الشاعر/ عاقل الزيد الطويلعي .. رحمه الله

[فرج الدهمشي]

بسم الله الرحمن الرحيم

السلام عليكم ورحمه الله وبركاته

اخواني اعضاء وشعراء دار الأدباء الثقافيه هذا ديوان الشاعر / عاقل الزيد رحمه الله

ارجو ان تستمتعو بقرائته وقضاء اطيب الاوقات مع قوة المعني والمفرده لهذا العلم

وتقبلو تحياتي وتقديري ...





ماني مثالي خـوذي العــلم مني =لا يخدعونك يوم قالوا مثــــــــالــي

مثل البشـــر يا بنت لكــــــن تأني =كم شلت لجلك فوق قـدر احتمالي

تريضي مقــــدارمايرجهنـــــــــــــــي =قلب قبل لا تسكني فيه خــــــــالي

استفردي بأصدق وفــــــــاي وتهني =صدق الغلا ماشاركك فيه غـــــــــالي

استوطني في خافقي واستكنــــي =ابتمتع في دلالك لحـــــــــــــــــــــالي

ابيك يوم أن الليالي عطنـــــــــــــي =تنسيني هموم الليال الخــــــــــوالي

وعن كل جرحٍ في حياتي غبنــــــــي =فيك الأمل عن كل شيء جـــــــــرالي

تذوقي معنى القصيـــــــــد وتمنـــــي =من ذوقك انتى يصبح المـــــــــرحـالي

لو كل حلمٍ يحتــــــــــــويه التمنـــــي =ما قصرت من دون حلمي حبــــــــالي

أنا عزاي ان خيب الوقـــــــــت ضنـــي =انك ببالي كان منتي قبـــــــــــــتـــالي

تكحلي بالمفردات وتحنـــــــــــــــــــي =يالمترفه باصدق قصيد الشمــــــــــالي

شعري يخفف لوعة الهم عنــــــــــــي =هو الونيس لضيقتي وانعــــــــــــــزالي

لاهب نسناس الشمال وحضنــــــي =قمت اتذري في حنين اشتعـــــــــالي

احيان احس أن الشعر مس جنــــــي =واحيان احسه من دواعي هبــــــــالي

كان الجنون فنون فشعّـــــــــر فنــــي =كــــــم به رسمت اجمل خيال بخيالي

حتى مع الدو الخلي فيه اغنـــــــــــي =واسمع صدى صوته يرد النـــــــــــدالي

ماني مثال ردي العلـــــــــــم عنـــــي =قولي شمالي وانت مثلي شمــــــالي

[فرج الدهمشي]

