل مافي يديني=قصايد .. و همّ .. وأماني ..وجرحين
من وين ما وجهَت سهمي يجيني=يطيش بأعماق الوفا لين..وش لين ؟
إلين يطعن كل شخص ٍ يبيني= من حاضر أوجاعي..إلى عالم الطين

إبراهيم الحسان

06-10-2010, 11:12 AM

(1)

كئيب ياحزن المساء منته مثل حزن الصباح ’’ حزن الصباح يعاندك وانته تعاندني مسا

إبراهيم الحسان

06-16-2010, 08:39 AM

http://www.alodaba.com/up/uploads/images/alodaba.comf3ae9f1f9b.jpg

ياتاج راسي والظروف إجبرتني=خلتني أفعل شئ ماهو على البال
من وين ما مد النظر ضايقتني=والفال ماهو زين يا طيّب الفال
تكاثرت سيّاتها وحكمتني= مابين رجليها ومابين خيّال
تكالبت قشر النفوس ورمتني=تحقِّقِ عليّ آمال وتموّت آمال
وانا لك الله ماشكى الطيب متني=مانيب متصنع ولانيب محتال
شلته قبل سود الوجيه عرفتني=من قبل ماتاتي هل القيل والقال
والهقوه اللي من زمان إسكنتني=اللي لها بالجوف قيمه ومنزال
تكبر معي كبر الفضاء ما جفتني=ما بعتها يوم الردي حلمه المال
عليك يا " قرناس شمر " خذتني=إختارتك يامنبع الجود مدهال
والله لو إن العرب فاهمتني=وتمشي على النيه ولاتظلم الحال
أبيع من دنياي ما كلفتني=وأنصب لمثلك في سماء ( ... ) تمثال

إبراهيم الحسان

06-18-2010, 04:59 AM

تبكي وقالت لي تعذبت وابيك=فيني وجع مابين ضلعي وجوفي
بعشرين عشره اخر الليل ببكيك=بانت يبو محمد علامات خوفي
ليه اتاخر وش جرى قول وش فيك=وين الوعد وعدتني وانت توفي
قالت هلي ناويني اترك مماشيك=مده قصيره وتنمسح كل حروفي
رد وتـأكد كان حددت اراضيك=بيني وبينك عهدنا بمحلوفي
قلت العهد يابو عهد مايخليك = الا عن الله كان يظهر حتوفي
اواه لك الله انا قلت بهديك = كلي اجيك وكتفتني ظروفي
كم يوم اصبر بس اطلب معاليك=بغيت انخالي صديقٍ واشوفي
ابو عهد هو فزعتي يوم اناديك=الطيب مايجزي لغيره ويطوفي
ابراهيم لامن قال تكفى بناخيك=يشيل ماشال الجمل بالكتوفي.
لك دين والله بذمتي مااخليك=مادام اخو حسنا لوضعي يشوفي

الشاعر والإعلامي :صقر لزام الاسلمي

سلام من شخص ٍ يعزك ويغليك= غلاك مبطي من قديم معروفي

يابو محمد ويش بكتب وبعطيك= كل الجمل ماظنها فيك توفي

طبع الزمن هذا يبيعك ويشريك= وكل الهقاوي مرجعه للحتوفي

ماتت بي الفرحه ولاهو بخافيك= إن القدر خيّب ظنوني وشوفي

من يوم ولد الهيس قال وحكى فيك= ادري حكى فيني وشانت ظروفي

الرجل من خلا المبادي..يخليك= يبِ يطعنك سيفه ويكسر سيوفي

اوضاعنا ياخوك صارت شرابيك= والحمل عجزن يحملنه كتوفي

بس أنت لا ناديت مثلي يلبيك= على الأقل معزتك وسط جوفي

عندي سؤال الله يعزك ويبقيك= ملّت إجاباتي وأنا أقول طوفي

وشلون عصمان الشوارب تعاديك؟= وانت الذي في مدح الأجواد توفي

إبراهيم الحسّـان

إبراهيم الحسان

06-18-2010, 10:09 AM

http://www.alodaba.com/up//uploads/images/alodaba.comab557f30cb.bmp
( ربنا آتنا من لدنك رحمة وهيئ لنا من أمرنا رشدا ) .. (الكهف10)

إبراهيم الحسان

06-19-2010, 08:40 AM

http://www.alodaba.com/up/uploads/images/alodaba.comfca45b2241.jpg

ياحبري إكتبني على شان يقرون=ترجمني إحساس . و . شعور . وقصايد
أبيهم يعرفون وضعي ويدرون=مافيه عندي للمخفّى نقايد
عندي وطن هم . وتباريح . و إشجون=فيني سكن جرح ٍ كريم . و.عوايد

إبراهيم الحسان

06-20-2010, 08:52 AM

الصبح .. وأغصان الشجر . والعصافير
والـــهـــم . ودمـــوع الـشــقـــى . والـمـســـــــاري

والليل . وعناق السهر . والمشــــاوير
والجـــرح . وإسـنيــــــن التعـــــب . والـمـــــواري

نثرتــهم شيـمــــة بوجهْ الـتـبـاشيـــــر
مــــدة كـريــــم ٍ بالـعطــــا مــــا يـمـــــــــــــــــاري

إبراهيم الحسان

06-23-2010, 06:33 AM

ليمتى والجرح ساكن ..؟

ماعرف غيري مكان

ليمتى والصمت ساكن ..؟

لا شعور ولا حنان ..؟
.
.

إيه هذا هو زماني

ماخبرته .. ماعصاني

كل لحظه من حياتي .

لو رمى غيري .. رماني .

يعني الجرح ومكانه

يعني الهم وزمانه

وإن عطاني وش بيعطي ؟

آه يا صعب الإهانة !
.
.

شكرًا بحجم التعاسة

والأذى والإنتكاسة

والزمن واللي خذلني ..

والحقارة والسياسة !

إبراهيم الحسان

06-26-2010, 03:17 AM

الأحزان تُميت كل شئ .!

حتى التفكير

عذرًا أحزاني .. بسببك لا أستطيع الكتابة مـؤقـتـًا !

إبراهيم الحسان

06-28-2010, 05:12 PM

لايابعد حيي .. ترى منت غالي = لكنك أغلى من سكن كوكب الأرض

إبراهيم الحسان

06-29-2010, 05:15 PM

أهداء عزيز على القلب من الأخ العزيز ماهر الذيابي

فله الشكر والإمتنان على هذا التصميم

http://www.alodaba.com/up/uploads/images/alodaba.com388d567d95.jpg

إبراهيم الحسان

07-03-2010, 06:37 PM

.
.
.

الله ياذاك المسا .. مرت على طرفك حياة ..

اعيشها وتعيشني .. حتى طعونك ... له طعم !

وتروح ياذاك الزمن . ذكرى . ولي فيها ممات ..

سنتين والباقي عُمْر ..أحيي جذورك من عدم !

أكون وإلا ياعسى ..من ذات وإلا من ذوات ..

بس الأكيد حكايتي .. جرحين وفراق وألم !

.
.
.

إبراهيم الحسان

07-03-2010, 08:59 PM

بعض الكلام أبلغ من الموت بالسيف = لا جاك من شخص ٍ عزيز ٍ وغالي

إبراهيم الحسان

07-04-2010, 07:14 PM

صبرنا

لين ملينا
ولابه شئ يتغير !
و
وفينا لين خانونا !

وقلنا ما نعاتبهم

وقلنا مانزعلهم

وقلنا مانفارقهم

خذيناها على مبدأ..عفينا !

وأعطينا وضحينا وحبينا !

وأثاري لو نعاتبهم يردون العذر بأعذار
يزيدون الجفى فرقى ..

ولانلقى بهم واحد، يقول إن العفو شيمه!

يقول إن الصبر قيمه!

.

وتركناهم

غصب عنا تركناهم . .
لأن المسألة مبدأ
قيم وأخلاق تنهينا ولا نبدأ ..
عموما.. كل لحظة حب نذكرها تنسينا !

.

أبد ما للأسف داعي

يموت إحساسنا واعي
وحنا فيه حسينا
وقبل نحس صدينا
وبعد الحس صدينا
تموت أشواقنا حيه ولانرثي ملامحها ..

.

لذلك كل من يخطي

فلا يتأسف لغالي
لأن ماللأسف داعي !

إبراهيم الحسان

07-15-2010, 07:56 PM

ماتستحي يالجرح لو تستحي قلت..=( شكرًا لديوان المواجع إبراهيم )
منحتك إسنين البراءة ولا زلت..=أميّزك من بين كل المعازيم

إبراهيم الحسان

07-16-2010, 02:01 PM

الناس تسأل عن مشاري وتغليه=غلاه مع دم الشرايين جاري

لأنه أصغر شئ ممكن تسويه= تاصل مدى قلب ٍ يشيله مشاري

طاهر..نقي..صادق..وبيضاء مساعيه=إن شحّت الدنيا بمثله نماري

إبراهيم الحسان

07-18-2010, 01:56 PM

هذي قبل لايتعب الوجه بالشيب=من قبل أحطك صورةٍ في خيالي
قبل الهموم وعاتيات المصاعيب=يومي طفل برائتي راس مالي

إبراهيم الحسان

07-20-2010, 12:18 AM

لن أعتذر للأيام

فأنا لا أنتبه لشئ يثير الأوجاع لأنني أكبر مما تتخذه الأيام ضدي !

كانت ردة فعلي مع أول طعنة تلقيتها من ذوي القُربى. صرخة طفل بريء لا يجاوبه سوى الإهمال !

والآن أشبه ماتكون بصوت التحدي الذي لا أستطيع أن اصفه .

إبراهيم الحسان

07-22-2010, 02:20 AM

إشتقت لك يابعد كل المخاليق= ي/أطهر من الغيمه وي/أعذب من الما

تعالي وشوفي عيوني مغاريق= تذرف على قربك وللشوف تظما

إبراهيم الحسان

07-23-2010, 06:00 PM

يا فتنتي ما للكذب داخلي فيّ = صادق معاك بكل حاجة وموضوع
ياليتك بجوفي تشوفين وش بيّ = لرضاك كل عروق قلبي يجن طوع

إبراهيم الحسان

07-25-2010, 02:19 AM

يسعد صباحك جيت لك حيل مشتاق= صباحك أحلى من صباحات غيرك
إشراقتك ماهي مثل أية إشراق = تاخذني لنشوة غلاك وضميرك
ترمي بي أضوائك لثلثين الأعماق= وآخذ بها كل الولا وأستجيرك

إبراهيم الحسان

07-28-2010, 08:56 PM

http://srmad.com/up/download.php?img=3234

يا لهفة عيوني وقلبي وكلي=يا نبضي اللي لو بغيتيه..خوذيه
ساعة عرفتك..مادريْ..وش حصل لي= جيتك وباقي ماسترتيه..بحتيه
ليت العيون اللي بموتي زهن لي=بعد القصيد وقايلينه وطاريه

إبراهيم الحسان

07-31-2010, 01:04 AM

الأحزان ليست المشكلة التي قد تنتهي يوماً من الأيام.
حتى و إن لم تنتهي فأنا مؤمن بالقدر خيره وشره.
إنما المشكلة الحقيقية هي عدم إيمان الآخرين بأن لكل إنسان مشكلة تواجهه في هذه الحياة.
قال لي أحد الأصدقاء وهو على مستوى ثقافي رفيع , بأن المشاكل لها حلول ولكنك لاتراها .
فقلت له : إعطني حلاً يجعلني أنسى وطني الأم ؟!

