ياشعراء الدار..

[سليمان السلمي]

السلام عليكم ورحمة الله..وبركاته..

هذي او طله لي على هذا القسم..

واتمنى منكم التفاعل..

اقول...


في عيد ميلاد الشعر وصلت وابياتي تسير=على ترانيم الطرب واطرب على موالها..

امشي وراء اهل الشعر اروح اطريف واروح العسير=ايضاولا شكي با لدروب اقصارها وطوالها

ننتظر درودكم<<<

[إبراهيم الحسان]

السلام عليكم ورحمة الله وبركاته
هذي او طله لي على هذا القسم..
واتمنى منكم التفاعل..
اقول...

في عيد ميلاد الشعر وصلت وابياتي تسير= على ترانيم الطرب واطرب على موالها..
امشي وراء اهل الشعر بطريف والافي في عسير= ولاشكيت من الدروب اقصارها وطوالها
ننتظر درودكم


مرحبا ياسليمان واستلم لاعدمتك



يامرحبا باللي جعل نفسه بهالعالم سفير =يشيل ماشال الجمل ماينثني لأثقالها
ترحيبةٍ من هاجس ٍ لو امطرت ماها غزير= يغرق بها راع المثل لو جاب كل أمثالها


(كلمة الشعر من كل شطر أول .. هل هي قافية ثابته ..؟)

تحية

[سليمان السلمي]

حياك الله اخوي ابراهيم..

وبالنسبه لكلمة(الشعر) لا ليست قافيه..

ولكنها جت معاي كذا..وبدون ما اشعر..

ربي يسلمك..

[ضاري الظفيري]

يامرحبا ومسهلا ياسليمان انت وابراهيم

بيض الله وجيهكم على الطاروق الطيب

<< متابع بقوه معاكم الله يقويكم :)

[إبراهيم الحسان]

اشكرك على التوضيح ياغالي
الحين عندي موعد وبتلقى ردي بعد الموعد ان شاء الله


تحية

[إبراهيم الحسان]

منتظرك يالسلمي لاتتأخر :)


الغالي ضاري الظفيري

تواجدك شرف وسعادة

[سليمان السلمي]

شكرا لك ياضاري على المتابعه...

ويا ابراهيــــــــــــــــــــــــــــم انا موجود وبانتظار طلتك.

وردك.

[إبراهيم الحسان]

هلابك صباحك خير


تم الرد عليك من بدري يابعدي :)

تحية

[سليمان السلمي]

هلا وغلا...

اخوي ابـــــــــــراهيــــــم
.............................

الرد مو موجود...مادري وش السالفه..

انت قلت عندي موعد وبعد الموعد تلقى الرد..

ولا لقيت رد بعدها..

راجع درودك..لاهنت...<<<

[ضاري الظفيري]

السلام عليكم ورحمة الله وبركاته
هذي او طله لي على هذا القسم..
واتمنى منكم التفاعل..
اقول...

في عيد ميلاد الشعر وصلت وابياتي تسير= على ترانيم الطرب واطرب على موالها..
امشي وراء اهل الشعر بطريف والافي في عسير= ولاشكيت من الدروب اقصارها وطوالها
ننتظر درودكم


مرحبا ياسليمان واستلم لاعدمتك



يامرحبا باللي جعل نفسه بهالعالم سفير =يشيل ماشال الجمل ماينثني لأثقالها
ترحيبةٍ من هاجس ٍ لو امطرت ماها غزير= يغرق بها راع المثل لو جاب كل أمثالها


(كلمة الشعر من كل شطر أول .. هل هي قافية ثابته ..؟)

تحية

هذا رد ابراهيم ياسليمان بس الضاهر خلل يصير احيان بالجهاز
واصلو الله يعطيكم العافيه

[سليمان السلمي]

ياجمــــــــــــــاعة الخير...

انا مالي بالمحاورة..

لكن اللي اعرفه...ان الشاعر يرد في بيتين..

وانا ماشفت من ابراهيــــم الا سؤال..

لكن على العموم...انا اعلن انسحابي ...ونخلي المحاورة لاهلها..<<

يعطيكم العافيه..

[ضاري الظفيري]

اخوي سليمان انت تشوف كلامي الحين والا لا ..؟
ان كان تشوفه ترى ابراهيم رد عليك فـ بيتين لكن واضح ان في خلل عندك ومايطلع الرد لك
انا نسخت رد ابراهيم ولكن اتضح انك ماتشوفه بعد . واذا تبيني انسخه ثاني مره ابشر واذا تبي تنتظر ابراهيم ابشر بعد :)
ودنا نستمتع بالمحاوره ونتابعكم بس الخلل موجود مادري وش القصه

[سليمان السلمي]

ياخوي البيتين اللي نسختهن لي مو لابراهيـــــم..