ليه مااشرح فرحة القلب والبال السعيـــد =ليه ماأوفي بالقوافي من أغرقنـي وفــاه

/

/

لية ماتمطـر لـداري مراويـــــح القصيـد =لية ماأكتب والوطن نبض واحســـاس وحياه

/

/


والله أني لاأكتب الحرف مـن دم الــوريـد =لين البّس منكب الدار من شعــــري عبـاه

/

/


ينفرد بي صادق الشعـر للـدار الفـــريـد =داري اللي ماعلـى عزتـه دار ٍ ســــواه

/

/

مايضاهي موطني مــــن قريـب ولابعيـــــد =غير مجدة مع شيوخ ٍ به الــوالـي حبـاه

/

/


موطني فيه المعالي علـى غيـره تزيـــــد =طيب الله من نعيمة ثـرى عـــود ٍ بنـاه

/

/


وحده صقر الجزيرة وهو وحـــــــده وحيـد =زاده اخلاصة لدينة وصـــدقـة والصــــلاه

/

/


لين ردة واستعـادة بعـزم ٍ مـن حـــديـد =مارهقه طوى الصحارى والكــــايـد ثنـاه

/

/


حدد حدوده معزي عسـى العـــز المــــديـد =للذي ساروا على سير نهجـة مـــــن وراه

/

/


محتمين الديـن والـدار والمجيـد التليـد =المواطـن والـــوطـن فـي عدالتهـم ذراه

/

/


قادة في حكمة الشـور والـراي الســـديـد =كل منهم سدد اللــه علـى الحكمـة خطـاه

/

/


كل يوم في عهدهـم لـدار العــــز عيـــد =وفي عهد فهد المفدى زهى المــوطن بهـاه

/

/


اتباهـا فـي بـلادي واغنــــي بالنشيـــد =وانتشي مع كل صوت ٍ تغنى فـي غــــــلاه

/

/

ليه ماشرح فرحة القلب والبـال السعيـــد =ليه ماأكتب والوطن نبض وعروق وحيــــاه

[فرج الدهمشي]

ياليتني لاطحت لاطحت لاطحـت =مااطيح عنـد اللـي تمنـى مطيحـي

/

/



اللي بوجهة عـن فـؤاده تصفحـت =لو كان لـي فـي غايتـه مايبيحـي

/

/


جاملت واغضيت وتسامحت واصلحت =وقلت الحقيقة والعزاء اني صريحـي

/

/


مايـوم والله خنـت والا تمصلحـت =حتى عـن اعدايـة بذمـي شحيحـي

/

/


وان مر طاري طيحتي بالنظر شحت =موتـي ولاشوفـي لقلبـي جريحـي

/

/


بيدين من حلمة وأمل عمـره البحـت =يصير حلمة علـم واصبـح ذبيحـي

/

/


وانا الله اعلم كم دمحـت وتسامحـت =وصديـت كنـي دالـة ٍ مستريحـي

/

/


يايعربي خذها صريحة اليّـا رحـت =اقولهـا ولسـان شعـري فصيحـي

/

/


ليتك عن مطاول سهر ليلك امرحـت =وكسرت عن جفن السهـر لايطيحـي

/

/

عاد.. أنت توحيني ياليتـك تريحـت =يوم أنت لانـدي ولانـت بنطيحـي؟

[فرج الدهمشي]

وين انت ياللي قلت لاصرت محتـاج=ازبـن عليـك وكـل كـربٍ تحلـه
.
.
.
.
.
لو ان كربي ثقـل ابانـات وسـواج =واثقل مـن جبـال السـراه المطلـه .
.
.
.
.

له ترتكي ماتحسب احساب الامـواج =لـه ترتكـي وتقـول لطويـق خلـه .
.
.
.
.

وتصير لي في عتمة ايامـي سـراج =السـود والاّ البيـض ماهـن اشكلـه .
.
.
.
.

القى لهن في حزة الضيـق مخـراج =وادل دربـي قبـل اجيـك وتـدلـه .
.
.
.
.

هذا كلامك بالرخـا قبـل الاحـراج =حبيـت اعيـده واسمـع العلـم كلـه .
.
.
.
.

الياّ اسفهل حجاج واستقطـب حجـاج =حبـل الشدايـد ماانـت كفـو تفلـه .
.
.
.
.

وهداج يكرم عنـك مشحـوم هـداج =هداج من جالـه ضمـا الكبـد بلـه .
.
.
.
.

ياللاسف كيف اعتبرتك لـي سيـاج =ياقلـب قلـه لـو تكـرمـت قـلـه .
.
.
.
.

مافيـه علـة مالهـا طـب وعـلاج =الاّ ثــلاث مالـهـن طـــب لله
.
.
.
.
.
ولا اعرف لهن مبدأ وسيرة ومنهاج =المسكنة..والمهـزلـة.. والـمـذلـه

[فرج الدهمشي]

ياصاحبي قلها علـى شـان ترتـاح =الكلمـة اللـي توجـع القلـب قلهـا
.
.
.
.
.

قلها عسى همك مـع الليـل ينـزاح =وتفـارق الضيقـة وتلقـى بدلهـا
.
.
.
.
.

