عبدالله صلال العساف
05-28-2011, 12:26 PM
اخوتي ....اخواتي....اتتني قصيده من صديقي العزيز صالح زامل الشبرم تحمل مشاعر صادقه
اشكره عليها كثيرا كثيرا بثوب شعري راقي وهو يعيش الان في دوله وانا في دوله اخري وهو من الاصدقاء الحقيقين وعتبر بمثابة اخ
وقدر رديت عليه ايضا متمنيا ان تحوزا كلتا القصيدتان على اعجابكم
وهذه اولا قصيدة الشاعر صالح زامل الشبرم
( خوّه...)
لي خافـقٍ لـمّا ذكـرتـك تـعزّز
هيّض هبوب من الاحاسيس فيني
هزّيت فيه اغصان الاشواق لك هز
وطاحت عناقـيد الشعر في يدينـي
جمـعتها بحروف حـبّك وتفرز
قـصيـدةٍ تـشـرح خـفايـا حـنـينـي
حروفها ابطاريك تفْخر وتـعـتز
وتــشب نـارٍ فـوقــها دلـتيــنـي
الاوله مـخلوط مـعْ بـنّـها عـز
تـشـبه افـعال ارجـالنـا الاولـينـي
وبالثانيه فنجال مايعرف الـهـز
دام الـمـعـزه باقـيه في كنـيـنــي
كـرامـةٍ لك بالمـحـبـه تـطـرّز
تـشـبـه كـرامـة دعـوة الـوالديـنـي
لنّي انا اللي يارفيقي بك اعتز
واعـتـز بـعـد بإربوعـنا الطـيّبـيـنـي
ولانك انت الصادق الوافي الرّز
اللـي عـلى فـعل الـمـكارم يبـينـي
اللي مع الاخلاق دايم تميّز
بــعـقـلٍ وثـقـلٍ واتــزانٍ رزيـنـي
ولانك اللي بالمواقيف بارز ـ
سـيفٍ شطيرٍ شايلـه في يـمـيـنـي
لك صورةٍ في خاطري ما تهزهز
امــعلّـقه دايـم عـلى اجـدار عـينـي
متقاسمين القوت في شحّة الخبز
وبالـراي والـتـفـكـيـر مـتـسـاويـينـي
امــوحـدّيـن الله وبالـدين نـعـتـز
وانـا احـمد الله انـنـا امـوحـدّيـنـي
ياصاحبي من الناس دنياك تفرز
في مـعـتـركْها اتـشوف زينٍ وشيني
وانته لقيتك في طريقي لي الكنز
ورث الـزمان اللي مـضا من سـنيـني
واخاف ان الفكر بالوصف يعجز
يـعـجز يوصّـف بالتـواصـيف ديـنـي
انت البحر بما احتوى او تـكنّـز
فـي غـبّتـه مـن كـل شـيٍ ثـميـني
صعبٍ عليْ اني لو احـصي او احرز
كــل ماحـوى هالــبحر درٍ دفــيـنــي
والاصـعـب انـي لاوصـفتـك اركّـز
علـى عدد والا فـعـل يكـتـفـيـنـي
تقدر على وجه الصحن تحسب الرّز
مـاقـول غـيـر الله عـقـبك يـعـيـنـي
وصـدق تـرى كـل الـسـوالـف تـركـز
كـلـما ذكـرتـك والحزن مـحـتـويـني
واسمع ترى الخفاق هالحين لك فز
فـزت كـريـمٍ يـهـلّي بالـزايــريـنـي
الشاعر صالح زامل الشبرم
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\
وهذه هي القصيده التي رديت بها
دمعة غلا
حي الجواب اللي لفا اليوم مندز
من صاحبٍ لو غاب يسكن ابعيني
من طيـب راعيّـك تـراك اتـمـيّـز
عن باقـي اظـروفـيٍ تروح وتجيني
خـلٍ اماريـبه على الناس واعـتز
فـي خـوّتـه والطـيب للـطـيّـبـيني
كل يوم لامريت في بالنا فـز
دمـعٍ يـسولـف لك حـكايـة حـنـينـي
ابكي على الدفتر ادموعٍ تعزّز
لامـر طـاريّـك هـمـت مـن يـديـنـي
