بوح المشاعر! ..حديث الذات !

[فرج الدهمشي]

http://smiles.fahrs.com//data/32/aaa7asmilies.gif



http://smiles.fahrs.com//data/32/aaa6asmilies.gif




هنا يبدأ قلمي يبحر مع مشاعري ..وما يفيض به قلمي من شعرا



في البداية يا مرحبا فيكم يا أخوتي في متصفحي ..


http://smiles.fahrs.com//data/32/ss1818.gif


أشكر القائمين على المنتدى على أعطاء الاعضاء فرصة لكي ينثروا مشاعرهم ..




http://smiles.fahrs.com//data/32/aaa9asmilies.gif



http://smiles.fahrs.com//data/32/sss1414.gif


http://smiles.al-wed.com/smiles/13/flowers_221.gif

[فرج الدهمشي]

http://dc03.arabsh.com/i/00658/7a97k2fuuy19.jpg

:

:




يا حمود شب النار زوّد لهايبه=وأحمس لنا بن ٍ مع الهيل ذايبه
مع تمرة ٍ مرباه في نقرة الحسا=وصفر الدلال اللي من البن رايبه

[فرج الدهمشي]

http://www.viafy.com/uploads/b04d0cb0b9.jpg


:


:




بأرضٍ كساها الزين بالعشب ربعت=والديم يسقي وسمها من سكايبه
وريح الخزامى والنفل عبقه أنتشر=وفاح الشذا عبر النسيم وهبايبه

[فرج الدهمشي]

http://t1.gstatic.com/images?q=tbn:lGnFclKAmkGY2M:http://farm3.static.flickr.com/2241/(يمنع عرض أرقام الهواتف بدون أذن الإدارة)_(يمنع عرض أرقام الهواتف بدون أذن الإدارة)f37_b.jpg

:

:




مع رفقة ٍ دايم على الطيب عزها=تجمع رفاقات الخفوق وقرايبه
هذي مناة الروح عندي وشفّها=تنسى الهموم اللي على الصدر صايبه
ياالله ياللي خالق الارض والسما=تفرج هموم اللي شكا من مصايبه
والحمد للي بأمره الأرض ربعت=وخلا عليها الغيث تمطر سحايبه

[فرج الدهمشي]

http://i5.tagstat.com/image02/2/9502/001200c0Fk2.jpg


:


:


يا قلب ..




ياقلب لدروب الـعـنى ويـش جـابك=عند الذي يزعـل الـيا شـاف طـيـبك
وان ماظـهر لـه بالـزعل راس نابك=من غـيـرتـه يـالـقرم صـعـبٍ يسيبك

[فرج الدهمشي]

http://www.up.u555u.com/uploads/dbd19dbb64.jpg






ليه يادنيا الالم ..



بعد ما تعيشينا الامل ..


يكون بعد العناق هذاك اللي يسمونه فراق



وانا اسميه الممات ..



هذي الدنيا كلها قسا..



اكتسى روحي العنا..



تعبت ادور لعيوني ضيا..




بعد ان بداء قلبي يحس بالامان ..



في ظل قلبك الحنون،



واطمأنت روحي واحست بأهتمامك




وتراقص الحب فرحا



لانه ذاق حلاوة حبك الطاهر...



بعد معاناة مع مرار الحياة ,,



أعلنت الرحيل ..





أيهون عليك قلبي..



ألا تعز عليك دمعاتي .،



أيعجبك نزف جراحي،،



التي ولدها رحيلك المفاجاء



أحب ان أخبرك...،



ان جنتك التي أنشأتها بين كنفاة قلبي الصغير .،،



قد انقلبت الى نار تسعر ..


ومن بعد انوار البهجه التي ملأت بها روحي



قد أنطفأت ..


ورغم ذلك سأظل ... !!