اطلق عنـان السالفـة سدهـا بـاح =الى متى من دون صـوت تختلهـا؟
.
.
.
.
.

خل الحديـث لمبهـم السـر مفتـاح =سـود النواعـس لاتبيـن زعلهـا
.
.
.
.
.

حاولت اصرح لك..وانا اعرفك لماح =بالصدق هذي..عن هذيـك تعزلهـا
.
.
.
.
.
تعبت اجدّل من سهر ليلـك مـراح =واضفي على جـرد المشاعـر حللها
.
.
.
.
.

متعودٍ صدري على شلـف ورمـاح =كم لي على شانـك وانـا محتملهـا
.
.
.
.
.

لاغيمـة ٍ تمطـر ولابـارق ٍ لاح =علـى مداهيـل خفوقـي نزلـهـا
.
.
.
.
.

ماظن باقي بالفـرح كثـر مـاراح =الفرحة اللي تنتظرهـا مـن قتلهـا
.
.
.
.
.

تعال اوسع صدرك ان ضاق وارتاح =والكلمة اللـي توجـع القلـب قلهـا
.
.
.
.
.

[فرج الدهمشي]

ود الأمانـة.. ودهــا يارســـــــــــولـي =لاصحابي اللي عودو مثل الأغــــراب
.
.
.
.

تكفى قبل حزني.. وصمتي.. يطولـي =ترى الرسالة خمسة حـــــروف بكتـاب
.
.
.
.

لاصحابي اللـي بالقسـى ماصفولـي =مدلولها.. شرهة.. ومضمونها عتـــــاب
.
.
.
.

اللي اليـاّ ضاقـت بهــــــــــــم صوتولـي =واسكنتهم قلبي.. وعيني.. والاهـداب
.
.
.
.

وان غبت ضاقوا وان حضـــرت هتفولي =وكلٍ تبسم لي مـن النــــــاب.. للنـاب
.
.
.
.

وانزاح همـي.. واستــــــراحـت ذلولـي =وحل الفرح والحزن عن ناظــــــري غاب
.
.
.
.

وياما قبل لحظـة بشايـر وصــــــــــولـي =تباشروا بي زيف في صــــــورة إعجـاب
.
.
.
.

وياما.. ويامـا..آه .. يامـا حكـــــــــــولـي =وصدقتهم واصدقهـم اليــــــــــوم نصـاب
.
.
.
.

شف كيف؟..يوم احتجتهـــم ماوفولـي =لا..وحسافة كيف.. ظني بهـــــم خـاب
.
.
.
.

شـدة تـزول أو جعلهــــــــــــــا ماتزولـي =ان عودت رجلي على شجـــــرة الـداب
.
.
.
.

من قبل فرحة حاسـدي مـــــع عذولـي =ومن قبل حزني لاقرب الناس ينســـاب
.
.
.
.

قلتة وشاهـد حجـة الصـــــــــدق قولـي =ومااقول غير لشاهـد الــــــــــــزور كـذاب
.
.
.
.

وقت السعة ياكثر الاصحــــــــاب حولـي =ووقت الشدايد لاحبايـب ولااصحـــــــــاب
.
.
.
.

وحيد اقيس الهــــــــــم عرضـي وطولـي =من سفح مرقابٍ علـى راس مرقــــــاب
.
.
.
.

واللي قطـع قلبـي وسبـب ذهــــــــولـي =إني قبل لااحتاجهـم كانـوا احبـــــــــــاب
.
.
.
.

كلمـة صريحـة ودهـا.. يارســــــــــــولـي =عن رفقة اصحاب الرخا خاطري طـــــــــاب

[فرج الدهمشي]

كنتي بعينـي فـوق نجـم الثـــــــريـا =وكنتي لقلبـي فرحتـه وإبتهاجــــــــه
.
.
.
.


والزيـن لا مـره خيالـك تهــــــــــــــــــيـا =وقام ولبس لك ياأجمل الغيد تاجـــــــه
.
.
.
.