ومن يسأل الشارع عليك آتهزْهز
وهـبّت هبـايب عـبرةٍ تـحـتـريـنــي
اشربْك طيف وهالظما ماتحزحز
وآبـل ريـق السالفه ابدمـعـتـينـي
والبعض لو تلبس ابشـوت وتـرزّز
تلـبـس امـن التقوى ابشوتٍ تزيني
الطيّب اللي في طـواريـه نـعتز
لـكن ظـروف الوقت عـنْه اتحـديني
بـحر الـوله بـيـتـن وبيـنـه تـركّـز
وانت وانـا صـرنا تـرى الضـفّتيني
فنجـال شعـرك مانجـازيه بالـهـز
ماهـز فـنـجالٍ يـكـرّم يـمـيـنـي
غـلاك مـابـيـن الحـنايـا تــركّــز
خـوّة اكرامٍ تـشـبه الفـرقـديـنــي
الطيب بك ياصاحب الطيب يعتز
وآسولف ابطيبك على الغانمينـي
اسأل عقارب ساعة تفهم النّغز
ويـذوب وجـه اظـنونها في يقيني
سطر الورق يستوعب الحل واللغز
وراه ما استوعب غلاي إل ظنيني
شوف المشاعر تشتكي قسوة الفرز
عـشان يـستاهل هلافيك سـيني
تضحك عيون التجربه من غبا الدّز
واستوعب المعنى واقول اتركيني
عـشـان اصـفّيـله جوابٍ امـركّــز
جواب يشبهله كمـا تشـبـهيـنـي
ذا صاحبي الغالي العزيز المعزز
ذا طـيّب الكـفيـن سـمْح الجـبيني
الواضح اللي يكره النّغز والهمز
الصـافي الـوافي الثـقيـل الرزيـنـي
تاكل من اخطانا الدروب وتجاوز
وانا احـتـريـبـك كـثر مـاتـحــتريـنـي
اترك حريرٍ ماكسا دودة الغز
وارفع يـدينـك للـولـي واسـتـعيـني
نـمـد لـه كـفّـينـنا وانـتـعـنّـز
فـي ظـل معـبودٍ كـريـم عـويـنـي
العافيه والعفو والمال والعز
ويـارب تهـدي صـاحـبي واتـهدينـي
عبدالله صلال العساف
اشكره عليها كثيرا كثيرا بثوب شعري راقي وهو يعيش الان في دوله وانا في دوله اخري وهو من الاصدقاء الحقيقين وعتبر بمثابة اخ
وقدر رديت عليه ايضا متمنيا ان تحوزا كلتا القصيدتان على اعجابكم
وهذه اولا قصيدة الشاعر صالح زامل الشبرم
( خوّه...)
لي خافـقٍ لـمّا ذكـرتـك تـعزّز
هيّض هبوب من الاحاسيس فيني
هزّيت فيه اغصان الاشواق لك هز
وطاحت عناقـيد الشعر في يدينـي
جمـعتها بحروف حـبّك وتفرز
قـصيـدةٍ تـشـرح خـفايـا حـنـينـي
حروفها ابطاريك تفْخر وتـعـتز
وتــشب نـارٍ فـوقــها دلـتيــنـي
الاوله مـخلوط مـعْ بـنّـها عـز
تـشـبه افـعال ارجـالنـا الاولـينـي
وبالثانيه فنجال مايعرف الـهـز
دام الـمـعـزه باقـيه في كنـيـنــي
كـرامـةٍ لك بالمـحـبـه تـطـرّز
تـشـبـه كـرامـة دعـوة الـوالديـنـي
لنّي انا اللي يارفيقي بك اعتز
واعـتـز بـعـد بإربوعـنا الطـيّبـيـنـي
ولانك انت الصادق الوافي الرّز
اللـي عـلى فـعل الـمـكارم يبـينـي
اللي مع الاخلاق دايم تميّز
بــعـقـلٍ وثـقـلٍ واتــزانٍ رزيـنـي
ولانك اللي بالمواقيف بارز ـ
سـيفٍ شطيرٍ شايلـه في يـمـيـنـي
لك صورةٍ في خاطري ما تهزهز
امــعلّـقه دايـم عـلى اجـدار عـينـي
متقاسمين القوت في شحّة الخبز
وبالـراي والـتـفـكـيـر مـتـسـاويـينـي
امــوحـدّيـن الله وبالـدين نـعـتـز
