مختارات (فتل ونقض)

[عبدالهادي ال كحله]

السلام عليكم ورحمة الله وبركاته
الحمدلله والصلاة والسلام على رسول الله وعلى آله وصحبه أجمعين




موضوع جميل وهو بكل بساطه اسمه فتل ونقض مختارات من عندك من الاعضاء من شعراء الساحه الشعبيه شعراء المحاوره وتكون للقراءه وللفائده


أرجو ان تعجبكم الفكره

[عبدالهادي ال كحله]

(محمد الجبرتي لولده عبدالله)
وش عاد باقي ياعبدالله تهيض هات الأمثال,,
شريت لك الموتر اللي ماشراه ابوي ليهّ..
أنا أشهد اني ربيتك لين صرت اليوم رجال,,
واليوم صرتو رجال ولا لكم شرهه عليّه..



(رد ولده عبدالله)
الله يخليك ليهّ ثم أرد أريال بريال,,
لوكان ماني بمحصي كل ماسويت فيّه..
وانته شريته لنفسك ولي اناماغير جمال,,
بالصبح أوديك مكه والعصريم الضبيه..

[عبدالهادي ال كحله]

"فتل ونقض"

ملفي المورقي..
العرب ترحل وتنزل وأنت هاك الضلع حوله "
ناشبٍ في دفتهكنك حصاةٍ من حصاته..

(رجاء الله الحربي)
علم يعقل نسمعه واعلوم ماهي بمعقوله,,
مير ملفي مايشوف من البعير الالهاته..

[عبدالهادي ال كحله]

"فتل ونقض"

(أحمدالناصر)

الغشامه والجهل بالرجال أكبر امصيبه ,,
والعمى ماقالوأنه يبشر بالهلالي..
(ردسلطان الهاجري)

الغشامه والجهل مشكله في عود شيبه,,
والولد يمديه يفهم ليا جاله مجالي..

[عبدالهادي ال كحله]

"صياف الحربي"
يوم الأسامي كثيرة ويش سموك ,,
الليل عجل عليه بالإجابه..

(حبيب العازمي)

سميت شاعر شبابه وأنته الغولك,,
ماعاد لك لامقام ولا مهابه..

[طلاع الزعيزع]

عبد الهادي الله لا يهينك ....على هالموضوع الحلو
ولي عودة انشاء الله دمت بكل الود.

[عبدالهادي ال كحله]

طلال اشكر على مرورك الكريم ومتابعتك

[عبدالهادي ال كحله]

"فتل ونقض"
(منيف البلوي)

حسبي الله على العطار والعنزروت
يطبخ العنزروت بدلة الشاذليه.

(صياف الحربي)
حسبي الله على اللي علم العنكبوت,,,
لين راحت تعرف تركّب البندقيه.

[عبدالهادي ال كحله]

(مسور العصيمي)
سلامي سلامي طير النوم ,,
عين العين والقلب الرقودي..
شليويح حالو دونه القوم,,
يحسبون أبو مطلق سعودي.


(شليويح المطيري)
هلا مرحبا ترحيب ملزوم ,,
تحيه لعربين الجدودي..
صقور الجزيز تبعد الحوم,,
تشرق وتقرب للحدودي..

[عبدالرحمن صباح الفاضل]

مشكور على هالفكره الرائعه


للأسف اني لا اعرف من اصحاب النقض والفتل

انا بطني كبيره تاكل الرجال عرض وطول=ولامني كليتك وش تسوي دخيل الله


الرد
انا سم ٍ فبطنك لا كليت السم ويش تقول=الامنك كليت السم تموت ولا رحمك الله

[عبدالهادي ال كحله]

عبدالرحمن لاهنت على النقظ والفتل


::.(فتل ونقض)::
(سلطان الهاجري)
أنت مندوب الأذاني ومندوب القلوب..
والحقيقه كل حسنة بعشر أمثالها,,
شلتها من قوباسي ولانيب مغصوب..
وأنت حتى العوسجه تنسدح بضلالها,,
(سعد بن جدلان):.
أنت دايم منشغل في الحساني والذنوب..
تحسب إن رب الملا ماخلقك إلا لها,,
مانبي نور القمر يختفي قدم الغروب..
تاخذه يمنى الهوا بالهوا لشمالها,,

[عبدالعزيز وهاس]