على العموم..حصل خيـــر..

الظاهر ان هالطاروق ماهو ماشي...

لكن يالله خيرها بغيرها..

انا اشوف كل الردود..لكن للحين مالقيت رد ابراهيم,..

مادري وش السالفه..

القادم اكثـــــر ان شاء الله

[إبراهيم الحسان]

هلابك يالسلمي وحياك ربي

وشكراً للأخ ضاري على التوضيح

انا رديت على ابياتك

وهذا الرد بس الظاهر متصفحك لايدعم النصوص المنسقة :)

رد بدون تنسيق

يامرحبا باللي جعل نفسه بهالعالم ســفيـــر - يشيل ماشـــــال الجمـل ماينثنـي لأثقالهـا
ترحيبةٍ من هاجس ٍ لو امطرت ماها غزير - يغرق بها راع المثل لو جاب كل أمثالهـا


تحية

[سليمان السلمي]

شاعر ولك خبره وقدرك بين احبابك كبير***وانا اتشرف دامك انت اللي معي تشتالها
والارض خضراء والعلم ونقدر الجار ونجير***يوم اكثر شعوب العرب تبكي على احوالها
حياك الله اخوي ابراهيم..

والمعذره على اللي حصل..

لكن تكفى ياخوي فكنا من (التنسيق) ههههه

[إبراهيم الحسان]

شاعر ولك خبره وقدرك بين احبابك كبير***وانا اتشرف دامك انت اللي معي تشتالها
والارض خضراء والعلم ونقدر الجار ونجير***يوم اكثر شعوب العرب تبكي على احوالها
حياك الله اخوي ابراهيم..

والمعذره على اللي حصل..

لكن تكفى ياخوي فكنا من (التنسيق) ههههه

ماحصل منك الا كل خير ياوجه الخير
والله يحييك

الله يعزك يالخوي شاعر وبحضورك خطير= و الله يجملنا مــعـك دامــك نــويــت إشعالها
الأرض والله يابعدي ماهي على خبر الخبير= مير العلم في قبضتي وأرقى بروس إجبالها


تحية

[نجوم المخيني]

الله الله

الحسان ابراهيم***العنزي سليمان


لله دركم ابداع في ابداع

وسجلوني متابعه

اختكم

نجووم المخيني

[سليمان السلمي]

بسألك عن حال العرب وش صار فيهم او يصير***تعقدت بوجيـــــــههم ولا لــــقو حـــــلا لها
صنعاء تنـــادي والامم ترســـل الى درعا نــــذير***والظاهر ان المســأله طالــت وزاد اشكالها
************************************************** ****************************


كل الشكر لك اختي(نجوم المخيني) على المــــتابعه..

[محمد عايد الخالدي]

اخوي سليمان السلمي
اخوي ابراهيم الحسان
والله انا مالي بهذا اللون
لكن بيتين اقبلوهن مني
واعتبروني اتعلم
لو اني ارجعكم للاول
ياخوك أسمع للبحر ضجه ولابياتك هدير
وريته هبي نيو يير لامٍ(ن) في شموخ عيالها

هذا الشعر فرخٍ(ن) مع المدلّة اجناحه تطير
وانتم سماه اللي ، إذا هوى تشده حبالها

[سليمان السلمي]

يامرحبا يالخالدي نورتنا ورايك منير***اهلا هلابك عد ماهلت وهل هلالها

[محمد عايد الخالدي]

مرحب هلا لطفك ترى قلبي مع احبابه أسير
شايل هوى وايمان واحلام الصبا واهوالها

[سليمان السلمي]

يالخــــالدي دنياك هذي بين كسار وكسير**والشاطر اللي لاجته فرصــــــه شــــــــرب فنجالها
الحب والام الفراق ودمعة العاشق تحير**عند الفراق وتنحدر اذا وقف فقبالها..

[محمد عايد الخالدي]

ياما فناجيل شربنا وافترقنا بالمصير
لوعه باثر لوعه ورحل باقي حلم بوصالها
لكن صدقت في فراق الشوق باللازم تصير
ماهي دموع يالغلا لكن دمي فدوا لها

[إبراهيم الحسان]

اخوي سليمان السلمي

صح لسانك يالغالي ولاهنت
واعتذر على التأخير لأني كنت مسافر هاليومين .
وإن شاء الله نلتقي بمحاورة أخرى وبظروف تسمح لنا بمجاراتك.
.
ونبي لنا موعد منك لعمل محاورة مباشرة والصفوف جاهزة :)

.