فقال: إلا الوطن لاتوجد له حلول !

ثم قال : دعك من الوطن وقل لي ماسبب الأحزان ؟؟!!

إبراهيم الحسان

08-06-2010, 03:09 AM

حزن وورق

كل مكسبي من هالحياة

دمع ومواويل وأرق

.

إبراهيم الحسان

08-07-2010, 04:57 AM

صباح إهمومي اللي كل ليلة بالحشى تزداد
.. صباح دموع طعنات الزمان وجرح سكينه

إبراهيم الحسان

08-08-2010, 05:32 AM

http://srmad.com/up/download.php?img=3326

ياسيدي ضاعت حقوق الرجاجيل=وصرنا لك الله بين شاري وبايع
تلعب بنا بعض العقول (المهابيل1)= وحنا لغير ملوكنا ما نبايع
ياسيدي من غيركم يوفي الكيل=لا راح حقي من يميني قلايع ؟
ومن نزلّ القرآن وكتاب الإنجيل= من ينتخي في غير سلمان ضايع !
وأنا إنتخيت بواحدٍ يجعل الميل= أعدلّ من الميزان تحت البضايع
سلمان يا طب القلوب المغاليل=تشهد لك الدنيا ببيض الوقايع
جيتك من أقصى الهم حاديني الويل=و يلوعني من داعي الظلم لايع
أبي تحل المعضلة وأنت حلحيل = مكفول مع صفّ الصقور البتايع
حكامنا حدب السيوف المصاقيل=أهل العدالة حافظين الودايع
اللي لهم تصفي من الهند للنيل=لاحددوا وجه العدو جاك طايع
فرسان وإكرام وملوك ومشاكيل=إن ضاقت الدنيا ترى هم وسايع
مثل المطر يسقي ظما القاع بالسيل=إن عودت تنزل حمول الطلايع
دنيا بها مثلك تراها تساهيل=معروف بالمبدأ وحسن الطبايع
أنتم هل العوجاء هل الفعل والخيل= عدوكم مدفوق سمه وزايع
جينا لكم يوم إن حدتنا الغرابيل= عفنا ( الحويجة2) طالبين الفزايع
ولافيه مزبن غيركم يالحلاحيل=ياملوك الأرض اهل السيوف القطايع
واليوم ضاقت ياذرى نجد بالحيل= (الأسلم 3) تناديك والعلم شايع

1- ثلة ممن يزورون التاريخ والواقع ويظلمون الناس..وأنا عانيت منهم كثيرًا .
2- الحويجة هي منطقة إبن حسان في العراق بالقرب من صلاح الدين.
3- عشيرة الأسلم من قبيلة شمر
طبعا القصيدة لم تنشر كاملة .

إبراهيم الحسان

08-10-2010, 03:11 PM

راسي شمالي وإنشدي راس سنجار=هو يخبرك وشلون راسي شمالي
يالعن أبو حيّك مهو خمسة أشبار=إليا رقيت أرقى على كل عالي

إبراهيم الحسان

08-11-2010, 08:40 PM

http://www.azooz.net/data/media/16/ramadn_azooz_net7.jpg

إبراهيم الحسان

08-17-2010, 05:25 AM

http://dc07.arabsh.com/i/01886/syood2ta88cm.gif

شكرًا لك يا عناقيد

عمل أعتز به

إبراهيم الحسان

08-18-2010, 04:20 AM

قيد التسليم !

إن كان ما هزّيت جيلي وأنا حيّ = مانيب ولد معربين السلايل
لاتشوفني عايش كذا ما معي شيّ = إلا معي سنجار وجبال حايل

إبراهيم الحسان

08-19-2010, 01:36 AM

قيد التسليم !

يامطلق أفكار البشر صابها شك = والظلم الأول يلحقه ظلم ثاني
اظنْ طيب الناس ماينوخذ صك = كل ٍ على ماسوّت إيديه عاني
ابسألك وش لي بدنياي وش لك= شاللي خذيته غير ماسك لساني؟
مرت سنة وظروف حالي تجي تك=مخنوقةٍ من زود كذبة إخواني..!
كتمتها مير البلا زاد مافك= عيا وانا عييت مأرضى طماني
لي شيمةٍ مادونها باب ينصك=عاند بها راسي سهيل اليماني
واللي نقل هرجي لعمي وبه (لك) = الله لايرحم أبوه الهداني !

إبراهيم الحسان

08-23-2010, 07:53 AM

مدري !

أحس.. إني ..... خلاص .

اليوم مأقوى المستحيل ....!

أحس هالعالم غبي ..

وأنا مع العالم غبي !!

.

أهيم بعقول العطا..

وآخذ قراري من بخيل..!

أحيان أبي للكايدة ..

واحيان مدري ويش أبي .؟!
.
عموماً .. أكثر حاجتي ..

أحتاج .. عدلٍ مايميل ..!!
واحتاج من بين البشر..مطلب يحس بمطلبي !!

وبس !

إبراهيم الحسان

08-24-2010, 09:05 AM

غيمة ويا شح المطر في مجيّك :/: أربع إسنين عروق قلبي ظمايا
يالعن أبو حيّ المفارق..وحيّك :/: كيف أغفر الزلة و كلك خطـايا

إبراهيم الحسان

08-24-2010, 10:49 AM

.

أحببتها وماتت فرحاً .. فخسرتها ..!!

.

إبراهيم الحسان

08-25-2010, 05:30 AM

مشاعر الآخرين ليست لعبة .!
فلنكن أكثر وضوحاً وأكثر دقة في إختياراتنا
هناك عقول كثيرة ذهبت ضحية للعواطف الغير مستقرة!
علينا الإلتزام والإتزان كي لاتذهب عقولنا ولانُذهب عقول الآخرين :)

وتحية

إبراهيم الحسان

08-25-2010, 08:59 PM

http://sphotos.ak.fbcdn.net/hphotos-ak-snc4/hs251.snc4/39899_1540698325011_1461520219_1444438_8020883_n.j pg

وناسة انا وخالي فلاح الفاضل :)

إبراهيم الحسان

08-26-2010, 12:41 AM

فيني عبرة ...

من زمان معذبتني ..

كل يوم وكل ليلة .. كل دقيقة .. كل لحظة .!
وهي معايا من مواليد المدامع لين ساعة هالكتابة .....!
.
إن بكيت أفضح شعوري ..!
وإن كتمت أفضح شعوري ..!!
عبرتي تسكن ملامح هالوجيه.. ولاسترها زود صمتي ,

ما كفاها.. والدموع سيول بكبار المآسي !
أتجرع كاس هم وكاس دمع
و يّد جرح من الخناجر حيل قاسي !
.
يسألوني ليه حزنك لا يكل ولا يمل ؟

قلت مدري .. لكن ادري .. !
كل حاجة من يدين الذل .. ذل ...!

وكل طبع من الخيانة في صدور الكل..سل !
.

وكل طبع من الخيانة في صدور الكل..سل !

وكل طبع من الخيانة في صدور الكل..سل !

وكل طبع من الخيانة في صدور الكل..سل !

إبراهيم الحسان

08-26-2010, 08:00 AM

http://bnikhaled.com/mlffat/files/5023.mp3

.

أبسألك
.

هو مابقى غيري انا ..

تسهر عشان إتعذبه ؟
هي سالفة ظنك وبس ؟
وإلا على شان الوعد..
يصدق معك وتكذبه ؟
.
ياخي ولاعمرك ندمت !
بالله قلي هالعمر ..
هو ماكسر لحظة جفاك ؟
أو ما سفح دمعة غلاك ؟
.

ساعة رحيلك هدني ..
حضنت جرحك وإبتسمت !

غريب طبعك ..... والغريب.

إني معك وأصافحك

تخطي معي وأسامحك

يعني ..بسهلها عليك

وما أبغى جوابك يندفن
مالي ترى غيرك حبيب !
.

إبراهيم الحسان

08-30-2010, 04:22 AM

يشتاق لك ليل السهر والمواعيد= ترى غيابك هزّ الأشواق فيني ؟
شوفك لعيني عيد يازحمة العيد =ياطفلة إحساسي ويا نور عيني
يا (ليلتي) لاتقطعين المواريد=نبع الغلا مقسوم بينك وبيني

إبراهيم الحسان

09-01-2010, 06:52 AM

ياللي هنا ..!
هذا أنا ..

تعالوا أقروا سيرتي

وشوفوا معالم حيرتي

هذا أنا

أعظم مفاهيم العنا ..

إبراهيم الحسان

09-01-2010, 10:01 AM

اعزف على عودك من الجرح بيتين=من قلبي اللي كل مافيه تايب
نسى غلاك اللي ربى بالشرايين = يا عاذل جروحي..جروحي عطايب
بالله قلي ويش عمق السكاكين= اللي بجوفي من يديك الصلايب
ماعاد تفرق زين.أو خاطرك.. شين=فرقى ولاّ حبٍ يجيب الطلايب

إبراهيم الحسان

09-02-2010, 09:42 AM

ساعة ألم

تكفين خوذيني من الهم ساعة .. ابي ولو لحظات اطلع من الهم
أصبحت مالي بالحياة إستطاعة ..لاصبر ينفعني ولا إنسان يرحم

إبراهيم الحسان

09-02-2010, 10:41 AM

انا آسف .... لأني كل ماجيت أعتذر..أخطيت .. أحسـب قلوب خلق الله تقبّل كل زلاتي
انا إنسان من غير الخطأ مايستوي لي صيت .. ولامعصوم من ربي عن العثرة بخطواتي

إبراهيم الحسان

09-03-2010, 01:08 AM

مصيبة بعثرة فكر الـمحبـة بينك وبيني .. إذا منت بكفو قلي ترى ما للوهــم داعي
أحبك والوفاء يسري بدمي مع شراييـني .. حـرام نموت بثياب الغلا وإحساسنا واعي

إبراهيم الحسان

09-04-2010, 01:18 PM

ياحزن
..

ياحزن بالله قلي .. !

كيف أضدك وأنت ضدي ..؟!

هو سؤال من الخفايا دام هاللحظة تحدي !

أنت تدري كيف أكون ليا هجرت الدمع فيني ؟

يمكن أفرح في رحيلك

ويمكن أشتاقك وأخيلك !

والأكيد أني دخيلك ... لاتسويها وتروح ..

هو بقى غير الجروح ؟!

هو بقى بالروح روح ..؟!

هو بقى غيرك يسامر دمعتين, وصمت بوح ..؟!

حتى لو هاجرت تبقى ..

لاتحاول بالبدايل ماسوى هالجوف تلقى..!

لاتحاول .. لنك إن حاولت تشقى ..!

وإن شقيت تحس فيني ..

والأكيد إنك تجيني ..

بين لحظات المفارق واللقا, تلوي يميني ..

.

لاتحاول بالبدايل عشت فيك وعيش فيني !!

.