وأجمل جميـلات العـذارى تفـــــــــــــيـا =بظلال زينتك بين لوله ،، وعاجــــــــــــه
.
.
.
.


حتـى قتلتينـي بقولـك كــــــــــــــــــذيـا =إني ماحب إلا على شـان حاجـــــــــــه
.
.
.
.


هنا وقفت وقلـت حـدي هنـــــــــــــــــيـا =يوم إنكسرتي مثل كسر الزجاجـــــــــــه
.
.
.
.


وكسر النفوس أعظم ياسمح المحــــــيـا =من كسر باس اللي غلاك إحتياجـــــــــــه
.
.
.
.


العشـق عمـره مايجـي بالحمـــــــــــــــيـا =ولاحد يحب اللـي يريـد بمزاجـــــــــــــــــــه
.
.
.
.


عن بارد إحساس أكثر الناس عـــــــــــــــيـا =وهذا هو أقسى جرح يصعب علاجـــــــــــــه
.
.
.
.


هيا نتفارق يااخـر الجـرح هــــــــــــــــــــــيـا =يمكن بحلـم الذكريـات نتواجــــــــــــــــــــــه
.
.
.
.

أن مالتقينـا فـوق نجـم الثــــــــــــــــــــــريـا =صدر الثرى عكر غديره عجاجــــــــــــــــــــــه

[فرج الدهمشي]

طعنتك زرقا وانا كلـي جــــــــراح =ياكريم ٍ كنت احسبنـك شحيـــح

"
"
"
"


الوفا راعيـه يطعـن بالرماح =وش تفيدك طعنة القلب الجريح؟

"
"
"
"


ساطية حد العظم سـم ٍ ذحــاح =والحيايـا روعتنـي بالفحـيــــــــح

"
"
"
"


بالغدارى لاعوى الذيب استــراح =والذيابـة مايجفلـهـا النبـيــــــــح

"
"
"
"


عزتي من دونهـا كلـي كفاح =ماتهان ودونها ماارضى المطيح

"
"
"
"


الكرامة هي عزايـة والسمــــاح =الوفا طبعي وانا دايـم صريــــــح

"
"
"
"


لايغرك لو شكى غيري ونـــــــاح =دالة ٍ قلبه مـن همومـه مريــــــح

"
"
"
"


صوت جرحي مايشابه للصيــــاح =صوت سقمي من طعونك يستبيح

"
"
"
"


سرمدية ليلتـي والســــد بـــــــاح =آآآآه.. ليتك بالحقيقـة لـي تبيـــــح

"
"
"
"


مارويتـك لاهمـاج ولاقـــــــــــــــــراح =والله اني قبل اعرفك مستريـــــــــح

"
"
"
"


عطرت جرحي ذعاذيع الريــــــــــــاح =واستدارت بالعذر يمي تصيـــــــــــح

"
"
"
"


حيهـا لاذعذعـت والهـــــــــــــــم زاح =واثقل همومي بدت عيني تزيــــــح

"
"
"
"


من سرالي بالغداري والصبــــــــــاح =له بياض القلب والعذر النصيـــــــــح

"
"
"
"

توني فتحّت والقلـب استــــــــــــراح =واستلذ طعونك القلـب الجريــــــــح

[فرج الدهمشي]

عسى القصيد ان مازرع بين الألبـاب =دهشة.. وحرك قلب.. واطلق حجاجة

0
0
0
0

يمــــوت في مهـدة قبـل شقـة النـاب =ويحرق فتيلـة.. ثـم يكسـر سراجــــــة

0
0
0
0

يموت قبل يسولف ال.. عصم الاشناب =مـــــــــاله لـزوم.. ولالهـم فيـه حاجــــــة

0
0
0
0

ان ماكســــر قلب ولـوى يمـة أرقــــــاب =ترثية لـو مــــــــــوتـه سبايـب علاجـــــة