وانـا احـمد الله انـنـا امـوحـدّيـنـي
ياصاحبي من الناس دنياك تفرز
في مـعـتـركْها اتـشوف زينٍ وشيني
وانته لقيتك في طريقي لي الكنز
ورث الـزمان اللي مـضا من سـنيـني
واخاف ان الفكر بالوصف يعجز
يـعـجز يوصّـف بالتـواصـيف ديـنـي
انت البحر بما احتوى او تـكنّـز
فـي غـبّتـه مـن كـل شـيٍ ثـميـني
صعبٍ عليْ اني لو احـصي او احرز
كــل ماحـوى هالــبحر درٍ دفــيـنــي
والاصـعـب انـي لاوصـفتـك اركّـز
علـى عدد والا فـعـل يكـتـفـيـنـي
تقدر على وجه الصحن تحسب الرّز
مـاقـول غـيـر الله عـقـبك يـعـيـنـي
وصـدق تـرى كـل الـسـوالـف تـركـز
كـلـما ذكـرتـك والحزن مـحـتـويـني
واسمع ترى الخفاق هالحين لك فز
فـزت كـريـمٍ يـهـلّي بالـزايــريـنـي
الشاعر صالح زامل الشبرم
\\\\\\\\\\\\\\\\\\\\\\\\\\\\\\\\\\\\\\\\\\\\\\\\\\ \\\\\\\\\\\\\\\\\\\
وهذه هي القصيده التي رديت بها
دمعة غلا
حي الجواب اللي لفا اليوم مندز
من صاحبٍ لو غاب يسكن ابعيني
من طيـب راعيّـك تـراك اتـمـيّـز
عن باقـي اظـروفـيٍ تروح وتجيني
خـلٍ اماريـبه على الناس واعـتز
فـي خـوّتـه والطـيب للـطـيّـبـيني
كل يوم لامريت في بالنا فـز
دمـعٍ يـسولـف لك حـكايـة حـنـينـي
ابكي على الدفتر ادموعٍ تعزّز
لامـر طـاريّـك هـمـت مـن يـديـنـي
ومن يسأل الشارع عليك آتهزْهز
وهـبّت هبـايب عـبرةٍ تـحـتـريـنــي
اشربْك طيف وهالظما ماتحزحز
وآبـل ريـق السالفه ابدمـعـتـينـي
والبعض لو تلبس ابشـوت وتـرزّز
تلـبـس امـن التقوى ابشوتٍ تزيني
الطيّب اللي في طـواريـه نـعتز
لـكن ظـروف الوقت عـنْه اتحـديني
بـحر الـوله بـيـتـن وبيـنـه تـركّـز
وانت وانـا صـرنا تـرى الضـفّتيني
فنجـال شعـرك مانجـازيه بالـهـز
ماهـز فـنـجالٍ يـكـرّم يـمـيـنـي
غـلاك مـابـيـن الحـنايـا تــركّــز
خـوّة اكرامٍ تـشـبه الفـرقـديـنــي
الطيب بك ياصاحب الطيب يعتز
وآسولف ابطيبك على الغانمينـي
اسأل عقارب ساعة تفهم النّغز
ويـذوب وجـه اظـنونها في يقيني
سطر الورق يستوعب الحل واللغز
وراه ما استوعب غلاي إل ظنيني
شوف المشاعر تشتكي قسوة الفرز
عـشان يـستاهل هلافيك سـيني
تضحك عيون التجربه من غبا الدّز
واستوعب المعنى واقول اتركيني
عـشـان اصـفّيـله جوابٍ امـركّــز
جواب يشبهله كمـا تشـبـهيـنـي
ذا صاحبي الغالي العزيز المعزز
ذا طـيّب الكـفيـن سـمْح الجـبيني
الواضح اللي يكره النّغز والهمز
الصـافي الـوافي الثـقيـل الرزيـنـي
تاكل من اخطانا الدروب وتجاوز
وانا احـتـريـبـك كـثر مـاتـحــتريـنـي
اترك حريرٍ ماكسا دودة الغز
وارفع يـدينـك للـولـي واسـتـعيـني
نـمـد لـه كـفّـينـنا وانـتـعـنّـز
فـي ظـل معـبودٍ كـريـم عـويـنـي
العافيه والعفو والمال والعز
ويـارب تهـدي صـاحـبي واتـهدينـي
عبدالله صلال العساف