إبراهيم الحسان

09-05-2010, 01:23 AM

مجنون ماتفرق معي إيه مجنون - يكفيني ألقى في عيونك جنوني
لو انهم يدرون وشلون مفتـون - لقوك يا ريم الفلا في عيونـي

إبراهيم الحسان

09-06-2010, 05:23 AM

مايذبحـن.. غيـر الوفـا عنـد محتـال=يوفـي وهـو خايـن وحنـا ضحـايـا
بعـض البشـر يامـال ..يامـال.. يـامـال=بـلاش فرقـى عيـن.. فرقـى قـرايـا
البعد عن بعض البشـر قـرب ووصـال=وبعـض البشـر يبعـد وبيـن الحنايـا
ياشيـن ماضـي مــن تــوده ولازال=تلقـاه فـي نـوم الضحـى والمسـايـا
ياعالـمٍ حـال البشـر ترحـم الـحـال=تغـفـر لعـبـدك زلـتـه و الخطـايـا
إرحـم عبـادك مـن كثيـرات الاهـوال=فـي جـاه وجهـك ياجزيـل العطـايـا
انا الضعيف.. الضايع .. الملتجي.. الضال=فيـك أستعـيـن ولاتخـيّـب رجـايـا
ستـرك وعفـوك يـا إلآهـي بالاقبـال=يــارب لاتجـعـل دروبــي هفـايـا
العبد من يتبع هـوى نفس الإذلال=يصفـق يمينـه فـي شمـالـه ردايــا
نـاب النـدم عـض الاصابـع ولانـال=كـود الاصابـع والـنـدم والخفـايـا !
نياتكـم .. نياتـكـم ..هــي الاعـمـال= و ياشيـن (بعـض قلوبنـا) والنـوايـا

إبراهيم الحسان

09-07-2010, 03:12 PM

ماهو ضروري كل ماتعطي .. تجيب = مرات لـ..أتفه شئ سيفك تسله

دنياك لوضاقت بعكف الأشانيب = ماتوا شرف ..وأمجادهم.. في محله !

والعيب والله كان تدري ..وش العيب = صمت الرجل عن كل شئٍ يغله

إبراهيم الحسان

09-08-2010, 12:57 PM

غلاك يسري بالشرايين ويذوب = والحب مع غيرك لك الله كايد
لكن معك - يرتاح -و يحس - ويتوب= ياموطن اللهفة وطيب العوايد
أحبك ولاعاد تبعدني ذنوب= حتى ولو وصلت معي للنقايد
لأني أدريبك أحاسيس وقلوب= تنبضني شعور وحنان وقصايد
ياشامخه جيت ألبْسِك للفخر ثوب= زايد..وأبي زودي عن الناس.. زايد
(أنتي بصوب..وباقي الناس..في صوب)= صدرك سما والناس عندك قلايد

إبراهيم الحسان

09-09-2010, 09:01 PM

http://bnikhaled.com/mlffat/files/5159.mp3

إبراهيم الحسان

09-14-2010, 04:13 AM

يا طعوني علميهم

ماعليك من الخفايا سرها باح وكشفته

وانصدمت من النوايا وفوق هذا ..
ماعرفت ولا حقيقة ..

ولاطريقة للتعامل
غير كبت همومنا بين الحنايا

غير شح الناس في رد العطايا

.

وبلغيهم

مابقت غير المواجع

والظروف اللي حكمتني همها لو راح ..راجع ..

يعني اكثرني شتات ولاجمعني غير همي .

وكل لحظة بالموادع بدلت دمعي بدمي
.

وبلغيهم

إن صبري مل مني

وإن فيهم خاب ظني

وإن أصغر جرح ممكن لو حكيت يرد عني..

.

والقرايب ويش اقول عن القرايب ؟

أصغر طعون القرايب ذنب في عنق الخطية ..

والعجايب وش جعلها فوق عن سبعة عجايب ..؟

غير شايب ..؟

لو يصلي بالدقيقة الف مرة موب تايب ...!!
..

إبراهيم الحسان

09-15-2010, 01:18 AM

ياخوك يافيصل ترى الوضع تعبان =في ذمتي ماشفت انا وضع زيه
عِميان واللي قادنا شخص عَميان= نعطي ومحرومين مد العطيه
كل يوم في ديرة وكل يوم بأوطان= تعوذتنا الشام واللاذقيه
ياخوك دخاني قضى هات دخان= وأنت تعرف نفسيتي شمريه
إليا طنت عندي ومريت بنبان= سيدا بوجهي لين أطب الحويه

إبراهيم الحسان

09-15-2010, 07:46 PM

بكيت في مجلسك والناس شافوني = وأنت السبب في دموعي يامعنيني
يوم انهم يسألوني كيف ياتوني= قلت الله أقوى ودمعي هل من عيني
مانيب مخطي ولكن خابت ظنوني=وأقرب قريبٍ على الضحكة يواسيني

إبراهيم الحسان

09-16-2010, 02:06 AM

http://bnikhaled.com/mlffat/files/5169.mp3

إبراهيم الحسان

09-17-2010, 01:09 AM

مساء الدمع

http://bnikhaled.com/mlffat/files/5173.mp3

إبراهيم الحسان

09-17-2010, 09:33 PM

إتركيني .. وشوفي كيف حالي يصير = جربيها تغلي.. وإحكمي بعدها !
راح تلقين موتي في يدينك يسير = لو رحلتي .. حياتي موتها حدها !

إبراهيم الحسان

09-20-2010, 04:23 AM

http://www.bnota.net/vb/members/9910-albums80-picture639.jpg

تعال لملم من شتاتي بقاياي=وإنثرني بدرب المواجع مع الريح
غطّ السحاب ذنوب بأكبر خطاياي=وإن عوّدت للهمّ صدري تباريح

إبراهيم الحسان

09-22-2010, 01:06 AM

http://sphotos.ak.fbcdn.net/hphotos-ak-snc4/hs704.snc4/62444_1576169531769_1461520219_1528217_3824424_n.j pg

http://bnikhaled.com/mlffat/files/5343.mp3

دمي خضر ماهو حمر لون دمّي = انا سعودي وإنتمائي سعودي

:)

إبراهيم الحسان

09-25-2010, 02:35 AM

وين أنت ياللي غيبتك غيبة الذيب=وين أنت ياللي طول عمرك سنادي
خليتني والكل صاروا أجانيب=و تضيق بي دنيا الشقا في بلادي

إبراهيم الحسان

09-27-2010, 03:40 AM

مدري لكن ادري !

أحيان أمشيها عليّ
وأحيان أمشيها عليك

لاغباء ولاذكاء

هي فكرة للتعامل حسب مفهوم الجفاء
صير أذكى وأنت تعرف وش مصيرك في متاهات الغباء

كلهم قبلك تناسوا مامضى لحظة لقاء
ويوم فاتت قافلة هالحب فاتوا
ويوم فاتوا صرت أصعب شئ فعيون الأرامل .. ليه ماتوا ؟

يسألوني عن سبب صدي وهجراني وبُعدي
وليه دايم لو بغوني للردى ماخنت عهدي
لن وعدي لو نقضته مع حمامة هالسلام تموت بعدي

ماني قدك يالمصايب أنتي بكبر القرايب
والأقارب سمهم ذباح وش لي بالعقارب ؟!

(خربشات لا أكثر)

إبراهيم الحسان

09-27-2010, 06:01 PM

استبشرت فيك المشاعر وغنت = وعانق سمو ذاتي سموك وذاتك
حتى القوافي من مقامك تثنت = وشهي حياتي دون معنى حياتك
أنتِ غلا نفس ٍ لقربك تمنت = تعيش ذكراها معَ ذكرياتك

إبراهيم الحسان

09-28-2010, 04:02 AM

مشكلة

إذا كنت تنتظر الطعنة من عدوك

وجاءت من أهلك !
.

مصيبة في نظر الأقرباء

إذا وقف معك عدوك ليعينك على أهلك , فلا دم لك . لأنك خائن وهم أشد خيانة منك!

-خربشات من جنون آخر الليل-

إبراهيم الحسان

09-29-2010, 02:54 AM

ياليت جرحك بي وجروحي كثار=أطيب لاشفتك تعيش بسعادة
أشيل عنْك صغار وإن صارت كبار=فيني على شيل الثقيلات عادة
يانسمة الغربي وياضلع سنجار = ياسيدي و إن كان للحب سادة
فيك أرتبك وأضيع وآهيم وأحتار= معاك زود العاطفة في زيادة
قلبك سماء وغيوم وبروق وأمطار=أحييت قلبي من ظماه ورماده
تعال خذني وأنت لاشك تختار= طيرك وطيّب خاطرك في هداده

إبراهيم الحسان

09-30-2010, 03:34 AM

http://alodaba.com/vb/picture.php?albumid=27&pictureid=142
الشيخ حماد بن إبراهيم الحسان

يابوي والله مو بكيفي دموعي = جرحك شمل كل أسلمي وأسلمية
لي خافقٍ من بين حدب الضلوعي= تضيق به دنياه لو هي فضية
وأنت تعرفني ياكريم الطبوعي= مالي على صمت الغلا مقدرية

اسأل الله أن يشفيك وأن يعيدك إلينا سالماً معافى .

إبراهيم الحسان

10-01-2010, 03:35 AM

http://www.bh-30.com/up1/uploads/images/bh30.com1239532687.jpg

جعل الذي حبك من الروح للروح = يفداك قبل الثانية والدقيقه
قبل الكلام ونزعة الصمت للبوح= قبل الهوى روح الغلا تستفيقه

إبراهيم الحسان

10-03-2010, 03:12 AM

http://up.bentvip.com/up/20090121212732.jpg

لا والله الا مابقى من رصيدي=ياكود دمعة وسط عيني وطاحت
والهقوة اللي حايرة في وريدي=كتمتها مليون مرة وباحت
العيد والله يافهد موب عيدي= كنت أعتبر بلواي ولتّ وزاحت
الله من همٍ بقلبي يزيدي= تشعم به النيران لين إستباحت
هذا الجديد إن كان تبغى جديدي=أكثر طعوني في حشاي إستراحت

إبراهيم الحسان

10-04-2010, 03:18 PM

اللهم ارحم الزميل ياسر سرحان بواسع رحمتك ومغفرتك

وادخله الجنة مع الشهداء

اللهم آمين

إبراهيم الحسان

10-05-2010, 03:45 PM

http://dc08.arabsh.com/i/02126/pmjp8zp8kuja.jpg

شكراً للأخت الكريمة
الأستاذة / عفاف علي

أعتز بهذا العمل الراقي والذي أجدتيه تماماً وأبدعتي فيه .

إبراهيم الحسان

10-05-2010, 08:14 PM

جاء معه ورقة بيضاء تحمل السواد في داخلها ..!

أعطاني إياها وبدأت أقرأ .

( " مكتب ........ للإستثمارات العقارية " )
المكرم : فلان الفلاني
نرجو مراجعة المكتب بخصوص حلول القسط الثاني من الإيجار بتاريخ 9-9-1431 هـ
الرجاء الإسراع في السداد قبل فصل الكهرباء غداً
مدير المكتب : فلان الفلاني التاريخ 26-10-1431هـ . )

قرأتها وقلبي يتقطع من التهديد والوعيد !
هذا الصديق وحيداً في دنياه .. لا أب ولا أم ولا أخ ولاوظيفة !
أنهكه المرض ولايستطيع أن يعمل لكي يقوم بتسديد الأقساط المترتبة عليه ..
متزوج ولديه أسرة وأولاد.. فما الحل ..؟؟!!
.
.

http://alodaba.com/upload/viewimages/0c29cfb7db.jpg

ياخي إصحى من سباتك
وإعتبر وضعي سعودي ..
مسلم ولاني يهودي ..
ياخي إصحى !

وربك وربي أعاني ..
من مرض دمّر كياني
ولاني كاذب ..
إسأل الجيران عني
يعلمونك بالهموم وبالجروح.. وكيف وقتي ممتحني!
.

سعودي وعندي بطاقة !

لكن ظروف الإعاقة ,
دمرتني وحرمتني من حياتي
من عيالي ومن بناتي !