0
0
0
0

ان ماتحـول غـل عدوانـه اعجـــــــــــــاب =وش عاد لأحبابـه بكثيـر اللجاجــــــــــة؟

0
0
0
0

بينة وبين أهل الشعر ستـر وحجـــــــاب =طرياه عند أهـل القصايـد سماجـــــــــــة

0
0
0
0

واللي عنه غابت بلا عـذر واسبــــــــــاب =وش عذرها مـن ضيقته..وانزعاجــــــــــة

0
0
0
0

أو إنها عقـب البطا..جرحهـا طــــــــــــاب =ماتذكر الموقـف وخــــــــــوف المواجــــــة

0
0
0
0

ياطرفها.. واليّا انعست فيك الاهــــــــداب =عن نومها جفـن السهـر فـيّ ناجــــــــــة

0
0
0
0

عسى القراح ان مـــــــاروى خافـق ٍ ذاب =يكفيه عن صافـي زلالـه.. هماجـــــــــــة

0
0
0
0

يااللي غديتي للشعـر قلـب واكتــــــــاب=وشفيـك لاغبتـي تكـــــــدر مـزاجـــــــــة

0
0
0
0

واليّا حضرتي ماتقل هاجسـة غــــــــاب =بعيونـك الثنتيـن.. ســــــر ابتهـاجــــــــة

0
0
0
0

ما للشعـر.. ياشيخـة الغيـد مجنــــــاب =يفـداك ياقوتـة.. ولولـــــة.. وعاجـــــــــــة

[فرج الدهمشي]

بوحي غــــــــــلا والصدق مبداه ثابت =وصدق المشاعـر مـا علـى بوحـه قيـود
0
0
0
0


غابت وهي ما عمرها يوم غــــــابـت =غابـت غيـابٍ لا تجافـي ولا صـــــــدود
0
0
0
0


وابطت وأنا روحي من الوجــــــد ذابت =ولا أدري متى يهزهـا الشـوق وتعــود
0
0
0
0


يا خوفي اصغت سمعهـا واستجــابت =وصرت الضحية بيـن حاسـد ومحسـود
0
0
0
0


والروح من هم الفـراق استصــــــــابـت =وبقيـت هايـم شـارد الفكـــــــر ملهـود
0
0
0
0


اللي غلاهـا داخـــــــل الـــــــروح نابـت =أهيـم فيهـا كـل مـا هبـت النــــــــــــود
0
0
0
0


ولا عمر00آمالي 0 لو 00بالأحلام خابت=فيها 00 ومنها بأصدق الحلــــــم موعود

0
0
0
0

إن أقبلت وأرضت خفوقي وهــــــــــابت =مبدا 00 القطيعـة موفـي مواثيـق وعهـود

0
0
0
0

منها 00 ومعها جروح الأيام طـــــــــــابت =وكن الفرح مع لحظـــــــة الوصـل مولـود

0
0
0
0

من يوم بسهوم المظاليـــــل صــــــــابت =وهـي 00 تـزرع بقلبـي بســـاتيـن وورود

0
0
0
0

ريمية ٍ مع لهفة الشــــــوق جــــــــــابـت =حلـم الخفـوق اللـي مـن سنيـن مفقـود

0
0
0
0

عن وصفها شعري قوافيه شــــــــــــــابت =بين النحر 00 والجيد 00 وعيونهـا السـود

[فرج الدهمشي]

