محسن ابن هادي
03-03-2008, 08:53 AM
لكم
*
*
*
الحب صايب كل روحٍ مكتوب في صفحة بيانه = لولاه ماغنى طيرن بالغصن شاكي وجاعه
ساير على كل جاله مايختلي قلبٍ وشانه = يصبح على النزوات ناظر ويمسى تسامره الجشاعه
مدري طروقه هي تِسلّي والا صروفٍ من لعانه = ماقد طرق باب خفاق ولايعترف بالقناعه
ساكن على القلب طاغي متمكنٍ من كيانه = ولاحل وارخى بظله غادر بشوقه تم لاعه
مايرتضي قلب خايف ولاينتقي نفسٍ جبانه = يحب هاوين المصاعب يبحر يقود بهم شراعه
مابين حاضر وماضي محدن عرف له ديانه = مصايبه في توالي مجرم مضامينه شفاعه
ياعنتره وش عطى لك شجاع ويخسر رهانه = وياهاوي ليلى في زمانك مازارك الا شعاعه
هانت له ارجال تسّما ماتدري وشو هوانه = ولانت له اقلوب تقسّى وساقها العشق طاعه
بالروح منه شكاوي والعين تفّدى عشانه = نشكي لجوره منه ظلمه ونلاحقه في تباعه
اتعبت فكري في هوانا وفي عطاه وجنانه = لقيت للوهم حظن وظلمة الجوف قاعه
عينٍ تخايل زول صخرٍ وشافها الغي دانه = وكل هاوي من خياله تحلى بعينه البشاعه
كم روح للعشق تفنى ولاينتقص من زمانه = وكم ثمين العمر ودّع والرد زود التياعه
ياكل عاشق سمعني هات الجواب بامانه = تجارة الحب تربح ؟ والا كسادٍٍ للبضاعه ؟
معادله او قضيه الحب دايم له حصانه = من لهفة الناس قاوي والي انظلم في دفاعه
وشلون عقب الحق يبرا ولايتهم بالادانه = لابد يلقى مالقينا ويذوق من نفس صاعه
ضعيف وانا قد كشفته عاجز تروع في امتحانه = ياللاسف في غيابي اعلن رسوبه وذاعه
ادري لو انه بيسمع بقول قولي في اذانه = لكنه يبقى مشاعر ياليت تظهر له شجاعه
الصعب يسهل بمنطق والخبل يرجي اعانه = واللي تلوع في دروسه الخاتمه هي ضياعه
اهانه مني او ادانه ولا تطاول على المكانه = جلالة الحب اسف ماللمعالي اي طماعه
جنبت دربك لو تجنب عسى لي عندك ميانه = مابي رواية عشق تروى في سمرتن للجماعه
عرفت تالي طبوعك مصير طبعك للخيانه = خذني عمر لك وبعّد واترك لي قلبي وداعه
ياحب ادري اهنتك ونفسك تراودها الاهانه = لكن قلبي هو عشيقي ومالك عليه استطاعه
ماللغزل فيك داعي حرفي تقدم بامتنانه = بعيش عمري مهتويني واقصد لعمر الشوق ساعه
فيك اتغنى بالجفاوه شاعر يرددها لسانه = واذا سمعتوا بعشقي الحب راعي هالإشاعه
*
*
*
الحب صايب كل روحٍ مكتوب في صفحة بيانه = لولاه ماغنى طيرن بالغصن شاكي وجاعه
ساير على كل جاله مايختلي قلبٍ وشانه = يصبح على النزوات ناظر ويمسى تسامره الجشاعه
مدري طروقه هي تِسلّي والا صروفٍ من لعانه = ماقد طرق باب خفاق ولايعترف بالقناعه
ساكن على القلب طاغي متمكنٍ من كيانه = ولاحل وارخى بظله غادر بشوقه تم لاعه
مايرتضي قلب خايف ولاينتقي نفسٍ جبانه = يحب هاوين المصاعب يبحر يقود بهم شراعه
مابين حاضر وماضي محدن عرف له ديانه = مصايبه في توالي مجرم مضامينه شفاعه
ياعنتره وش عطى لك شجاع ويخسر رهانه = وياهاوي ليلى في زمانك مازارك الا شعاعه
هانت له ارجال تسّما ماتدري وشو هوانه = ولانت له اقلوب تقسّى وساقها العشق طاعه
بالروح منه شكاوي والعين تفّدى عشانه = نشكي لجوره منه ظلمه ونلاحقه في تباعه
اتعبت فكري في هوانا وفي عطاه وجنانه = لقيت للوهم حظن وظلمة الجوف قاعه
عينٍ تخايل زول صخرٍ وشافها الغي دانه = وكل هاوي من خياله تحلى بعينه البشاعه
كم روح للعشق تفنى ولاينتقص من زمانه = وكم ثمين العمر ودّع والرد زود التياعه
ياكل عاشق سمعني هات الجواب بامانه = تجارة الحب تربح ؟ والا كسادٍٍ للبضاعه ؟
معادله او قضيه الحب دايم له حصانه = من لهفة الناس قاوي والي انظلم في دفاعه
وشلون عقب الحق يبرا ولايتهم بالادانه = لابد يلقى مالقينا ويذوق من نفس صاعه
ضعيف وانا قد كشفته عاجز تروع في امتحانه = ياللاسف في غيابي اعلن رسوبه وذاعه
ادري لو انه بيسمع بقول قولي في اذانه = لكنه يبقى مشاعر ياليت تظهر له شجاعه
الصعب يسهل بمنطق والخبل يرجي اعانه = واللي تلوع في دروسه الخاتمه هي ضياعه
اهانه مني او ادانه ولا تطاول على المكانه = جلالة الحب اسف ماللمعالي اي طماعه
جنبت دربك لو تجنب عسى لي عندك ميانه = مابي رواية عشق تروى في سمرتن للجماعه
عرفت تالي طبوعك مصير طبعك للخيانه = خذني عمر لك وبعّد واترك لي قلبي وداعه
ياحب ادري اهنتك ونفسك تراودها الاهانه = لكن قلبي هو عشيقي ومالك عليه استطاعه
ماللغزل فيك داعي حرفي تقدم بامتنانه = بعيش عمري مهتويني واقصد لعمر الشوق ساعه
فيك اتغنى بالجفاوه شاعر يرددها لسانه = واذا سمعتوا بعشقي الحب راعي هالإشاعه