وين أبوي ووين أمي.. وين عزمي مع ثباتي
شوفني تلقى الإجابة ... وين ذاتي ....؟؟!!
.
.

كل وقتي بآخر سنيني سجودي ..
أدعي الله يلطف بحالي ويرأف .
موعشاني .. بس عشان أحيا مع الحيين وتصدق وعودي !
و إني أسدد اجاري

تكفى سامحني وحاول .. تعتبرها أي زلة ,,
ما أبي غير الكرامة .. لاتشوفك عين جاري .!
.
.
جاري محمد كريم ودايماً نفسه كريمة!
لايشوفك عند بيتي , ثم أطيح من المعزة والحشيمة !
.
.
ياخي تكفى
وأنت تدري
عشت منفى
لامكان ولازمان يشيل همي !
.
شوف " فلوه " تستذير من الدلال.. بلا دلال.. بلا ريال !
عندها ضحكة أبوها لا تبسّم , خير من دنيا الخيال !
.
.
أقسم بربي سعودي !
مسلم ولاني يهودي !
أصلي وفصلي جدودي
مامشوا درب الضلال ..!

وخير شاهد في كلامي هالبطاقة ..

وإفترض ماني سعودي ..
ولامواطن ..
حتى لو إني يهودي !!

كان أكرم خلق ربي, صلي وسلم عليه .

يحفظ حقوق اليهودي !

أقسم بربي سعودي أقسم بربي سعووووودي ..!!

إبراهيم الحسان

10-06-2010, 03:53 AM

.

http://www.lutnick.biz/images/love.jpg

إقريني أكثر وإستبيحي خفاياي=تلقين أكثر ماخفى عنكْ واضح
أدناي مات العام مع فرحة أقصاي=وأقصاي مل أدناي والشوق فاضح
لاتستفزين المحبه ترى إعداي=قاموا فرح للموت والكيد ناضح
يا فتنة عروقي وقِبِلِة محياي=ترى الهوى مهما كتمناه واضح

إبراهيم الحسان

10-08-2010, 06:09 AM

اللهم ارحم والدنا ووالد الجميع

والد الأخ مشعل المجر وأدخله الجنة من غير حساب

اللهم إنا ندعوك من قلب صادق في هذا اليوم المبارك

أن تجعل قبره روضة من رياض الجنة

اللهم آمين

إبراهيم الحسان

10-08-2010, 07:37 AM

http://www.m0dy.net/vb/uploaded/upload/120595_1192969918.gif
أعتذر لك بعد هذا العمر وأنسى ذكرياتي ..؟!

والله أقدر

بس مقدر للشموخ و للكرامة !

قيدوني عن جنابك
بعدوني عن عذابك .. عن حسابك ..!

عن مذلة نظرتينك لو رمت عز أمنياتي ..!
.

ياقصيدي وأغنياتي ..

ياحياتي

ماسوى ذاتك وذاتي..

بين نار وبين نار ..

ماسوى هالإختيار

خلك أبعد من ظنوني ما أبي روحي تبيك ..!

إرحل أبعد من عيوني يوم تبعدني واجيك ..!

عافني وإنسى حناني كان فالدنيا حنان !

حتى لو نفسي تعاني , هالثواني فيك فيك .!

إرحل أكثر و إبعد أكثر !

ما أبي أصغر في عيني ., وأنت تكبر , و أنت أصغر !

كنت تصغر في عيوني كل لحظة من عنادك

كنت أصبر !

وألتمس لك ألف عذر ولاتسامح !

كنت تحسبني ضعيف,

وكنت أخاف من الندامة .!

والملامة

والطعون

وهالخناجر والملامح ..!

موتتين بطعنتينك ما أبيها ..

والحياة بدون شوفك مشتريها ..

يعني إرحل وإعتبرني في حياتك شئ واحد .

وقبل اقوله لاتحاول تشتريني ..

إعتبرني في حياتك موت واحد..!
.
.
.

خربشات لا أكثر..!

إبراهيم الحسان

10-10-2010, 03:27 AM

إيه قولي

كيف رحتي ؟

وليه قطعتي عن حناني هالحنان؟

وليه ماتسقين قلبي ؟
من غيومك . من حنينك .. ليه رحتي من زمان ؟.!

يعني عندك شي عادي تقطعيني ؟

تهجريني !

وتذكريني في دقايق وأنتهي بعد الدقايق ؟!

كن مابيني وبينك شئ !

وانا

من لي بعد حبك..بعد قلبك .. ؟

لا هجيري مثل غيري
ولاسقيتي هالملامح من رذاذك كاس مي..!

يعني رحتي ماذكرتي هالسوالف ؟

وانا حالف

والله حالف
ان حبك في وريدي ما يموت !

ولايروح

ولايعاف ولايخاف ..

يسكن بكل الزوايا

ويسكن بعوج الحنايا

وكنت اشوفك بالمرايا
وكنت اشوفك دايما ياراس مالي!

تسكنين وتمرحين ودايما انتي معايا !

وصرت اشوفك شئ عالي

في مقامه

في حلاله

في حرامه
يعني انتي كل حاجه !

تعرفين المجد واصحاب السرايا ؟؟

والمطايا ؟

والطنايا ؟

انتي بعيني جيوش
ولاكسرها غير شئ من المواجع مات حي ..

.
وبعد هذا بسألك ؟

ليه قطعتي عن حناني ؟

وماتت بجوفي اماني ؟

وأنتِ كل شئ بحياتي

امنياتي

وذكرياتي

وأغنياتي يا غناتي ,
خربشات لا أكثر ..!!

إبراهيم الحسان

10-11-2010, 01:01 AM

عظم الله اجرنا وأجر الجميع في وفاة أخينا الغالي عايض العتيبي (الصريح) رحمه الله

والله ان الحزن يزلزل الصمت وأن الدموع تقتفي الأثر الطيب الذي تركه

ولا إعتراض على قضاء الله وقدره

ولاحول ولاقوة إلا بالله

ونعزي أنفسنا في رحيله

إبراهيم الحسان

10-11-2010, 09:03 PM

http://www.shathaya.com/poem/folders/00104/tget534tdg.jpg

كثيره أشيا دون شوفك ولاشي=وأكثر مساجين الفضا من غيابك

طبيعي إن الروح تظمأ بلا مي = والكون ينقص لاحسبنا حسابك

حاله غريبه كل ما تاخذ شوي= يردني شوقي لوقتٍ غدى بك

للذاكرة.. للحب.. للبيت ..للحي= أمشي وأمري عند حضرة جنابك

أنا إستويت بغيبتك والزمن نيّ= يقفي بمثلك كل ما قلت جابك

إبراهيم الحسان

10-14-2010, 02:57 AM

http://farm3.static.flickr.com/2096/1793853710_ede8864e62.jpg?v=0

ماجيت لك عاشق ، ولاجيت ولهان = جيتك اشيل من الحقايق ، حقايق
إنسان . ماشلت الضغينة على إنسان= واضح ..صريح..ولكن الصدر ضايق
يامتعبتني مابقى شئ ما بان = لاتستفزين التعب..كنت رايق
لو ينقطع نبض الأماني والإحسان= أحسنت لك مهما تكون الحقايق .!

إبراهيم الحسان

10-15-2010, 08:53 AM

بلط بحر..وإرسم سماء..قطّع إقلوب=تتعب ولاتلقى من الذل حاجة
لا تحفي الأقدام وإتدور عيوب= أشرب قراح المي..وإشرب هماجه

إبراهيم الحسان

10-16-2010, 04:47 PM

ياخوك لاتزعل على من يعزك=(غلاك يسري بالشرايين ويذوب!)
هذي تحيه مرسله تستفزك=تعطيك نبذه عن غلاتك بمكتوب!
اللي يحز القلب لا لا يحزك=وأنته مثل ماكنت غالي ومطلوب!
بك شيمةٍ يم الثريا تدزك=ولك هيبةٍ تسكن به صدور وقلوب!
اللي يخز الروح لازم يخزك=قبلك مشيت أوهام وجروح ودروب!
قال المثل حكي البلاسه يرزك=وهذا غلط مبدأ على الناس محسوب!
متأكد إن الطيب لو جاك هزك =والجود عاري وأنت لبسّت له ثوب!
يا (....) أيام الصداقه تقزك=وقفات مثلك تكفي أوطان وشعوب!
ياطير شلوى وقتنا لا يلزك=خلك معي ترى على الدمع مغصوب!
ترى حياتي متعبه،،قلت أوزك=يمكن تجي ونصلح الوضع ونتوب!
ترى خويك يأبيض الوجه عزك=(ومعزتك في صوب والناس في صوب!)
تعال دورني حرام أستفزك =قلبي وطن خالي ويحتاج لشعوب!

إبراهيم الحسان

10-21-2010, 06:59 AM

حلمت

إني على راس الطويله لحالــــي=أناجـــــي الأيام بالدمـــع والصوت

ويرد صوتي كن مافيه غالــــــي=كود الجروح ولفحة الهم و الموت

إبراهيم الحسان

10-23-2010, 02:00 PM

كنتِ الحلم الذي يراودني من سنوات..!

يأتي في غصات الأحلام ورفض الواقع ..

ولكن واقعك الخيالي تحقق، وسكن في روحي ولمسته بنفحة الهواء .

هل هناك أجمل منك في هذا الكون ..؟

أمطريني فأنا ظمآنك .

أسقيني من جنونك وعُصيانك

أنا لست بمجنون

ولكنني جُننت ، وهذه خطيئتك التي تلاحقك ..!

وذنبك الذي لايغتفر في شرع الحب ..!

هل سمعتي أنفاسي وصرخات إحساسي ؟

قولي سمعت وطمعت ليرتاح تعبي مني !

كنت لا أحلم وحلمت بك قبل أن أراك .

هل هذا معقول ..؟

التقت الأرواح منذ عشرات السنين ونحن لانعرف بعضنا البعض .

أيضاً هذا ليس بمعقول ياسيدتي .

ولكنه أصبح حدثاً على واقع السماء التي نحلق بها .

.

فأسقيني كأساً من مائك وأعطيني أشيائك

سأمزق الصمت من وراء ستار الحب وأغدوا بك ..

فأسقيني
خربشات لا أكثر

إبراهيم الحسان

10-23-2010, 11:17 PM

أحبك بس تعالي وإتركي هالجرح والسكيـن=ذبحتيني بموت العاطفة وإحساسك الميّت ..!
احبك من بدايات الرحيل لحـدّ مـا تاتيـن=إلين أعلمك عيني بكت لك وأختهـا عيّـت ..!

إبراهيم الحسان

10-24-2010, 09:59 AM

http://alodaba.com/upload/viewimages/0a09e2b343.jpg

إبراهيم الحسان

10-26-2010, 01:02 AM

http://www.gamr15.com/vb/imgcache/2/8883alsh3er.jpg

حزينةٌٌ هي أوراقي !

ظمآنة بين جفاف القلم ورحيل الإحساس من حولي..!

كل ما جاءتني دمعة الأحزان لاتتوقف إلا بعد سُقيا الأعماق الموجعة ..!

يقولون لي, ما بالكَ تتقطع ألماً..ولاترتجي أملاً ..؟!

فأجبتهم بأن الألم في حياة الأنقياء بات شيئاً معقولاً ومقبولاً..!

وأن الأمل في حياة المتفائلين أصبح مقتولاً..!

هذه إجابتي التي جاءت من تجارب حياتي التي تعبت لمدة إثنان وثلاثون عاماً.!