الغايب اللي غيابه زاد عن حـــــــــده =ليتـه درابـي غيـــــــــابـه ويـن ودّانـي

0
0
0
0

خلاني آهيــــــــــم من فرقاه 00 واوده =وصحرا الظما من ظمايه تعقد لساني

0
0
0
0

غاب وتركني وحيد 00 وخافقي هــده =يكتبني الحــــــــزن من عقبه ويقراني

0
0
0
0

حتى النظــــــــر ما طراله يمي يلـــــده =ولا كنه اللي سكن في وسـط وجدانـي

0
0
0
0

اللي مكانه بقلبي ما احــــدٍ ســـــــده =ولا حـل بقلبـي مكانـه واحـــــد ٍ ثانـي

0
0
0
0

أتلا العهـــد فيه قبل العام في جـــــده =ومن بعـد عاميـن لا جيتـــــه ولا جانـي

0
0
0
0

الصاحب اللي مثــــــل ضوح القمر خده =في عتمه الليل نوره هيــــض اشجانـي

0
0
0
0

متى حنيني وصـــــــدق اشواقي تـــرده =ويصبـح بكفـي مثــــل خاتـم سليمانـي

0
0
0
0

وكان الغلا والوفا والحـــــــب ما ســــــده =معـذور لا مرنـي عجـــــــــــــل وتعدانـي

0
0
0
0

من لا وفالي بوقت الضيــــــــق ما أعده =لو كان عندي غلاه يسـاوي إخـــــوانـي

[فرج الدهمشي]

مانقبل ارهابي وخاين ومحتـــال=يظهر مالا يبطن وينفث سمومــه

حنا سعوط لمن دخل راسه اهبال=لغواه شيطانه وزين حلـــــــــــومه

ينكــــــــــس ذليل محبــــــــط ذال=واليا طرينا له يضيــــــــــــع علومه

انا بجاه منزل آيات الانفـــــــــــــــال=يحفظ فهد ويديم عز الحكـــــــــومة




وهذا البيت حقيقه للشاعر الزيد من اجمل الابيات :




ياليتني لا طحت لاطحت لا طحت

............... ما اطيح عند اللي يتمنى مطيحي

[غالب الذيابي]

.
.
.


رحمة الله عليه ، فقد هزني خبر وفاته ولم اكاد اصدق الا بعد ان استلهمت رشدي، فقد كان رحمه

الله من اعز الاصدقاء .. شاعر لايشق له غبار... شكرا من الاعماق يافرج على هذه اللفته.
.
.
.
.

[إبراهيم الحسان]

الله يرحمه ويغفر له ويسكنه فسيح جناته .


نعم هو شاعر علم وأخلاق سامية.



شكرًا فرج الدهمشي



تقديري

[فرج الدهمشي]

الشاعر القدير / غالب الذيابي

الشاعر القدير / أبراهيم الحسان

الشكر لكم على المتابعه هنا واشراقة حضوركم يا أنقياء

لا عدمناكم كونو بالقرب دائما وتقبلو تحياتي

[فرج الدهمشي]

مما كتب رثاء للشاعر عاقل الزيد الطويلعي رحمه الله



والله ياعـاقـل لـو الـمـوت رجال = تـاقــف عـلـشـانـك بوجـهـه رجـاجـيـل
ولــو للدهر ميثاق ياطيب الفال = ماخانت الايام رؤس المشاكيل

.

.

بك زينة العقل وأسمك بالفعل عاقل = ياعاقل الزيد زدت الشعر من عقلك
يامتعب الحرف ياللي للشعر نافل = أصلك ذهب والقوافي تفتخر بأصلك
مثلك ذكر بالحديث المسك والحامل = يانقى صديقً وطيبك ورث عن أهلك

.
.

[فرج الدهمشي]

مـقـتـطـفـات شـعـريه للـشاعر

عــاقــل الـــزيــــد يـرحـمـه الله
.
.


ياللأسف كيف أعتبرتك لي سياج = ياقلب قل له لو تكرمت قل له
مافيه عله مالها طب وعلاج = الا ثلاثٍ مالهن طب .. لله
ولا أعرف لهن مبدى وسيره ومنهاج = المسكــّـنـه والمهزله والمذله

.

من قبل فرحة حاسدي مع عذولي = ومن قبل حزني لاقرب الناس ينساب
قلته وشاهد حجة الصدق قولي = وماأقول غير لشاهد الزور كذاب
وقت السعه ياكثر الاصحاب حولي = ووقت الشدايد لا حبايب ولا أصحاب

.