[فرج الدهمشي]

(الكذب)





الكذب مايقدر يحـط الـردى بـك = لكن (شياطين العرب)وش تبي بك
يشـوف ركبـه ماتبـاري ركابـك=لو شـد حيلـه بالنـدى مايجيبـك
ويرسل طوارف حربتـه فـي غيابـك=ولو ماتطالـب راح يصبـح طليبـك
ودامه على طيب المراجل حكى بـك=لو جيت ميقاف الردى وش يصيبك ..؟

[فرج الدهمشي]

http://www.viafy.com/uploads/9ec9b6fe35.gif

[فرج الدهمشي]

http://upload.welduae.org/uploads/12697596881.gif

[فرج الدهمشي]

صباح الخير فيه الخير كله = على اللي صار في قلبي محله






عيونه تذبح الهويان توه = على ليل المحبه شب ضوه






ياطيب الأصل يامحبوبي أصلك =الا ياليت من هو من رمسلك

[فرج الدهمشي]

روس الفخر تعلا متون ومناكب=والطيب بفعول الرجال أيتهيا
والمرجله بفعول أهلها تواكب=لو ما أستحى وجه ٍ من الطيب عيا
على طريق الجود ماشي وراكب= ما يحسد اللي بالفيافي تفيا

[فرج الدهمشي]

أراقب الليل وين الليل يسريبي =ماعرف وين الديار ومن معازيبي
الا ديار الحبايب وين موطنها =دايم أناظر عليها من تهليبي
أشوف القمر بس وين أشوفها =وأعد نجوم الليل وهذريبي

[فرج الدهمشي]

يوم فر بموتره يسبب الرجه =انتبهت وصارت الحال مرجوجه
مرني من سرعته وأن ظهر عجه=(الله وأكبر) شفتلي فيه عسلوجه
قلت مع حالي معه (يا ما حلا السجه )=لابسه برقع شفتها الزين عمهوجه
ناظرتني من سحرها الروح محتجه=سحر عيونها داخل الرمش مدموجه
نظمت أنا قافي والصدر على أجه =وأنهيته بأخر العجز على أوجه

[فرج الدهمشي]

ياشمس عيني ياقمرها وهلالها =ياللّي قطفت الورد وردك زهالها
يابعد روحي رد روحي وردلي =أنت لحياتي ياقمر راس مالها
وأنا عيوني في مشاهدك تهتني =وقربك دوا روحي وبعدك عنالها
لاغاب طيفك عافت العين نومها =والنار في قلبي يزيد اشتعالها

[فرج الدهمشي]

أحب أبارك لأخي الأكبر محمد بمناسبه ملكته وأهديه هذه الحروف
تعبيرا عن مشاعر الفرح في هذه المناسبه زواجه وفي أي وقت كان .



(القيصومة)

أنورت

في أخرالمرباااع

ومعاها

الداار

والديرة

بها الأنواار مغشيّه

(نبارك)



لك

يخوي

بالفرح


والصدوور أوساااع


بعرسك

يامحمد

جعلناها رمنسيّه

رمنسيّه

رمنسيّه

ومعاكم

التعب ماضاااع

يا نبع

الطيب

منك

الطيب

زاد الطيب حنيّه

جبرنا

الزمان

الصعب

يا لينه

بالأوامر طااااع

وأخذناها

الليالي

المنوره

ماجات عاريّه

وهذا

اليوم

يوم ٍ

بالفرح قد ذاااع

عساها

تكمل

(الفرحات)


مع الأيام مرويّه

وتبقى

ديرتي

بالعز

خباري

والهواء ذعذااع

حموها



(أخوان نوره)


بلادي

(يالسعوديّه )

[فرج الدهمشي]

بطاقة تهنئه مني عليها من الورود أنوااع=وفيها أجمل بيوت الشعر منظومه ومبنيّه

أبى أبارك وأهني مدام أن الشعر مطوااع=بيوت الشعر من شانك تجي ماهي بعاديّه

أنا في داخلي يا محمد الفرحه لها إيقااع=لذا جتك القصيده كنّها همّال ديميّه

عسى لك الهناء دايم تعيشه ياالوفي كل ساااع =وعساك إتذوق من وقتك حلاوة كل صافيّه

الا ياطيّب المبداء قطعت إمن المراجل باااع=ومشت في دمك الطيبه ألا ياصافي النيّه

عساها أتخّيم الفرحه علينا والسنه مرباااع=وأكيد الفرحه بتكبر إذا جوك الشماليّه

شماليّه أذا جونا يجي معهم هواء الذعذااع=وحنا نعتبر جيت رفيع الشان عانيّه

هلا يامرحبا بااللّي لفونا والحكي ماضاااع=أنا شاعر وأبى أعبّر غلاكم عايش فيّه

[فرج الدهمشي]