جئت ومعي كفن أبي رحمه الله.. وكان الكفن في أعيّن الصغار أبيضاً كالبراءة ..!

كنت فرحاً بهذا البياض, ولم اكن أعرف أنه سواد المستقبل الذي ينتظرني بعد رحيل والدي ..

ثم رحل والدي وودعته بذلك البياض السواد..

بقيت في عتبات الزمن وعثرات الآخرين التي صنعوها في طريقي .

كنت أعبرها ولا أعرف ملامحها .. إلا أنني كنت أشعر بالأوجاع في تخطي هذه الآلام..!

كبرت أحلامي وكثرت آلامي وزادت أوهامي ..

كنت لا أعرف الصديق إلا من خلال العدو..والأعداء كثر .. فكيف أجد الصديق من بينهم ..؟؟!

وكيف أعرف العدو إلا من خلال الصديق.. والحقيقة لم أجد صديق في طفولتي..

حاولت ذات يوم تحدي الصعاب ولم أفلح لسبب واحد..

كان السبب عدم وجود صعاب لكثرة المحسوبيات وأنا أنبذ هذه الصفة في المجتمع ..!

فبقيت وحيداً ولا أريد أن أتحدى صعاب تتصف بالسهولة ..!

فماهو الحل إذا كنت أعاني من لؤم بعض القلوب التي ليس لها علاج ...؟؟!

.

.

.

إبراهيم الحسان

10-27-2010, 07:35 PM

انا معك من وين مـــــارحت بآروح = انا مرض حب وأعيش بوريدك ..!
أهواك ضمن الدم والنبض والروح = أصـــــوم بصيامك وأعيّد بعيدك ..!

إبراهيم الحسان

10-31-2010, 11:15 AM

الليل ودموع العنا والمواعيد=والحب ودروب السهر والأماني

وأفراحي اللي كنها فرحة العيد=تموت من قو الألم في ثواني

يافرحتي ماجاتني مثل ماريد=دنياي تقفي والظروف تحداني

ياسيدة نبضي ونبض القواصيد=ماعاد حبك شئ بين المحاني

حبك لو أعطيته مسافات للبيد=يعزف ترانيم الغلا بالأغاني

وشلون أعيش أيام عمري تناهيد=وأنتي مثل بسمة أمل ياحناني

مسجون في قمة غرامك بتأبيد=والمستحيل يكون عادي عشاني

أحبك ولاعاد فيها مناقيد=حتى ولو ذنب المحبه عصاني

أكبر خطأ حكم البشر دون تحديد=وجرح القرايب طعنته شي ثاني

إبراهيم الحسان

11-03-2010, 11:16 PM

http://up.alhilalclub.com/uploads/public/2010/11/030850_j213.bmp

إبراهيم الحسان

11-06-2010, 04:10 PM

أوقات كثيرة نشعر بأننا مقصرين مع أناس نحبهم..
ونحن بالفعل مقصرين ,, ولكن جانب الحب والمودة يطغى على كل شئ في الحياة,
أحياناً الحب والعاطفة تجعلك تنسى واجباتك مع من تحب ومن باب القرب من القلب.
مثلاً : الأخ الشاعرصالح الضويحي.. أعترف واحلف بالله انني مقصر معه لاشعورياً..!
ومع ذلك أناقض نفسي وأشعر بأني غير مقصر لأنني أحب هذا الرجل وأجله,
وأشعر بأنه يحسسني بعدم التقصير .

وهنا مدى إحساسنا بمصداقية من نظن بهم ظن الخير وحسن النية
وأبو شايح أحد الرجال الذين قّل وجودهم في هذا الزمن..

فهو رجل نادر ونادر ونادر

هذا والله من وراء القصد .

تحية حب وتقدير للأستاذ : صالح الضويحي

إبراهيم الحسان

11-08-2010, 03:17 PM

خربوها وإهجرتني

بين يوم وبين ليلة ..

راحت ولا ودعتني ..!

تعرفين..

كل هالدنيا ومافيها بصوب .
وانتي والله يالعفيفه عالم آخر ..!

حب آخر

جرح آخر

وآنا أكبر من ظنونك ..!

وأوعدك لو تتركيني .. يكفي إنك في حياتك تذكريني ..!

إبراهيم الحسان

11-09-2010, 11:15 PM

حكاية بين وطن ووطن آخر.!

تعبت أشيل من التعب..كثر ماشلت=مليت أموت ولا لموتي نهاية

كل يوم اقول الآه..كني ولا قلت = عشرين عام ولاعرفت البداية

بالله قلي ياوطن ويش حصلت؟= أرضك سجون وطعنتينك كفاية

غنيت بإسمك ياترابي ولانلت= الا وداع.. وتنتهي بي حكاية

عشرين عام ولا دقيقة تنازلت= واليوم لك رايه وأنا ليْ رايه

فمان جرحي والتعب وانت لازلت= شامخ ولكن مايهمك شقايه

إبراهيم الحسان

11-11-2010, 04:11 AM

عشت بشرف ماعشت راسي موطّيه=خلقت من شمر وطبعي شمالي..!
روس الطنايا مجدها ويش يخفيه؟= (وأهل اللحيسه) مكرمين السبالي..!
تاريخنا لوهو تكلّم بماضيه=المجد يركع له ولو كان عالي ..!
الجد (غانم) وإسألوا عن معاديه=داس (الدروز) وشيخهم بالنــ..ـــالي
في حرب (غزه) مــ..أنثنى.. دون ناخيه=نثّر جماجمهم من أول وتالي
(قبيلة السرحان) يومه تناديه = من قومته قامت معاه الجبالي
معاه (الأسلم) والحدب بِيِد راعيه=والدم في قاع المعادين سالي
والعلم ياللي تنشدن عن تواليه=أنا (أسلمي) و (أشراف مكة) خواليوللحديث بقية.!

إبراهيم الحسان

11-16-2010, 04:01 PM

http://sphotos.ak.fbcdn.net/hphotos-ak-ash2/hs600.ash2/155208_1655484154585_1461520219_1684965_2837729_n. jpg

إبراهيم الحسان

11-18-2010, 02:55 AM

http://up.alhilalclub.com/uploads/public/2010/11/170040_r129.bmp

إبراهيم الحسان

11-23-2010, 09:00 AM

فعلاً الحياة غريبة ..!!
تُضحكنا بقدوم الأمير سلمان حفظه الله
وتُبكينا بمغادرة خادم الحرمين الشريفين لخارج الوطن..!
أقسم بأنني لا أطيق الجراح أكثر مما عبثت بي ..!
ولا أستطيع أن أبوح بأكثر من عبرة أحرقت أعماقي المُحترقة منذُ أزمنة..!
اللهم نسألك العفو والعافية
وان تعيد ملك الإنسانية بعافية..!
وغريبة هي الحياة ..!

إبراهيم الحسان

11-23-2010, 09:07 AM

إن كانت هذه الحياة غريبة بتقلباتها ..!

فأن الأقربون هم أغرب وأعجب ..!

حين تتمهد لكَ الأمور ويُفتح لكَ باباً من رب العباد ..
فمن ياترى يغلق هذا الباب ...؟!
أليست أيديهم التي مزقوا بها صراحتي و طمسوها كي لا أظهر بمظهر الحق ...؟!!
اللهم أنت أعلم بما أنا فيه
وليس هناك أحداً غيرك أرجيه.

إبراهيم الحسان

11-23-2010, 09:21 AM

عفواً
ان هذا الموضوع مغلق حتى إشعارٍ آخر..!
.
.
[بصمة]
صدقيني
كل شئٍ جاك مني به حقيقة
ولا بقى غير الكذب..!
وما قدرت اكذب عليك..!
بس في حالة شعور الحق بأشياءٍ عميقة..
كذبوني عند عينك..
مو عشانك .. بس عشاني أخسرك بأية طريقة ..!
.

إغلاق

إبراهيم الحسان

12-15-2010, 10:21 PM

http://alodaba.com/upload/viewimages/890ec1eb35.jpg

إعذريني

مابقى عندي سوى الطعنات
هي ودموع عيني..!

وسامحيني لو رحلت وماذكرتك ..
إنتي لازم تذكريني..!

إذكريني عيش وإلا ملح وإلا ..
سامحيني و إدفنيني ...!
.

مابقى فيني سكوت يحطم جروح المحاني ...!
ولابقى عندي كلام يموّت طعون الأماني ..!
.

سامحيني مو عشاني ..
بس عشان المستحيل ..!

بس عشانه ماشفع للغيم يمطر ذكرياتي ..!
بس عشانه ماسمح للضحك يملأ أمنياتي ..!
.

ياجروح الوقت يا الآهات يا عوج الخناجر ..!

إيه أهاجر !

طير حر ولاركعت لغير ربي ..!
فوق راس من النوايف ما خضع راسي لفاجر ....!

إيه أهاجر ..!

وأنتِ أغلا من فقدني
من ذكرني
من سكن ذيك المحاجر ..!
..
..

يا الحبيبة

مارحلت وفيك شئ من المحبة موب غالي ..!
ولا رحلت وفيك قطرة دم ماهي راس مالي ..!
.

أعتذر لك

مابقى عندي سوى سطرين تشرح لك حياتي ..!

شفتي اللي حبك من إسنين وارخص لك حياته .....؟!
عاش بعدك بإنتظار الموت..هل يشفع مماته ..؟!!

.
.
.

إبراهيم الحسان

12-17-2010, 03:45 AM

http://bnikhaled.com/mlffat/index.php?action=getfile&id=6269

إبراهيم الحسان

12-21-2010, 08:13 PM

- عندما تشعر بالألم يحاصرك من كل إتجاه، فلا تُبلغ أحداً بذلك, حتى الأقرباء..!

فقد يكونوا عوناً للمعاناة عليك فتندم ..!

.

- إذا بلغ بك الجرح سنام الآه، فلا تقل آهٍ أمامهم ..!
إنها لذيذة عليهم وقد تكون كـ قطرات من العسل ..!

.

- المجد ليس محصوراً لأحد أو على أحد من الناس، فلا تتعب نفسك بالسير خلفهم من أجل أن تفخر بهم ..
حاول ان تكون في الأمام .. فهم لاينفعون ولايضرون من دون الله بشئ ..!

.

- أغرب الناس طبعاً، هو من تعالجه ويأتي يوماً فيطعنك ..!

.

- إن كنتم أتباعاً للعبيد، فأنا تابعٌٌ لمن خلقهم وصورهم..!

.

- انا كغيري أشعر بالجرح، ولكنني لم اكن يوماً من الأيام عدواً له..!

.

- مساءاً لاتتساقط فيه عدداً من الدموع فهو بخيل ...!!

.

- كل مادوّن أعلاه قد يكون من الواقع، فلا تقرأونه من زاوية الخيال فقط ...!

.
.
.

إبراهيم الحسان

12-22-2010, 04:37 PM

أجمل غلا بين المحبين صامت
:::::::::::::::: يعيش تقدير .. ويموت بحشيمه ..!