وصح لسان الاخ ابو يعرب :)


تحية

[سليمان السلمي]

ابــــراهيم الحسان..

هلابك يالغالي..

ومعــــذور..

وانا حــــضر باي وقت..

واتشرف بذلك..

يعطيك العافيه

[سليمان السلمي]

ياكم من اغلى الحبايب كم فارقنا كثير**والغاليه تبطي علينا ماوصل مرسالها

لكننا نصبر ونعرف وقتنا لازم يدير***وتعود لحظات السعاده في قلوب رجالها

[محمد عايد الخالدي]

ياويلها الدنيا تقطعنا مثل تالي حصير
مضروب من كل النواحي كالخَلَق مشيالها

ولا أدبرت تصبح كما الخنوص لازم يستدير
او في سكاكينك تِقطّع راسها واوصالها

[سليمان السلمي]

لا صــار مــالـــك بـالـــوطن صـــاحب وبـاحزانك خشير**شوري عليـــك اتـــرك وطنك سهـــولها وجــــبالهــأ
والديره اللــي مابــها صاحب ولا فيــها عشيـــــــــــــر ***تعيش فيــها بالفـــقر ولـــو مـــلكت اموالــــــهــــــا

يالله يالخالدي>>>>

[محمد عايد الخالدي]

اعذرني اخي للتأخر وانا مشغول ولعلي لا استطيع التواجد دائما واذا كان ذلك فمنك العذر ومثلك يعذر

شورك عزيزٍ والهوى ماله مثيلٍ او نظير
احلام واشواقٍ وعلى خديده تربع خالها
عمري هوايا او فوادي وانت وامثالك بصير
افدى الوطن كلي أنا وخلي بلظى واسعالها

[صالح الضويحي]

سليمان السلمي


اهلا بك وبهذا الحضور االرائع

وسعداء بتواجدك

وأهلا بالجميع في هذه المحاوره الرائعه التي تمنيت ان تستمر وكما أشار ابراهيم الحسان اتمنى تحديد موعد لمحاورات قادمه وفي وقت محدد لنستمتع جميعاً

اهلا بكم جميعاً وصحت السنتكم على هذه المحاوره الرائعه

[نجوم المخيني]

الله الله الله

وسجلوني متابعه

[سناء الحافي]

الشاعر سليمان السلمي

الشاعر ابراهيم الحسان

اللشاعر الصديق محمد الخالدي

أسجل اعجابي بهذا الجمال و الروح الواحدة التي تتعانق باسم الحرف و المعنى

شكرا لكم بحجم السماء لما تنثرونه هنا من روعة و ابداع

اخي محمد الخالدي,,,,,الى الأمام.... فجمالية حرفك حين تتعدد ألوانه و كنت هنا مبدعا كما تعوّدنا عليك دائما

صلواتي لروحكم الطيبة أحبتي

[سليمان السلمي]

شكرا لكم على المتابعه..

وان شـــاء الله نلتقي في لقاءات قـــادمه..

وانا سعــــــيد بمتابــــعتكم..

الى ان نلتقي<<<

دمتم بحـــفظ الله ورعايته

[محمد عايد الخالدي]

تقديري لكل من مر هنا
وشكري للاخ سليمان السلمي على هذا الجمال

[محمد عايد الخالدي]

الشاعر سليمان السلمي

الشاعر ابراهيم الحسان

اللشاعر الصديق محمد الخالدي

أسجل اعجابي بهذا الجمال و الروح الواحدة التي تتعانق باسم الحرف و المعنى

شكرا لكم بحجم السماء لما تنثرونه هنا من روعة و ابداع

اخي محمد الخالدي,,,,,الى الأمام.... فجمالية حرفك حين تتعدد ألوانه و كنت هنا مبدعا كما تعوّدنا عليك دائما

صلواتي لروحكم الطيبة أحبتي




الصديقة الرائعة سناء الحافي
اشكرك مرورك العطر
وحضورك المميز
فكرا قلما فنا ابداعا
حضورك ومتابعتك شرف لي استاذه سناء
شكرا من القلب
على نفحات ذوقك الجميل
تحياتي لروحك
وتقديري ومودتي

[سليمان السلمي]

تقديري لكل من مر هنا
وشكري للاخ سليمان السلمي على هذا الجمال

العفــــو اخوي محمد الخالـــدي..

وتشرفت بمجاراتك..

وابياتك الجميـــــله ..

لاهـــــنت مـــاعليـــــك زود