عن أبي هريرة رضي الله عنه قال: قال رسول الله صلى الله عليه وسلم:

((سيأتي على الناس سنوات خدّعات، يُصَدق فيها الكاذب ويُكذَّب فيها الصادق، ويُؤتمن فيها الخائن ويُخوَّن فيها الأمين، وينطق فيها الرويبضة))،

قيل وما الرويبضة يا رسول الله ؟ .. قال: «الرجل التافه يتكلم في أمر العامة» .

[فرج الدهمشي]

أبيات حروفه ..رماح في وجه ..أهل الغيبه ..وضعاف النفوس ..في زمن ..الرويبضه



ياعايب أهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لـهـايـبك=على الـذي دربـك قـصـر عـن دروبه
لا مانـعٍ عـن عــرض غـيــرك كتايبك=ولا سـرت مثله مع هل الطيب نوبه
هذي ركاب القوم فاقت ركـايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الـلـه أنــه ماربح راس شايبك=دامك من اللي بالقوافي حروبه
أترك مصايبنا وعالج مصايـبك=وأكرب خـبوبك قـبل تكرب خبوبه
رح للمحاكم لاجـل تـنهي طلايـبك=وألا علاجك عارفيـنٍ حبوبه
ياعايب أهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه

[فرج الدهمشي]

يا سيف


ويـاسيـف خـــلـك راقـدٍ في جـرابك=يكـفـيـك بـوجـيـه الـهـلايـم عسيـبك
نذخـر لسبـع الـغـاب شـاطر نصابك=والـيـا عـوى فـي تـالـي الليل ذيـبك
ويانجم وقتك كان غـيـمك غـدى بك=ياما سـرت فـيـك العرب تهتـدي بك

[فرج الدهمشي]

قصيده المهره للشاعر/ فايز سليمان العبدلي


http://www.youtube.com/watch?v=XLexfWonk0w

[فرج الدهمشي]

عانيت





دامك بدرب الـطيب تفـتـح كتابك=وشلـون لو يـقـرى ويخـطـي خطيبك ؟
عـانـيـت نـار احـقـادهـم في شبـابك=والله يـعـيـنك عـقـب ما يبين شيبك
امسى يـدوهج فـي مسـايل هـضابك=ويـنـشد ولد جارك ويـنـشـد قريبك
كـنـه خـذى يـوم الـقـيـامه حسابك=والا يـبـي يـعــرس ويـصـبح نسيبك ؟
ويـقـصـر جـنــابه مايناسب جـنـابك=وثـمـيــلـتــه صـعـبٍ تـجـاري قـلـيبك
وان ماقدر يلقى عيـوبك وشى بك=لـو كـان هـرجـه بالـقـفـى مايعـيـبك

[فرج الدهمشي]

الشاعر /خلف الغريب



http://www.youtube.com/watch?v=EEpqzosxxJA&feature=player_embedded

[فرج الدهمشي]

راعي الهوى لاشك لو ضاق معذور =فرقا الأحبه يهد شم الرواسي

[فرج الدهمشي]

بيت القصيد اللّي كتبته على ذوق=مثل الشمال أن هب ريح بهواها
له منطق ٍ يطغى على كل منطوق=أنا اشهد أنّـه للسقايـم دواهـا
دايم كلامه واصل ٍراعي الـذوق=صفات طيب ٍ راعي المجد جاها

[فرج الدهمشي]

يا صاح لي قلب ٍ تولّع بمخلوق=راحت وقلبي راح عزّه وراهـا
ماني بمشتاقه أنا كلنـي شـوق=متى يبل عروق قلـب ٍ كواهـا؟
الجادل اللّي عقبه الحال مسـروق=ما يعشق الخفاق شخص ٍ سواها
له الدلع له الغلا لايق ٍ لـوق=ومن وين مارحت الاقي حلاهـا

[فرج الدهمشي]