إبراهيم الحسان

12-25-2010, 09:55 PM

http://up.m3m7.com/upfiles/8jd31312.png

هذا الرحيل اللي نسيتيه فيني=كنتي تحسبيني على الجرح صبّار
بالله لو لحظات..عينك بعيني = تودعي من شوفتي قبل الأسفار
شفتي النهاية كيف بينك وبيني= نتقابل بدمعة..ونقفي بتذكار

إبراهيم الحسان

12-27-2010, 01:30 AM

http://bnikhaled.com/mlffat/index.php?action=getfile&id=6360

إبراهيم الحسان

12-29-2010, 06:32 PM

Ibrahim Bin Hassan Alshammry .
الدروب اللي حدتني حيل لدروب النــقــادة=تــل قلبــي مــن طرفـها يافــــهــد مليون تله

أنت تدري وش علام الريح ماحرك جــمـاده=موت واحد ، والثرياء في سماها ما وصـل لـه؟

كل دمعه من عيوني تستبيح ارض السعادة=وكل جرح من الهنادي عاث هــمّ وشب مـله

بيـت حزني لو بنيته للـفــرح ولـّـمّ إعــتــاده=فــزّ طيب وفــزّ عــزّ .وفاح قلبي فوح دله

إبراهيم الحسان

12-31-2010, 07:22 PM

في هذه الزاوية أولى أبيات قصيدة (الرحيل) والتي ستنشر قبل الرحيل بإذن الله...!

حاميني الله لو تزيد أعدائي = كثيري أكثر لو تقل أشيائي
لو تسألون البحر الأحمر عني= أبلغكمْ أنَ ماؤه من مائي
ماهمني محمود وإلا محمد =ولو شوهوا لي صورتي وأنبائي
اللي أهم من الخلايق عندي= خالقهم الرحمن يا (حسنائي !)

.
.

إبراهيم الحسان

01-08-2011, 06:13 PM

http://bnikhaled.com/mlffat/files/6618.mp3

إبراهيم الحسان

01-20-2011, 10:59 AM

انا تعب راسي من الهم.. يانوف= ماهو تعب بعض الشباب وهواهم
اللي كتمته وسط الأعماق مكشوف= أمشي بأولهم ولاني وراهم
يانوف..شوفيني مكبل ومكتوف= أشيل همّ الناس وأشري غثاهم
أشوف..وإليا شفت..كني بلا شوف= أميل لليل العتيم بضياهم
ودي لهم بالخير..والخير معروف=لكنهم عميّوأ ولدري وراهم؟
شيّبت قبل الشيب والشيب مرصوف=الحزن دورني وانا من لقاهم
ياليل . نجم سهيل .وشفيه مكسوف؟= قله عذاريب العرب في مداهم ..!خربشات للطفلة نوف .

إبراهيم الحسان

01-25-2011, 03:13 PM

:)

الجوع كافر والفقر ســاكن الجيب= و بــرد الشـتــــاء ربــي يكافيك شره

أبي لي معزب ولا بــه مــعـازيــب= كــــل ٍ قـفــل مــزلاج بـــابــــه وفـــره

وأرسلت ذيب يبلغ الذيب بالذيب = إن الــثــرى ما شـال نجم المجـره

ولاّ طرى بالبال غير أنت يا هديب =داعيـــك مـابـيـن الـوزى والــمــضـره

الوضع مايعجب صغار الأشانــيـب = أكبر شنب و إشلون وضعي يـسره..!؟
:)

إبراهيم الحسان

01-26-2011, 04:21 PM

هنا دمعة وثلاثة فصول ..!

الجسد الذي عاشت "عهدٌٌ" في أحشائه ليس رخيصاً ....!
.

الوطن الذي إحتوى "هديل" في اركانه عزيز علي ...!
.

الفضاء الذي إتسع لـ "تالا" لايضيق بالأوفياء ..!

إبراهيم الحسان

02-14-2011, 02:22 PM

الله يصبرني ويفرج همي= شاعر شمالي والطنا في دمي
ياوسع صدري يومهم خلوني=وياضيق صدري لو فقدْ من يمي
والله مااااا أّحمل ضغينة لحد= مير إنهم ياسعود زادوا همّي
امشي لهم قدام ماني راجع = والمشكلة بالغدر دسوا سمي
اصير كني شمس مع واحدهم= وأشوفهم ليلٍ يحاول ذمّي
وش حيلتي لاصرت شخصٍ واحد= أبوي مات..وآه يابعد امي .!

إبراهيم الحسان

02-18-2011, 01:30 PM

ضاع حقه

وإستفزوه وتركهم..!

ثم قال

لعنة الله ما تحل إلا على من يستحقه ..!

وضاع حقه ..!

إبراهيم الحسان

02-19-2011, 05:24 PM

http://www.youtube.com/watch?v=mLdLmXlagsU&feature=player_embedded

إبراهيم الحسان

02-21-2011, 07:13 PM

الليله هذي غير عن كل ليله= زفرتها جرح..وعذاب شهقتني ..!
الدمع من عين الكريم.. ( الفشيله ) = والآه من صدر الحشيم.. أرهقتني..!

إبراهيم الحسان

02-25-2011, 12:29 AM

عندي كم سؤال على تناقضات هالزمن؟

ليه التعب يرجح مع كفة الطيب = وليه الردى نلقاه مع كل راحه ..؟
وليه الصدوق يعيش وقت الأكاذيب= وليه الكذوب يعيش وقت الصراحه ..؟

مدري !

إبراهيم الحسان

03-01-2011, 04:40 AM

نهاية الليل تتعبني معَ المستحيل
ـ ـ ـ ـ ـ ـ ـ ـ ـ لو حدّن الشوق للغالين..همّي سرى ..!

إبراهيم الحسان

03-03-2011, 04:00 AM

مادريت ..؟!

كل هالإحساس ميت ..!

الله يجازي ظروفي

موتت كل المشاعر ..

ولابقى فهالراس بيت ..!

كم سنة نكتب ونقرأ.؟

وكم بكره.. نقول بكره ...؟!

وراح بكره .. وأمس مات ..!

وكل جديد من الخفايا أصبح يعاني الشتات ..!

راح تذروه الرياح ..!

لاعويل ولاصياح ..

وش يرده للحياة ..

شي فارقنا ومات ...!

.

إبراهيم الحسان

03-03-2011, 08:47 AM

عبدالله الشهم الشجاع - خـــــادم بـيــوت الله.. يــــدوم

ياسيدي لبس القـنــــاع - مــاهــــو لمثلك... ومحشـوم

علمتنا حسن الطبـــــاع - ودرستنا طيـب الســـلــــــوم

سبع ٍ تربّى معْ سبـــاع - دايم علـى العلـيــا يـــــــروم

علمك على العالم يذاع - نجم ٍ على روس النجــــــوم

يـاحـاكــم ٍ خيــر البقـاع - أرض الرسالــــة والـعــلوم

مانصنع الحب أصـطنـاع - نفطر بحبـك ثـــم نـصـــوم

http://profile.ak.fbcdn.net/hprofile-ak-snc4/188187_186322368071670_3458821_n.jpg

إبراهيم الحسان

03-05-2011, 03:50 AM

حرام موت الحب فــ قلوب الأحباب
ــــــــــــــــ: من العام احبك بس مدري على ويش ..؟

إبراهيم الحسان

03-09-2011, 05:11 AM

حاولت تغيير إسم هذه الزاوية،

ولكنني مُقيّد بكرم الحزن ..!

صدقاً أراه أكرم المُحيطين بي ..!

هل أتنكر له ؟

إبراهيم الحسان

03-14-2011, 03:00 AM

غير الكرامة .. مابقى عندي علاج = أشوى تنسيني كثير ٍ خسرته !
سعادتي..وضعي..وعمري..والإزعاج= مافيه قاسي كود بيدي كسرته
لكن مع هذا ..أنا غير محتاج = ثوب الشرف لبسي ولاقد فسرته !

إبراهيم الحسان

03-18-2011, 12:54 PM

تعبت وأكثر شي نادم على شي=فقدت لي حاجات من شان حاجه

ياخي غريبه كل مانكبر شوي=تصغر عقول أهل الثناء والمواجه

البارحه كل البشر مابهم حي=ناديت جدي قام يضحك حجاجه

قلت العرب وين العرب ياجبل طي؟ =من رحت ماغطا مطرهم عجاجه

قال إستر الهين ترى السالفه هي=الكايده مخبور عندي علاجه

وإن جو لك الرديان لجل الردى عي =منته بمن يشرب معاهم هماجه

مرحوم ياللي كنت للشمري في=يامنبع الشيمة وعزه وتاجه

غديت عقبك شي مبني على شي=مهدوم .. لامبني ولافيه حاجه

إبراهيم الحسان

03-22-2011, 07:34 PM

أتعبني الجرح ..وأنت دواي ..عالجني
......................................... طبب خفوقي تراي من التعب ميّت

إبراهيم الحسان

03-26-2011, 02:39 PM

سكران مايعطيك و إنته صاحي=إشرب معاه.. يدبّل العانية
خل السهر ياصاحبي صباحي=إصحى تنام وكاستك مملية
شلة فسادٍ ياعساها الماحي=في ليلةٍ حمرااااء أو وردية
يارب خذ حزني وهات أفراحي=وإجعل بيّدك حاجتي مقضية
غناتك ولا عازتي وإجراحي=أخلاقي ولاعيشة التحتية
أفاخر بسجادتي ومسباحي=على قصور ٍ للردى مبنية
وإليا بغيت العز جبت سلاحي =ركعت لله صادق ٍ بالنية
أهم حاجة: طير لي جناحي =ماني ذنب للدون والدونية
أمسي سعودي والولاء مصباحي=وأحس كني ماسك المالية

إبراهيم الحسان

03-27-2011, 09:27 PM

فيني خلاف .. و نوب .. مافيني خلاف=أضيع وألقى بالبشر من لقاني
أهيم بالمبدأ على حسب الأعراف=اللي خذتني من زمان..لزماني
عابر سبيل أسلاف وأشكي من أسلاف=أقسى و ألوذ من القسى في حناني
طفل ٍ بكى بالروح من قل الإنصاف= دمعة حزن تقاطرت بالمحاني

إبراهيم الحسان

03-30-2011, 02:37 AM

يا (....) والله روّحت فيك الأيام=منته بأخوي اللي يجيب القلايع
أبني عليك آمال وأفراح وأحلام= و أشريك بالغالي وأثاريك بايع
طبع البشر ينبيك عن كثر الأوهام= في هالزمن ياشين بعض الطبايع
تعال وإسمع زين عندي خبر هام= من راسي اللي للمنيفات جايع
هدّيت لك هدّه من الشرق للشام=كنت احسبك ميزان تحت البضايع
و لي هقوةٍ ماتت على درب الآلام=من يتبع الضايع فهو شخص ضايع
خدعتني مابين ظايم ومنظام= وانا لك الله جيت كلي ودايع
خليتها أنعم عليك من الأنعام = إنشد وتلقى علمها علم شايع
شفها غدت سوداء مغاليق وأحكام= ولاحرّكت ساكن من أهل الفزايع
صدام..وش نرجي من أتباع صدام؟ = ماغير لوهو حي سوا فظايع
باق الكويت وضمها ضمن الأقزام= دار الصباح محكمين الشرايع
عاد أنت من زمرة هذولاك الأزلام= اللي مهم كفو ٍ لنا بالطلايع
دمي خضر شيمه.. وخادم .. لخدام= مكه وطيبه والصقور البتايع
جندي تحت نايف وإذا قال قدام=أشوش لاضاقت علي الوسايع
ماني بحاجة شيخ تفسير الأحلام= إن مت أموت ولا بقلبي شنايع
أعطيت مايكفي على روس الأعلام= و هذا يكفيني إليا صرت جايع

إبراهيم الحسان

04-04-2011, 07:58 AM

مشكلتنا

لو صدقنا كذبونا .. ولو كذبنا صدقونا

اقسم بربي مصيبة ..!

