عطونا علومكم

[إبراهيم الحسان]

السلام عليكم ورحمة الله وبركاته



الراس صافي..لكن الوضع مو زين = شطر ٍ كتبته والمواجع هنيّا
سلام من صدر الحشيم لــ/ حشيمين= عطوني علوم الثرى والثريا؟

.

في إنتظاركم هنا
وأقرب شاعر لايتردد .. ترى حدّي بيت بيتين وبعدها أول لفة يمين :)

[ضاري الظفيري]

وعليكم السلام والرحمه

حي الله بن حسان


يامرحبابك والعرب دوم سالين=حييت يانسل السطر والحميا
عسى الثريا يرجحن الموازين=والا الثرى مبطي وهو ماتهيا

[عبدالرحمن صباح الفاضل]

صحت السنتكم


نبيها 30 صفحه ماهو اقرب لفه يمين :)


تسجيل متابعه

[محمد عايد الخالدي]

اخي ابراهيم
كفاك الله شر المواجع
وانا اشهد انك حشيم من حشيمين
تكفا مانريد اللفه يمين
نريدك تروي ظمانا
وحنا مانرتوي بعد
مودتي واحترامي

[إبراهيم الحسان]

وعليكم السلام والرحمه

حي الله بن حسان


يامرحبابك والعرب دوم سالين=حييت يانسل السطر والحميا
عسى الثريا يرجحن الموازين=والا الثرى مبطي وهو ماتهيا

هلا وغلا ضاري الظفيري صح لسانك ..

استلم



تحيتي وأهديتها للسلاطين=يامرحبا وإعداد غصن ٍ تفيَا
ياضاري الفزعات هدْ المساجين=ترى جبل سنجار يسوى العليّا

:)
.
.

[إبراهيم الحسان]

اخوي

عبدالرحمن الفاضل


مليون مرحبا

وابشرك راح تصير ثاني لفه يمين

متابعتك شرف

[إبراهيم الحسان]

الأخ العزيز محمد الخالدي


متابعة شخصك الكريم شرف عظيم

وما انا الا كاتب خواطر هامشية لا اكثر

ولكنني اتمنى ان نكون عند حسن ظنك



تحية

[عفاف علي]

تسللتُ هنا بـِ هدوء

لستُ بـِ شاعرة ولكني تلصصتُ على جمالٍ نـُثر هنا

الشاعر القدير

إبراهيم الحسان

شموخ يملأ المكان

لـِ روحك فرح بـِ شذا أوركيد

[ضاري الظفيري]

يامرحبا بالجميع وحياكم الله شرفتونا بتواجدكم
الله يبيض وجهك يابراهيم شيخ شعر وفعل


تبقى وتفدى طلتك لي ملايين=وان ماكفاك القاف باقول هيا
والقيد يفتح بعض الاحيان باللين=خطر(ن) يموت العشب زود السقيّا

[إبراهيم الحسان]

يامرحبا بالجميع وحياكم الله شرفتونا بتواجدكم
الله يبيض وجهك يابراهيم شيخ شعر وفعل


تبقى وتفدى طلتك لي ملايين=وان ماكفاك القاف باقول هيا
والقيد يفتح بعض الاحيان باللين=خطر(ن) يموت العشب زود السقيّا

صح لسانك يابعدي ولاعليك زود يا أمير .




مجنون أنا.. وأحتاج ناس ٍ مجانين= ودي مـشـاري ينصحـن مـير عيّا
اقــول لـك بـيـتـيـن و إتـقـول بـيـتـيـن= والناس ناموا .. وأنت طلق المحيّا


:)
.
.

[إبراهيم الحسان]

العفيفة / عفاف علي

تأكدي بأن مرور الشرف هنا يغمرنا،
ونقف وقفة إحترام وتقدير لك ولأمثالك من العفيفات الكريمات.
فشكراً لك ملء السموات السبع وأكثر


تحيتي اختي

[ضاري الظفيري]

صح لسانك يابعدي ولاعليك زود يا أمير .




مجنون أنا.. وأحتاج ناس ٍ مجانين= ودي مـشـاري ينصحـن مـير عيّا
اقــول لـك بـيـتـيـن و إتـقـول بـيـتـيـن= والناس ناموا .. وأنت طلق المحيّا


:)
.
.



ابنشدك قلبك نوابك على وين=واخر علاج الطب يالقرم كيّا
مجنون لكنك تقود الشياطين= عقلك وقلبك مبلشينك سويّا

[إبراهيم الحسان]

إرحب إرحب


نويت لي نيه ولكن على الزين = نية بدو مداتهم مع يديّا
دار ٍ بها دجله وخضر البساتين = أرض ٍ بها البازي يذل الحديّا
.

[ضاري الظفيري]

البعد كايد والوله للبعيدين=يالله قرب كل حيٍ لـ حيّا
انا ومشاري بالفعل لك ملبين=اما عبور الشط والا المنيّا

[إبراهيم الحسان]

السلام عليكم ورحمة الله وبركاته


الأخ الشاعر ضاري الظفيري


شكراً لك من القلب ياكريم

كنت سعيد جداً بمحاورتك مع انني لست بشاعر محاورة
وكان تواجدي من اجل تحريك القسم ، ولكن لوجودك حضرت بكل جوارحي وكنت في قمة السعادة

شكراً لك ولكل من حضر هنا

[ضاري الظفيري]

الاخ الغالي ابراهيم الحسان

الله يبيض وجهك وانت بلا شك أستاذ ونستفيد منك
والعذر والسموحه على اي شي بدر مني . . وتشرفت فيك بعد راسي

[عبدالرحمن صباح الفاضل]

الله الله

الف شكر للقديرين ابراهيم وضاري
على هالطاروق




لاهنتوا جميع

[ضاري الظفيري]

الاخ القدير عبدالرحمن الفاضل

لاهنت على الحضور اللي نفخر فيه
والف شكر لـ تواجدك الطيب
لاهنت يالغالي