الله من شمس ٍ تأخر شروقها=ونفس المحبة زود البعد شوقها
من سبّة اللي ناظرتني وسلهمت=وحالي غدا عوق المحبّه يعوقها
من أبعدت خلّت مع الروح حزنها=ذكري من الماضي لقلب معشوقها
الروح راحت من تجافيه وامحلت=وحتى القصايد مبطيه عن أطروقها
من عقب فرقاها تحريت شوفها=أرتاح بالملقى ويركد خفوقها
يابوعيون ٍ زينها يفطر الحجر=من شافها يشكي مواجع فتوقها
كم مرةٍ ناديت وأنطق بأسمها=أحلا والذ من العسل طعم ذوقها
حبيبتي دايم أفكر بطيفها=حبه بوسط الروح يسكن عروقها
هي منوتي بين المزايين كلها=هنيّ من يمسك طوارف سبوقها
ياهم قلبي من سبايب فراقها=فرقاه مثل النار وألا يفوقها
ياليت تجمعنا الليالي ونهتني=وأحطّها بالعين وحجور موقها

[فرج الدهمشي]

مساء الخير والجوري مساء الورد والديجور=مساءٍ يشبه عيونك يابو عينين ذبلانه
الا مني تذكرتك أغوص ابحور ويّا بحور=وأحس بلهفة المشتاق والعبرات حيرانه
فديت المبسم المعسول فديته والعسل مخمور=أحسه في خيالي من حلاته نقط الّسانه
انا لعيونها أصبر وأصابر لو لحقني جور=أحبه لو يبي عمري أبيع العمر من شانه
سهرت الليل أفكر به وقلبي صوبها مجرور=جلست الليل وعيوني عليها دوم ولهانه
انا مشتاق ياقلبي يابنت ٍ تشبهين الحور=أذوب ان شفت معسولك وأغني بجملة الحانه
أقول الحق ياغالي ماقول الكذب وألا الزور = ذبل قلبي وانا أشتاق يابو عينين ذبلانه
ترى من شافني صرّح يقول اني أنا مسحور=وهو مسكين مايدري بقلبي وشهي أحزانه
وأخيراً أسمع الكلمه أحبك ياشبيه النور=أحبك يابعد عمري وحبك باني أوطانه

[فرج الدهمشي]

هلابك يالغلا كله هلا بالطيب المخبور=ذيب راع الحمية راجح ٍ بالطيب ميزانه
هلاما قلتها كذب ونفاق ولامشيت الزور=هلاماقلتها لك غير من قلبي أوجدانه

[فرج الدهمشي]

قادة أصطبل الأصايل مهرةٍ عنقا طويله=الجموح اللي تعزوى بأول خيول الأصايل

بالسبق معها ومعها خطوت الواثق دليله=خطوت اللي ماتعوَد بالسبق غيرالأوايل

كل حملٍ في زمانك حالفٍ اني غير أشيله =وأركز برجم المشاعر بارقٍ فوق النثايل

من وفاها بالمحبه مثمر بموسم حصيله =والعواذل من حصيله كسبهم مامن صمايل

وردتني من غلاها نهر عذب وسلَسبيله=لا نثنى زهر المحبه ثم تعطر ثم تمايل

في سفوح أمن المحبه لا رقينا بالطويله=عشت ذيبٍ بالطويله وأسألي سبع القبايل

والله أني ما تعزوى غير بسيوفٍ صقيله=كل سيفٍ لو تعزوا عزوته بعيال وايل

قادة أصطبل الاصايل مهرةٍ عنقا طويله=الجموح اللي تعزوى بأول خيول الأصايل

[فرج الدهمشي]

http://www.fateh-club.com/vb/image.php?u=4634&type=sigpic&dateline=1241912823




جيتك غلا وأسرج من الغلا خيل = قلبي لهيب الشوق من يمك أعياه
جاك الغلا ينزف تعب مجهد الحيل = بأخر حدود اليأس وأقفت بك أخطاه

[فرج الدهمشي]

يا ذابل الشفه اللّي هرجها خدري = يا ناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه

[فرج الدهمشي]

أنا أعترف مافيها كله خذاني ..
قلبي عشق من جنته قطف الأزهار

[فرج الدهمشي]

الـحـمــد لله سـبـحـانـه=رب وعظيـم فـي شانـه
كـريـم وفـاتـح بيـبـانـه=بعرشه فـوق السمواتـي
يالله يـاربـي يامشـافـي=الطف ابفضلـك ياكافـي
أغفري كل ذنب ٍ خافي=وأغفر لي أردى زلاتي
يـا رب منـك الشفـاعـه=وحـنـا عليـنـا الطـاعـه

[فرج الدهمشي]

أعترف




يومي بدونك كعيدٍ بلا حلوى!