تركي الميزاني




سلام يا رمز الأدب والدين وبحور القصيـد
ياللي بنيت أمجاد وصروح ما تمحاها السنين
إنت بزمنا أكبر عطايا وقتنا وأغلى الرصيد
ولا أقول غير الله يخليكم ذخـر للمسلميـن





عائض القرني




أهلا هلا بالشاعر المقـدام والشهـم الرشيـد
في حضرتك ننثر سنابل كادهـا والياسميـن
إليا ذكر تركي ذكرنا قصـة القـول المفيـد
أقطف زهور الورد من شعره على مر السنين

استاذ عبدالهادي والله مدري حطيتها في المكان المناسب ولا لا؟؟

مع اعجابي بموضعك المميز

دمت كما تحب

[عبدالهادي ال كحله]

حطيتها صح كلك ذوق
:)

[عبدالعزيز وهاس]

الله يسلمك

[عبدالهادي ال كحله]

::أبو مشعاب::

سلام الله على اللي منزله في وادي الاشراف,,
تعرفونه (محمدبن شريّف )ذرف الايماني..

أنا ظفت (الجبرتي)للغدا لكنّ ماينضاف,,
يقول ألكل من ضافه غداك بسوق عسفاني..


::الجبرتي::

هلا يامرحبا بك يالبغيلي والعلوم أخفاف ,,
تسويلك دعاوي مالها مشهد وضمّاني ..
يا(عوض الله) تراكم من جهتنا مايصلك إخلاف,,
لكن أنته معك حاسوس براني ودخلاني..

[عبدالهادي ال كحله]

:.. تكري الميزاني..:
ياباني البيت لو أتفتش الساس
قدمت فوق البنوك العالميه


::حبيب::

الجود مانطلبه من بنك الأفلاس
والبيت عامر وسيسانه قويه

[عبدالهادي ال كحله]

(صياف الحربي)

العلوم اللي تحط الناس راس القمه..
حبلها من يمكم ياصاحبي معقودي,,
ثوبك اللي ماينوش الارض غير بكمه ..
نزله للجمره اللي فوق راس العودي,,



(رشيد الزلامي)


ودي اكشف غلطتك للعالم الملتمه..
انت حربي ٍ تطالببني بورث اجدودي,,
يامحبين العقال ومنكرين العمه ..
خصمكم للاخره عبدالله المسعودي,,

[عبدالهادي ال كحله]

الشاعر / عيضه الثبيتي العتيبي

امنول السرحان لامنه غزا يلقى عشاه

واليوم يا كثر السباع اللي تحد سنونها



الشاعر / رشيد الزلامي

الذيب الاقشر وش يحصل ما بقي فالارض شاه

كل الغنم صارت ذياب تروعها بعيونها

[عبدالهادي ال كحله]

مطلق. الثبيتي.....
مرحبا مرحبا ترحيب ساسه جويد

..........................من هجوسن يشيد الطيب باخبارها

شوفتك يالسناني عندنا يوم عيد

..........................وانت من قوم ما يطفي لهب نارهـا

السناني.....
البقاء للرجال اللي نظرهم بعيد

..........................في نهار اللوازم ترخص اعمارهــا

خير الايام يوم نشوف وجهن جديد

...........................والجزيره يزيد اعداد شعارهـــــا

مطلق......
التجاره تبي مده وباسن شديد

..........................والبضائع يزيد السوم تجارهـــــا

حسب علمك ولانته يالسناني وحيد

..........................والسواء بالعرب والفرق بانظارهـا

السناني.....
وانت وش معك منها لا نضمت القصيد

..........................طائره قفل البيبان طيارهـــــــا

لو تعبنا يدبر ربنا مايريـــد

.........................من يغير يمين الارض ليســارهـــــا

مطلق.......

السيوله زياده غير زود الرصيد

........................مار بعض العرب لانبحث اسرارهــــا

الله اكبر كبيرًٍَُِن فوق كل العبيد

........................مار طرقتك لا يتعبك مشـــوارهـــا

السناني......

ما نبا الا الحقيقه والكلام الاكيد

........................كل عمله تعرف الناس مســـــعارها

ما عرفنا الشقي ولاعرفنا السعيد

........................والجنايز نهايتها لقــــبارهـــا

مطلق.........

جاك علم الحديد اللي يفك الحديد

.......................وكل لحيه تعـرف الناس مقدارهــا

الرسائل كثيره عند ساع البريد

.......................وانت لك وحدتن منها وتختارهــا

السناني.......

