يارايد اكرب حزامك بالوفا والقني

[فلاح بن منشار]

سلام حاضر بحاضر والعرب يشهدون=يارايد اكرب حزامك بالوفا والقني
لك عام ماشفت زولك وانت ياخي تمون=والقاف يارايد الليله معك شاقني

[رائد العالي]

يامرحبا وانت رجلٍ محترم ماتهون=والبيت لاصار ماله ساس ماينبني
انا على ماقفي والناس مايجهلون=يمناي ماتلتوي والراس ماينحني

[فلاح بن منشار]

بقيت ياذيب والدنيا على كل لون= بيوت تبنى على سيسان ماتتقني
ماشوف بيدك مع العربان ياصاح شون=لكن ماجبته الليله معك راقني

[رائد العالي]

دام العلم مرتفع والراس فوق المتون=ردد يالاله ياللال وعشت ياموطني
كانك معي ماتشوف الشون مالك عيون=وانا بفضل الكريم عن الخلايق غني

[إبراهيم الحسان]

السلام عليكم ورحمة الله وبركاته


صح لسانك يابو محمد

ولسان اخوي رائد العالي

شعراء كبار

ولكم المتابعة


تحية

[رائد العالي]

يامرحبا بك يابراهيم وعليكم السلام ورحمة الله وبركاته

وصح بدنك لاعدمتك متابعتك شرف

[صنداح الزلامي]

صحت السنتكم

العذر منكم في عدم تواجدي معكم

[فلاح بن منشار]

انا اعتذر عن غياب البارحه يابدون=مشوار طاري عليكم ياخوي عاقني
اما البصر من حديد اشوف به كل نون=والشون للعود وانته شاب وتلاقني

[سعود الأسلمي]

الله الله

صح الله السنتكم - متابعين لكم

[فلاح بن منشار]

صح لسانك يارايد

سعدت باللعب معك

وشكرا للاخوان الذين مرو من هنا

واخص الاخوان صنداح الزلامي وابراهيم الحسان وسعود الاسلمي

ولنا لقاء اخر ان شاء الله

لكم ودي

وشكري لكل من مر وسيمر

من هنا

[رائد العالي]

صح بدنك يالغالي فلاح

والله يبيض وجهك واعذرني على انشغالي في اليوم الماضي

وصح لسانك وان شالله لنا لقاءات والشكر للجميع بدون إستثناء