فرح يشعر باليتم!

[فرج الدهمشي]

يا ذابل الشفه اللّي هرجها خدري=يا ناعس الرمش في نظره وسلهامه
الخد يزها جماله وجهك البدري = والقد يزها وصوفه فارع القامه
أن جيت مقبل تناثر ليلك الغدري=ضافي جديلك على الساقين وأقدامه
ترمي بسهم العيون وكان ما تدري = قلبي صويبك وهذي طعنة أسهامه
الليل بعيونك النجلا حفر قبري =من أول أحلام عمري لآخر أيامه
الوقت لاشفت زولك مر بي بدري=كن الدقايق توازي ماضي أعوامه

[فرج الدهمشي]

الشعر ما يوصفك لو أنتثر حبري=على الورق يا( ..... )جفت أقلامه
لكن عزايه أحبك واقبلي عذري=القلب سيف المحبه ناوي أعدامه
لو مات حبك ياحبي ما نزل قدري=أشوم بأسمي ورأسي رافع الهامه
ما يكسر القلب غير البعد يا جبري=ولا ينزف الجرح الا غربة أوهامه
وشلون أبنسي غرام نبضه بصدري؟=ياهاجس البوح والاحساس والهامه؟
ويا ذابل الشفه اللي هرجها خدري=يفداك حرف رسمتي بصمة أبهامه

[فرج الدهمشي]

لوصدق أن الهوى معاد له قدري=كثرت به أقلوب بياعه .. وسوامه

[فرج الدهمشي]

يانجم وقتك كان غـيـمك غـدى بك=ياما سـرت فـيـك العرب تهتـدي بك
ويالذيب كان الوقت عقبي سطى بك=ياما جـفــل راع الــردى من قـنـيـبك
وكان السقـيـطـه بالـتـوالي هـزى بك=فهو رغـم جـرحـك مايـقارب شطيبك
ويـاظــلـــع رضـوى دام كـلٍ رقـى بك=الـلـه عـلــى صـبـر الـمـهـونـه يـثـيـبك

[فرج الدهمشي]

يامرحبـا باللّـي لفونـا مداهيـل=منهم صديق ٍوالقرابة مـع الجـار
يامرحبا ترحيبـة البـدو بالسيـل=لاصار ربعي بالمجالي وحضـار
حنا أضيوف ٍعندكـم يارجاجيـل=وأنتم معازيب ٍ وأنتم هـل الـدار
رافق وخلك مع رجال ٍ حلاحيـل=وأبعد عن اللّي رفقته تجلب العـار
هذا زمان غيـر الجيـل بالجيـل=والقبلي الشرقي معـاه الهـواء دار
وشف الحقيقة أصبحت هرج تمثيل=والثلج جانا من هواها لهـب نـار
والقول واضح مايبـي أي تحليـل=واللي سكن وسط البحر يآمن أغبار
والسالفة تثقل اذا صـار تطويـل=قلنا أختصار ونحسب المتر بشبار
وصلاة ربي عدّ مـزن ٍ هماليـل=على رسول الجود هو خير الأخيار

[فرج الدهمشي]

للشعر ميدان ٍ وحكمه وفاقه=مع صبر ٍ وقوه وعزم وطاقه
واللّي ما يملك ذا السلاح أدرنه = معذور دامه يشتكي من ساقه
وانا معي مهره ولا هي مهره = الأوله دايم تجي سباقه
تاخذ من الفرسان شوط ٍ اول = اتجس نبض العالم الدراقه

[فرج الدهمشي]

http://www.youtube.com/watch?v=tX41idDfDzY&feature=player_embedded

[فرج الدهمشي]

ربعي بني وايل خيار الرجاجيل = مافيهم اللّي بالمواجيب يجنبك
تاريخهم بالعز ناس ٍ حلاحيل=وأفعالهم من قاصي الأرض تجذبك