مره سرقتْ من الصحيح وكذبوني كل ابوهم ..!

ومره خذيت من الكذب
ثم صدقوني لعن أبوهم ...!
.

ويش اسوي ؟
دام هالدرب متلوّي ..!

من الحياة وللممات
كل مانملك شتات

شئ عابر
للمقابر
وإسمعوا صوت المنابر

ذا حلال وذا حرام

خربوا حتى الإمام !

وصار جائر .!
.

والله يا (حيي ) تعبنا

لاسرقنا ولانهبنا

بس من شان الأمانة
شئ واحد نعترف به ..

إنسلبنا ألف مرّه .. وأنت تدري من سلبنا ...!

ماخذانا جيش بعث وجيش عبث ..!

إنسرقنا من يدين الغانمين.
وصرنا لعبة في يدين العاقبين..!
.
وإنتخينا
مير ماتت نخوة الأحرار بيدين الندامة ..!
.
.
.

ولابه جديد ..!
.
.

إبراهيم الحسان

04-05-2011, 05:09 AM

http://www.youtube.com/watch?v=OZYvUu0q1xY

شكراً لمن يستحق الشكر

- أخي الغالي مشاري الشمري
- أختي العفيفة عفاف علي

إبراهيم الحسان

04-08-2011, 05:02 AM

كيبورديات

لولا الحيا ومقابل العين للعين = ماشفتني وياك لو هي دقيقة
إن كان شفت البعد مع نازح البين= قبل العلوم الواضحة.. والحقيقة
تعبت أقدي سير رجلي على الزين= و إتميل بي دنياي بأية طريقة
تبي توردني على الذل والشين= وأشوم عنها جعلها بالحريقة
بقعاء خذت مني رجال ٍ عزيزين= أقفواْ وخلتني بمليون ضيقة
والدمعة اللي بين طاحت ومابين= تنزل وتفضحني..تراها غريقة
ملامحي.. و الحُر.. والوعد.. والدّيـَن= تعال ناظرها . .تراها عميقة
في صدري اللي صار له عدة إسنين= مفتوح للخالق وكل الخليقة
تعبت يا بعدين . من قول..بعدين=حملي جبل سنجار لا مايطيقه
عشرين عام وكل جوفي سكاكين= والموت لو خان الصديق بصديقه
عاد أنت يانواف عالراس والعين= مانيب من يبحث خفايا رفيقه
طفل الفرح لومات بـِـيـِـد القريبين= ما غير أسيّح دمع عيني وأريقه.!

إبراهيم الحسان

04-13-2011, 12:18 AM

أخجل وتخجل جراحي من قول.. كفى ايها السكين!

كفى أيها الزمن ..!

كفى بشاعةً و انا من يدفع الثمن ..!

هؤلاء... هم جراحي ..!

وانا الوطن ..!

من يبحث عني.. سيجدني شامخاً.. بالإبتلاءات والمحنّ..!

قد كنت موتاً وأصبحت لهم الكفن ..!

لن أخاف قول الحقيقة في وجه الباطل.
وسأمحو الوثنّ..!
.

إذاً.. حاربوني
وإن أردتم الفعل الحسنّ.

إهجروا هذا المكان.. وغادروا هذا السكنّ.

فهنا قلبٌٌ قد أدمته الألسن والفتن ..!
.
.
انا هنا من أجلكم سأبقى ..!
عناد الرأس و وقع اليأس
والكفن ..!
.
.

إبراهيم الحسان

04-15-2011, 06:57 AM

إنتظـرتك ساعة الأفراح ماجابـتـْك فــــرحه
ــــــــــــــــــــــــــــــــــــــ ثم ندهتك لحظة الأحزان مالديت فيني ..!

آه مقسى صدة الأحباب..مدري كيف شرحه؟
ــــــــــــــــــــــــــــــــــــ كنها شلفاء تفج الصدر حتى تـلتـقيـني ..!

قـلبي اللي من سموّه في غيابك هد صرحه
ــــــــــــــــــــــــــــ عاد تدري ؟. كل ساعة في منامي تحتريني..!

روح تكفى خل مثلــــي يلتهي بعلاج جرحه
ــــــــــــــــــــــــــ أنت ياللي كبرياءك مات من فارق حنينـــي..؟!

سافر أكثر من غيابك ياسؤال ٍ مات طرحه
ــــــــــــــــــــــــــ جاوبتني طعنة الأصحاب عن ماضي سنيني..!

.
.

إبراهيم الحسان

04-21-2011, 01:14 PM

رسمت خُطة ً للفرح ليلة البارحة !

ودعّيت كل أحاسيسي على أن نبتسم ..!

إجتمعنا على هذه الدعوة

ولكن حضَرتّ معنا دمعة ..!

عانقتها وتركت الآخرين ومشيت إلى حيث لا أدري ..!

إبراهيم الحسان

05-04-2011, 06:45 AM

هو فيه غيري لاتضايقت يسمعْك = تعال قلي خاطرك وش علامه ؟
لو رحت معهم من ورى الشمس بتبعْك= أصلاً حبيبك ماحسب للملامه
خذها صريحه .. كل جرح ٍ بيوجعك= أحسه بقلبي مبني خيامه
خذيتك من الغيم..ما حيّ بايعك = ي/أطهر من الماء لو حدر من غمامه
الله يقطع ساعةٍ يوم أقاطعك =هذيك حلم إبليس ،، غاية مرامه
ماني مجرب ضيعتي يوم أضيعك = إن رحت..تقضي عيشتي بالندامه

إبراهيم الحسان

05-19-2011, 02:35 AM

بسم الله الرحمن الرحيم
مساءكم/ صباحكم
ورد دار الادباء
.
.
هي مقطوعات من حروف الحسان شاعر الحزن
التي بقيت كثيراً أردد
(تعبت يابعدين من قول بعدين)
فـ تعهدت أن ألمسها هكذا
كانت التصاميم اقرب ألى صامته ولا اعلم لما ...
لكم كما هي ..

http://dc12.arabsh.com/i/02973/2dmpwjv5iir0.png

http://dc12.arabsh.com/i/02973/oitmem2uocmm.png

http://dc12.arabsh.com/i/02973/936jyx52fb9k.png

http://dc12.arabsh.com/i/02973/2j4w6i1zmwdz.png

http://dc12.arabsh.com/i/02973/f5z7fmiw1co6.png
دمتم بـ حب

...............

بقلم وريشة الكريمة عناقيد
شكراً لها هنا . وشكراً ستكون هناك

إبراهيم الحسان

05-19-2011, 07:32 AM

كان الضماير تشترى لجل تنباع
................. بالله جيبوا لي ضمير أشتغل به ...!

إبراهيم الحسان

05-20-2011, 05:57 AM

البارحة ليلي قضيته مع الدمع = لا صاحب ٍ يمي ولا به ولايف

ياكود حزن ٍ لو طفح ذوّب الشمع = وذكرى قديمه زي منته بشايف

اسمع نداك وشرهتي تغلب السمع = عليك ياللي رحت بايع وعايف

لو تنتثر ساعة جفى..بجمعك جمع = وألقاك مابين الضلوع النحايف

هذا المهم ..والليل بعدك..صفى دمع = خذني بهمس عيون و إلا شفايف

.

.

إبراهيم الحسان

05-26-2011, 03:41 PM

بين دمعة فراق وبين فرحة حضور
......... ضـــــاع حق الجواب وماتت الأسئله

بالملامح كلام وبالنواظر شــعـور
........ وبالصدر فيض حــــب .. وكلنا نجهله

إبراهيم الحسان

05-29-2011, 06:57 PM

بالله ممكن يالغلا تسمعني .؟ = هي كلمةٍ وسط الحشى مدفونه
أرجوك من قبل أنتثر جمّعني= سوّر غلاك وحطني من دونه

إبراهيم الحسان

05-31-2011, 03:15 AM

قبل لاينجلي ليل الهوى وتفارق الأحباب=نخيتك لاتوقفني قبل لاتاصل الخفجي
عليك الله يابو حماد كان دواي بالأسباب=توديني على من بحته ترميني وتشجي
على من عافني يوم الزعل جاني بدون عتاب= رحل يقرأ بقايا قصتي مارد لي مسجي
نخيتك والنخاوي عند أهلها ترخص الأرقاب=وانا لي هقوةٍ يصدح بها من لارمى هرجي
مثل شرواك لا مد النظر ماعدد الأتعاب = يبي يسري بلا منة عفونٍ للزمن ترجي
دخيلك مابقى عندي سوى ليلٍ يجي طلاب=تعاليل الأسى هدت صروحي وإنهدم برجي

إبراهيم الحسان

06-09-2011, 06:19 AM

جرح القريب أقوى من جروح الأغراب=و أصعب من الثنتين جرحٍ يجي منْك

لاجات غلطاتك على خير الأصحاب= لاتنتظر شخص ٍ بعيدٍ يثمنْك

إبراهيم الحسان

06-13-2011, 04:49 AM

تبطي وهم يبطون والشــــيخ يبطي
..............................................زرع ٍ زرعته مالهم في حصاده

مـــــن لاخلق يكــــرم ويبذل ويعطي
..............................................مهمـ ـا كبر يبقى بحجم القراده

السيف نعرف لاسطى وين يسطي؟
................................................وا لطير من وكره يبيّن هداده

إبراهيم الحسان

06-17-2011, 06:33 AM

أغيب وألقى راحتي في غيابي=لن الملاقا مع هل العيب به عيب

جرح ٍ برى والجرح الآخر سطابي=ألين بيّن بالصغر فيني الشيب

فتحت ياليل التباريح بابي = تعال ناظر بين عوج المحاديب

ماينوجد ياكود سطوة عذابي=الخنجر اللي من يدين الأقاريب

ياليتها من قبل تاخذ صوابي= ماعيّشتني بين غربة وأجانيب

ودي خذت عمري وانا في شبابي= من قبل نقّال الحكي والعذاريب

إبراهيم الحسان

06-19-2011, 03:05 PM

http://up.alhilalclub.com/uploads/public/2011/05/131125_t253.bmp

إبراهيم الحسان

06-29-2011, 01:17 AM

دائماً للصباحات نكهة خاصة لدى النفس البشرية...!

ولكننا نفتقد هذه النكهة لأن الكل نيام إلى أن يؤذن المغرب
أو حتى العشاء !

اوطان غريبة في أطباعها تختلف بكل شئ ..!!

كم أشتاق للعيش ببساطته !
.
.

أشتاق لـــــ :

بيوت الطين ...!

وبي حنين

وفيني رغبة للزفير ..!

وللهجير

أترك الديباج !

والجأ للحصير ..!!

.
ودي أعيش بأمان !

لا خضوع ولا هوان ..!

لاغني ولافقير ..!
.

ودي اعشق و بمزاجي ..!

عشق ٍ أبيض

به عفاف

ولا أخاف .. من ألسنتهم ..!

يشبه لعشق العواجي ..!

.
.
هي اماني .

ليتها تصبح حقايق في زماني..

كان والله ما عليّ

من الكبير

أو الصغير

.

اجمل اللحظات

لحظة

فيها نشعر بالشعور اللي نقصنا ..!

ولاشعر به لامليك ولا امير .!

شئ يحتاج لفقير ...!
.
.
.