من الرياض العاصمه جيت للجوف = أحمل تحيات الرياض وسلامه
بالمسك واليشموم والورد محفوف = مرسل لدار المجد دار الكرامه

.

ليه ماتمطر لداري مراويح القصيد = ليه ماأكتب والوطن نبض وأحساس وحياه
والله أني لاأكتب الحرف بدم الوريد = لين ألبّس منكب الدار من شعري عباه

.

ياصاحبي قلها علشان ترتاح = الكلمه اللي توجع القلب قلها

.

مـن لانهـاه أيمـان قلبـه عـن الـغـي = مـاقـام لـــه لـــو زاد بالـعـمـر رايـــه
أي الخلي اللي سـلا خاطـره وأي = مــن لــه مــع اللـوعـه وأثـرهـا حكـايـه

.

لمْ الورق لاينكشف سر الاوراق = مـاتشبع الاوراق جوع الكتابه
ولا تبرد الونه لهي حر الاشواق = لاون مـجروح النوى زاد مابه

.

الجمـره اللـي بالحـشـا جرحـهـا حــي = ماللـعـنـا فـــي سالـفـتـهـا نـهـايــه
الـلـي وجعـهـا طــاويً خـافـقـي طـــي = مــن ويــن مـاأوجـه ورايــه .. ورايـــه

.
.

[فرج الدهمشي]

....


عاقل توفى والذكر حي لازال = وهذي وفاة الطيبين الصناديد
بكـو على عاقل من الناس عقال = كلن يقـول مرحوم ياعاقل الزيد
له سيرةٍ لازال تضرب بالامثال = وعسى مصيره جنة الخلد تحديد
.
.
أبكيك ياعاقل وحزني لفرقاك = أكبر من التعبير ودموع راثيك
أبكي وفاك اللي من أبرز مزاياك = ياللي مزايا المرجله كلها فيك
عسى الإله برحمةٍ منه يحماك = أمين يرضى عنك ربك ويرضيك
.
.
موت الإنسان يوجع قلب الإنسان=لـو تصبَّـر تجـيـب الـدّمـع عيـنـه
والله إنك فـقـيــده يابـوسـلـطـان=مـن يًعًرْفِـك عسى ربّي يعيـنـه
.
.
من فقدتك صار قلبي جمرة بين الضلوع = وصرت أشوف أن الليالي من بعد فقدك شنيعه
كنت وحدك .. أنت وحدك فارقً بين الجموع = بالمحبة والشهامة ياعــدوً للقـطــيـــعه
يا ألهي جعل قبره حافل بكل الــــــزروع = وأجعل الفردوس داره وأجعل الهادي شفيعه
.
.

والله يــالــولا مـايـقـولـون رجـــــال = وأخشى كلام أهل الردى والمناقيد
لآصيـح باعـلا الصـوت وأجـر مــوال = وأشقق هدومي على عاقـل الزيـد
.
.
لو تنفدى بالروح والله لفديك = وأسكن بقبرك وأتلحف خطاياك
.
.
منصور والله كم تمنيت شوفـه = وأنـا علـى شـوف المناعيـر شفقـان
يالله عسى الرحمه بقبره تحوفه = ويمطر على قبره من الغيث هتـان
الطيّب اللي نادرات ٍ وصوفه = رجل المكـارم والوفـا راعـي الشـان .
.


( بـقـلم الـشـعـراء )

1 / مـنـصـور الـرويـلـي

2 / الحـمـيـدي الـحــربـي

3 / دعـاس عـافـت الـرويـلي

4 / أحـمـد الـنـاصــر الاحــمـد

5 / مـحــمــد هـايـش الرويلي

6 / أبـراهـيـم المـشـعــان

7 / مـضـحـي الــرويـلــي


.