[فرج الدهمشي]

يبن آدم الله معطيك العقل والصبر = من ناس قامت تشب النار فصحيبها
لكن بقفي عن العرجه ولدّ النظر = العرجه اللّي تجيب الشين ماليبها

[فرج الدهمشي]

ربعي بني وايل خيار الرجاجيل=مافيهم اللّي بالمواقـف يّجنبك
تاريخهم بالعـز جيلٍ بثر جيل=وافعالهم من قاصي الأرض تجذبك
عيال وايل بالوفا تعّدل الميل=وفزعاتهم بالطيب بالعيـن ترهبك
وقفاتهـم مابين موجز وتفصيل=نعم الرجال اللّي بالأفعال تعجبك
أهل الكرم ..عز الرجال المشاكيل=لا قلتها مافيه رجل ٍ يحاسبك
فريّس لا ركبواعلى ضمّرالخيل=في ساعـة ٍ مافيه رجل ٍيعيّبك
منا (مصوّت بالعـشاء)بالمداهـيل=تاريخ مجد وبالأصاله يناسبك
الوايلي لامن نصيته تساهيل=كل العلوم الغانمه فيه تعجبك
الوايلي لا ثار حّول كما السيل=وليا حضرفي مجلسٍ مايعذربك
الوايلي صيته كما نجمة سهيل=نوماس طيب وبالمواقف يناسبك
مدة يمين الحاتمي كالهماليل=تروي الكبود الضاميه ماتحاسبك
ماهو قصورٍ بالرجال الحلاحيل=أهل المبادي والكرم من مكاسبك
وكل القبايل والنعم يارجاجيل=وأبن الحموله بالمواجيب يطربك


(مصوت بالعشاء) بتشديد الواو, مشتقة من الصوت وصوت عند العامة نادى بصوت مرتفع,

ويدل هذا اللقب على الكرم والجود .

يطلق هذا اللقب على الشيخ /بن مهيد

شيخ الفدعان من قبيلة عـنزة

يروى أن في يوم من الآيام قام أحد موالي الملك عبدالعزيز لينادي بالطعام في مضيف ثليم

فناداه الملك عبدالعزيز وقال له : لا تنادي بالطعام لآنه سبقنا عليه ابن مهيد

رحمهم الله وأسكنهم جناة النعيم.

[فرج الدهمشي]

يقول الإمام علي ( رضي الله عنه )






لعمرُك مـا الإنسـان إلا بدينـهِ=فلا تتركِ التقوى إتكالاً على النسبْ
فقد رفعَ الإسلام سلمـان فـارس ٍ=وقد وضع الشِّركُ الشريفَ أبا لَهَبْ

[فرج الدهمشي]

http://www3.0zz0.com/2010/08/15/21/712606192.jpg


لقلب اللي شافها

[فرج الدهمشي]

http://up.2sw2r.com/upfiles/Tjb40294.jpg

[فرج الدهمشي]

الكبر


الكبر ماهو للرجال المشاكيل = اللي بهم للطيب والعز ميقاف

[فرج الدهمشي]

صدق من قال هالكلمه البعد قاسي ولا ينطاق = غيابك طال وانا جالس وحيد ٍ من يسليني
يقولون الصبر نعمه وانا أقول البعد حراق= حرق قلبي وخلا الدم ياقف في شراييني
أحبك حب ماحبه احد قبلي من العشاق = تعال وشاهد عيوني تقول لك متى تجيني ؟

[فرج الدهمشي]

من صدر شاعر كفخ منه القصايد وفاح = أجمل بيوت القصيده جاك عربونها
اليا طرقت القصيده والحمام أستناح = وغنت علي أم سالم جرة الحونها
ونقيت جزل المعاني من عدود ٍ قراح = وشلون منقى المعاني وأنت مزيونها؟
حبك ملكني وصنته مثل لبس الوشاح = اوشاح شيخ ٍ ليا من احتمت دونها

[فرج الدهمشي]

ياصباح الخير ياضي العيون ..من اجلها اكتب انا جملة اشعار



يسعد صباح الحبيب اللي لفاني عجل =اليا سمع صوتي ازهمله حرص جيته

[فرج الدهمشي]

http://q9aid.nayf.in/9ba7-al5er/9ba7-al5er.jpg

[فرج الدهمشي]