إبراهيم الحسان

06-30-2011, 05:35 AM

تموت القلوب وكل قلبٍ رثى له قلب =وتعيش القلوب من النقا لأبيض النية
نهيم بزمنّا حب لكن سلبنا سلب = خذا كل ما نملك ..بجرح وانانية
وعلى شان خلدية وقفنا بماقف صلب= ولو تطلب الأرواح فدوة لخلدية

تألمنا لما تألمت به الأخت الشيخة الدكتورة خلدية آل خليفة
وذلك بوفاة عمها رحمه الله تعالى وأسكنه الجنة
.
وماهذه البيتين إلا شعور صادق و عابر في لحظة ألم .

إبراهيم الحسان

07-06-2011, 05:16 PM

وش يقولون خليهم يقولون ألـ/ يقولونه=سماهم زيف لو طاحت مطر مابلّت ثيابي
انا مثل الشجر ثابت، ليا جاعوا يهزونه=أسد أفواه خلق الله بشيمة،وأنتي أدرى بي

إبراهيم الحسان

07-11-2011, 05:06 PM

يابعدهم ما بالنساء من تســاويك
.......................................أنتِ سماء يا (.......) والكل تحتك!
لو أزعلكْ بالله وشلون أبرضيك
....................................... أو أرضي شعوري ليامن جرحتك!
ياعرش قلبي (منهم) وين أخبيك
....................................... لولا الثقة مبطي تراني ذبــحتك! :)
مير ادري ان الفكر مهما يوديك
........................................جابك على بحـــر الغرام وسبحتك
ياللي سريتي في شرايين مغليك
.......................................وأنتـــي معــــي كني أبد ما لمحتك؟

:)

إبراهيم الحسان

07-16-2011, 04:50 PM

الليل.. والهم.. وشقا.. الروح.. والبعد = والجرح.. مع فقد العلاج... و ضماده
ربحتهم.. ليا ردى الحظ.. وش بعد ؟= فارقت من سبعة إسنين السعادة
والأمنية.. والغيم.. والبرق.. والرعد = نثرتهم دمعة بحضن الوسادة

إبراهيم الحسان

07-21-2011, 06:09 AM

http://www.srmad.com/vb/customavatars/avatar272_3.gif

كتبتها قبل خمس سنوات بعد ما إنحدرت من عيناي دمعة . اثر طعنة غدر ..!
و هاهي الطعون تستمر لكي استرجع مامضى بهذه الأبيات ..!

انا طبعي مثل طبع النخل لو حرك عذوقه= اعيش اسقي وفاي ولاتهمن موتة الساقي
هي الدنيا بها شئ ٍ تحسفنا نبي نذوقه ؟!=مرارتها مثل طعم الالم في داخل احداقي
تعودت آخذ الدنيا قصص واحلام مسروقه=نهايتها بدايه للحزن وتكمل الباقي
ابوها من مبادي هالمبادي ..كيف مسحوقه!=حملناها على كف الرجى وتخيّب الهاقي
ابوها من شيمّ !!آخر زمن بالكذب مسبوقه=نزورها على عكس الوفا والمستوى راقي
انا لو حاول لساني يزل بشين منطوقه=لجمته مأقبل الزله تنزلني من اخلاقي
وإذا قلبي بدأ يرجف تناولته من عروقه=أموت احسن ولاشوف الخيانه تطعن أعماقي
يجازوني بشين اطباعهم ياوقتي..وفوقه=ذبل غصن ٍ سقيته من دماي وماتت اشواقي
مهو ابراهيم تسجد هامته من شان معشوقه=انا حتى الشرف يتعب على مثلي ولا يلاقي
تعبت ادمح بزلات الرفيق وأرقع شقوقه =وتعبت استقبل الهقوه بغدر ٍ حطّم عناقي
لي خشوم الثناء دام الرفيق إحتار بحقوقه=ولي ابيات القصيد اللي تبكيهم على اوراقي
وداعاً للرفيق اللي يخون بحق مرفوقه= يحاول يلوي ذراعي ويكسر بالغدر ساقي
وداعا ً يا جفاف اصحابنا ياقلوب محروقه =انا من هذي اللحظه ابرحل وأعلن فراقي

هنا دمعة أضلت طريقها فلم تسقط سهواً .

إبراهيم الحسان

07-23-2011, 03:54 AM

بلا ترتيب!!

فمان الله يا نور الحياة أقفيت =مهو بيدي ولاهو بيد خلق الله

أنا ماجيت منشان أنصدم لوجيت =أنا عاشق وأعرف الحب و ادله

أنا رجل ٍ تربى بالشرف والصيت =بعيد عن الدنس يابنت والذله

تقهواني زماني بالحزن وازريت =أصّبرْ روحي بفرقاك وأعله

تعالي قابليني كانها ياليت =تموت أرواحنا وارواح منغله

واذا شفتي خيالي يالمها وابطيت =كسرت سيوف لأهل الغدر منسله

عذابي يا عذابي يوم أنا ونيت =يسيل الدمع للغالين وآمله

أشوفه في زوايا هالغلا والبيت =وأعيد الذاكره للراح و آفله

أنا شاعر واحط البيت فوق البيت =واصب العذب فوق العذب و آزله

شمالي عن يميني مادرت شعطيت =احط السر وسط البير و آهله

دفنت الميت بعد الحي جنب الميت =قبل تلقى شياطين البشر ثله

وأخيراً هالمرض شتت لي التشتيت =لفا متحدي وبيديه هالعله

ثمان اسنين من صديت مارديت =أشوم عن الرذايل واترك القله

حرام اني على فرقاك ماعديت =سوى لحظات وانحطيت بالمله

يا كيف أصبر يابعد الروح لو سجيت =يموت الخل لامن فارقه خله

تعالي و استوي بالقلب لك شبيت =لهايب تنتظر مركاك والدله

تقهوي من عذاب الحب لك صبيت =زلال الحب يا معناه يا كله

أحبك فوق حبك .. كن ماحبيت =سوالف حب.. تتغطاك من فله

إبراهيم الحسان

08-02-2011, 11:01 PM

نفتقدهم كثيراً ونتألم لهجرانهم الذي أخذوه نداً لنّا !
يجرحوننا بالغياب والصد ونكران الجميل .
.
نقدم لهم الوفاء على أرفف الصدق..
ويقدمون لنا الجفاء على كف الخيانة !
.

نحن أفضل منهم
نحن اجدر بالإحترام، نحن نعرف ان الحب لايموت ،حتى وإن ماتت الفرص التي تجمع الحبيبين!
هم لايعرفون شيئاً عن ماذُكر اعلاه .

ولكننا لسنا بحاملي قلوب أشبه ماتكون بالحجارة !
نحن ننتمي للبشر وللإنسانية ،وهنا الفارق ..

نقطة مهمة

قبل أن تُحب عليك التأكد

هل من أحببت أن تحبه يحمل قلب إنسان ؟

ام هناك حجارة مكان هذا القلب !!

إبراهيم الحسان

08-05-2011, 03:19 AM

يا ايها الليل ؟

ألم تسمع نداءاتي وصرخاتي ؟

ألم تسمع حشرجة عبراتي وغصّاتي ..؟

ضاقت الأوردة بالدماء.. ايها الليل ..!

وقد ناجيت رب الأرض و السماء..

فليس هناك ارحم وأكرم وألطف منه على عباده !

عطينا كل مانملك ولاباقي بيدينا شي =ولكن للأسف محدٍ يقدرنا ويعطينا

تبيع الناس مبداها وراح الحي باع الحي =وحنا لو نبيع ارقابنا ماحي يرضينا

تصبرنا على شان الرحم من دون بيت وفي =قبل لاتسبق الكلمة رداة الحظ. وأخطينا

أقول الآه من جوف الظمأ محتاج شربة مي =ولا يدرون وش معنى ظمأ يقتل هقاوينا

يذلون العزيز اللي فقد أم و ابو مع خي =ونسامحهم لجل عينٍ بكت وقلوب ترجينا

ثمان اسنين هو أعرف : بأن آخر علاج الكي ! =و بعد ماكبرت العلة ومتنا..كيف يبكينا ؟

حسافة يا أسوأ ظنوني قتلتك في ملامح ضي = لو أدري عشت بك ليله قبل (هالليل) يسرينا ؟!

مدام أكبر حقيقة تختفي من دون حاتم طي =أجل وش له نعيش بهالزمن ماضي مبادينا ؟

يموت الغصن بكفوف الردي وابن الحرام الري.. =يدوس أجمل أمانينا فخر. . و إتموت أمانينا !

إلهي تعلم بحالي قبل لا قول أنا وش بي = قبل لانعترف باللي بنا تعرف خوافينا

تفرج كربتي.. باقي على صد الحياة إشوي = قبل لايفرح بموت الشموخ أقرب معزينا

إبراهيم الحسان

08-06-2011, 07:36 AM

http://www.bntaa.com/vb/storeimg/img_1299767352_100.jpg

ياسيدي ياتاج راس الزعامة .. يبطون في خذلانهم عن سموّك
.

ذولا هل الفتنة كبار العمامة .. حطيتهم تحـت القــدم من علوّك

.
يبــون قتلك مــاعليهم ملامـة .. مـايعرفون شقـوْ باســك وقوّك

.
للمجد في وجه العروبة علامة .. نايف ومبطي نايفٍ مـوب توّك

إبراهيم الحسان

09-02-2011, 12:22 PM

ومن جديد
.

فيني عبرة من زمان الأولين
معذبتني !

لين عهد الآخرين
وهي معاي
و لا بكتني .

آه مكبر هالمآسي يازماني
وأنت قاسي
ماتلين!
.
تعرف آخر شئ سويته وحطّم لي حياتي .؟!

ذكرياتي
يوم ماتت في يدينك والكفن كان امنياتي !

ماحسبت حساب حُبْ
ولا رثيت إحساس قلب
جيت صعب ورحت صعب
.
كنت أصعب من يواجهني ولا أحسب حسابه.
بس أهابه .
.

كنت اتعب من سؤال ومن إجابة ..!!

مين جابه ؟

والإجابة .
من صلاة العيد معْ حضرة جنابه !

إبراهيم الحسان

09-05-2011, 02:33 PM

إذا كانت حياتك مبنية على الهدم ..!

فماذا تهدم لتبني ماتريد ..؟

مفارقات عجيبة وأمور غريبة تحصل في هذا الزمن ..!

رأيت الكثير من شظايا اهل الحق تتناثر يميناً وشمالاً أسفل وأعلى..!
فقط لأنهم أصحاب حق ويريدون مهاجمة الباطل.
ولكن الباطل أقوى بضعاف النفوس، الذين أجلسوه على عرش قوتهم التي ضربوا بها
مبادئ الناس وطمسوا بها حقيقتهم وشوّهوا بها صوّرهم .

ولكن الأيام كفيلة بإزاحة من تسيّد على الأسياد
ومن تكبّر على الكبار
ومن أخذ حقه بالباطل على حساب الحق .!
.
إلهي لست انا من يكتب .. بل هو ضميري ..
وأسألك أن تجعل هذا الضمير ينطق بالحق ولو بجزء بسيط كي لا أموت ظالماً.
.

كـــانت معي طفلة عناد .. دلــلـتـهـا وربـيـتـــهـا
كنت انتظر يوم الحصاد .. حصـــدتـهـا وكــبيتها
بنــــــتٍ ترّبــت بي وكاد .. تكّبر فــ داخــل بيتها
تجــرح عيوني بالسهاد ..(هقـوة) وذايع صيتها
جـتنــي على نية بـــعـاد .. راحـــت ولا ناديـتـها
يــا جعلهـا بألـفـيـن واد .. والله يـخـرب بــيـتـها