[فرج الدهمشي]

بقلم الشاعر منصور الجلعود



والله ياعاقل لو الموت رجال = تاقــف عـلـشـانـك بـوجـهـه رجـاجـيـل
ولــو تـنـفــدا ( يالــوايلي ) بدفع الاموال = نفداك بغلا المال والجاه والحـيـل
لاكنه أمــر الله على كل الاحوال = وذي سنة الخالق بـجــيــلً بـثـر جــيــل



.


مايـوفـي المـرحـوم قـــول القـصـايـد = ومـحـبـتــه ماتـرجـمـتـهـا قــصــيــده
نطلـب لـه المعبـود يــوم الوعـايـد = الـواحــد الـلــي يـرتـجـونـه عـبـيــده
يـجـيـره الله مـــن لـهـيــب الـوقـايــد = ويجـعـل مـقــره بالـجـنـان السـعـيـده







منصور : والله كم تمنيت شوفه = وانا على شوف المناعير شفقان
والمجتمع كل ٍ تحكمه ظروفه = وظرفي قصرني دون شوفه بالاعيان
اتعابنا في كل حال مخلوفه = لاشك فقدان الرجاجيل فقدان
يالله عسا الرحمه بقبره تحوفه = ويمطر على قبره من الغيث هتّان
الطيّب اللي نادرات ٍ وصوفه = رجل المكارم والوفا راعي الشان
رجل اللزوم الغانمه ماتطوفه = والله حكيم ٍ في تصاريف الازمان
اللاش بيّن والرجال معروفه = وعاقل كسبها بين حظر ٍ وبدوان
الشاعر اللي زاهيات ٍ حروفه = وعــزّ الله انّه من طويلين الايمان
بعض العرب لو مات مامن حسوفه = وبعض العرب في موتته تولد احزان
خيل المعاني للفقيد معسوفه = لاجله بدعت القاف مانيب طربان

0
.
( للشاعر / مضحي العليمي )
.
0

الموت حق ولا عن الموت تصديد = قدامنا خذا الرسل والصحابه
لاشك فاجعني خبر عاقل الزيد = اللي خذاه الموت بأول شبابه
مرحوم ياعاقل عشير الاماجيد = الماجد اللي صابنا من مصابه
عساه يرد الحوض وقت المواريد = وعساه في يمناه ياخذ كتابه
لعل له في ( جنة الخلد ) تخليد = واللهم ذويه الصبر مدة غيابه
يامن عبيده له ركوع وسواجيد = محص ذنوبه له وهوّن حسابه
وجبّر عزا الاصحاب في منبع الجيد = هاك القبال اللي رحيبً جنابه
ضاقت علّي من الخبر شاسع البيد = لو أن مابيني وبينه قرابه
حسب العوايد والشيم والتقاليد = وعشرة وزاد وملح وقت ولبابه
أرثاه بدموعي وحلو الاناشيد = لو كان من وائل / وأنا من عتابه

.
.
( للشاعر / عـبـيـد بن عـطـاالله العـتـيـبي )
.
.

ياحسرة الخافق على عاقل الزيد = وياهم قـلـبي كـثـر بــوح الـقــصـايـد
العاقل اللي ماتجيه المناقيـد = مانساه لو تنساه كل البدايد
ليت المنيه جت كثير الهرابيد = وخـلتك ليه ياكـثير الفوايد
في غيبتك وشلون أبستقبل العيد = وانت اول اللي يتصـلبي يعايد
ليتك تشوف شلون اجر التناهيد = يوم تعرضلي صورتك بالجرايد
وليتك تشوف لياذكروك القواصيد = وشلون دمعي بالعيون يتزايد
عودتني للدمع والحزن تعـويد = حزنٍ لك الله داخل الجوف كايد
يالله تصبرني عقب عاقل الزيد = وتحميه يالله عن لهيب الوقايد

0
( للشاعر / موسى المشعان العنزي )
0