وينه اللي يمثل خالد بن الوليد

...........................والمشاريه بين القـــوم وخيارها

السحايب يناجيها هارون الرشيد

...........................قبل ترعد عليه وتنثر امطارهـــا

مطلق......

ما تفيد الاعاده بافتهام البليد

...........................وغايب الناس علمه عند حضارهـــا

انت نقراك صفحه وسط عقد الفريد

...........................وجارة الشيخ ما تخطي على جارهــا

السناني....... الجبل والطبيعه مستحيله شديد

..........................ساعة الصفر كيف تجمع اصفارهــــا


انت تكتب وتقراء بعد جهد جهيد

.........................كيف ترضي كبار القوم وصغارهــــا

مطلق ........


يعتبر راي لكن ما نعده سديد

........................والعرب رايكم مالوث افكارهـــــا

انت تهرج وانا كفي يمد ويزيد

..........................ولا التفت للعجوز وخرجة حمارهـــا

[طلاع الزعيزع]

الله لا يهينك يابو جار الله
وفتل ونقض من الوزن الثقييييييييل
لاهنت.

[عبدالهادي ال كحله]

لاشنت طلاع,,

[عبدالهادي ال كحله]

من محاورات منتديات قبيلة ال مره

صالح ال كلحه



ابوبطن.... كبير .. له مخطط .. حـدده بحيـود
وفداوي ..الشيخ .. يتبع سيده .. ويغطي السيه
وابو هقوه .. بيمشي في عيونه ... ياعميلي دود
مافاده لبس بشته ... قيمتـه عيـه ولـد عيـه

عبدالهادي ال كحله

عيونك لوتشوف البرق وين الغيم وين النود
ولا نعلم بغيب الخافيـات اللـي سموايـه
ترى المشلح مايركب كل رجالٍ علي أعهود
وملازيم الرجال اللي لها في الخلق فرقيـه

صالح ال كحله



انا .. خارج نطاق السيطره ماني معك موجود...
لاشك العلم بين ضلوع.. الاجرب حط لـه كيـه
عميلي ...وش منافيع الفشق ...لاوقف البارود
وشعوب الدار ...يا فهمان مأموره.... ومنهيـه

عبالهادي ال كحله

انـا داخـل نطـاق السطيـره واحلـل المعقـود
حسـب مانصـت الاعـراف والسبـل الأخويـه
ترى العد يحوي الا جرب مع الصاحي دامه مارود
والميـاح الرهـاوي يسقـي السلفـان ماضـيـه

[إبراهيم الحسان]

محاورة بين الملك فيصل ولويحان رحمهما الله


قال لويحان
:
هاضني براق ليليٍ تسارا
لاح برقه واعترض في كل ديره

يا طويل العمر كنا بالنهارا
الله اعلم بالبيان و بالسريره

..
..
..

فقال الملك فيصل
:

شوفكم بالعين ولا بالخبارا
كود توهف لي على حروة غديره

خلنا باللوح بالمارد خشارا
و الخشير ملّزمٍ يخشر خشيره
..
..
..


فقال لويحان
:

يا اشقر الجنحان يا طير الحبارا
أنت تـدري بالمـضره والبريره

اتعــذر مـنك زينـات العـــذارا
اسمحوا لي بالكبيره والصغيره
..
..
..


فقال الملك فيصل
:
والله ان ودي مع الدرب انتـبارا
و السـبور تـروح قـدام المغيره

وش علامك تنحرف عني يسارا
ما تبي مجراي والشطه قصيره
:




تقديري

[صنداح الزلامي]

هادي ال كحله

لاهنت يالطيب على هالموضوع

ولكن ليه مايكون لشعراء الدار ابداااع ونقض

وفتل ونكون قد استنتجنا بدل المنقول بالمفعول

والواقع الفعلي وياليت هذا يصير في اقرب وقت وانا اول من بشارك

[عبدالهادي ال كحله]

هادي ال كحله

لاهنت يالطيب على هالموضوع

ولكن ليه مايكون لشعراء الدار ابداااع ونقض

وفتل ونكون قد استنتجنا بدل المنقول بالمفعول

والواقع الفعلي وياليت هذا يصير في اقرب وقت وانا اول من بشارك



الغالي صنداح الزلامي
لاشنت

يالله قول بسم الله الرحمن سوى لنجعل الفتقل والنقظ بالمفعول

جعلك تسلم



انتظرك

[رائد العالي]

بيض الله وجهك ياعبد الهادي عز الله ماقصرت