اللهم اني اشهد ان لإله إلا انت الأحد الصمد الذي لم يلد و لم يولد ولم يكن له كفوآ أحد
اقضي حاجتي وانس وحدتي وفرج كربتي واجعل لي رفيقآ صالحآ كي نسبحك كثيرا ونذكرك كثيرا
فأنت بي بصيرا يامجيب المظطر اذا دعاك احلل عقدتي وآمن روعتي وفرج كربتي انك على كل شي قدير يامن يقول لشي كن فيكون اللهم اتنا في الدنيا حسنه وفي الأخره حسنه وقنا عذاب النار
ولاتذرني فردآ وانت خير الوارثين٠

[فرج الدهمشي]

للشعـر ميـدان وحكمـه وفاقـه=مع صبر وقـوه عـزم وطاقـه
واللّي مايملك ذا السلاح أدرنه=معذور دامه يشتكي مـن ساقـه
وأنا معي مهره ولاهـي مهـره=الأولــه دايــم مـــع السـبـاقـه
تاخذ مـن الفرسـان شـوط ٍاول=اتجـس نبـض العالـم الـدراقـه
واليا احتمت من دونها الخياله=وصاح الصياح واعتزو براقـه
تأتيك مطنوخـه وتطـوي البيـدا=اتشوش لاسمعت طرا العلاقـه
راحو هل الاشواط يصفق كفـه=يـذم نفسـه وقـافـلات اخـلاقـه
وهـذي تـرا نعـمـه ونـعـمً بالله=أمـيـز ٍعـبــده مـــن الـبـواقـه
واللّي نكر فعل الكريم الوالـي=عسا يديه اتشـل ومعـه ايعاقـه
وهذي بنيه مـن بنـات أفكـاري=نقـيـتـهـا لـلـعـالــم الــذواقـــه
المهره اللّي نومسـت فارسهـا=كريمـه ولسـبـق هــي شـواقـه
ومحد ٍ عسفها وحمدلله ودعـي=شامت عن الفرسان والمنساقه

[فرج الدهمشي]

ان رحت ولاجيت تبقى لمغليك=وكبرعلامه للغلا هو سكوتي
انته تذكرني بصورة معاليك=ون غبت بدعيلك بلحضت قنوتي

[فرج الدهمشي]

http://www.iraqup.com/up/20100816/42GhL-i1rS_239861254.jpg

[فرج الدهمشي]

دام صبح ٍيخايل عين مهرة اجهادي=ودام صوتٍ يلاقيني برد التحيّه
شاع صوت الفلاح وشاع صوت المنادي=وانتهظت وسرجت افكار بنت العبيّه
واتكلنا عـلى الله بيـن سهل ٍ ووادي=وارتجلنا وجرينا اللحون الشجيّه
كل منا زهم فكره وهاض الفؤادي=ونهمر من مزون وصارت الموسميّه

[فرج الدهمشي]

هلت تباشير الفرح ليلة العيد=وسقت التهاني بالبيوت الجزيله

[فرج الدهمشي]

http://up.haridy.org/storage/EidSaid020.JPG

[فرج الدهمشي]

هلت تباشير الفرح ليلة العيد=وسقت التهاني بالبيوت الجزيله
أسمى التهاني سقتها لباشة الغيد=أصدق مشاعر من خليل لخليله
للّي غلاها داخل القلب تحديد=سبة عناي وعلتي كل ليله
ياما أنتظرته بين حسره وتنهيد=عيني أسليها ونفسي عليله
الغاده اللّي وصفها غير يازيد=أم العيون الناعسات الضليله
اللّي غيابه يشعل النار ويزيد =وسط الحنايا مثل جمر المليله
من لوعة الفرقا وكثر التناهيد=هز الكيان وخافقي عزتيله
ليا أقبلت مثل المزون المراجيد=تسقى خفوقي والضلوع النحيله
لعيونها نبض القصايد اناشيد=تروي حكايات الليال الجميله
أكتب لها شوقي وصدقي بتأكيد = بالغايه اللّي كل بارق تخيله
للشامخه بنت الرجال الصناديد = اللّي غلاها ما أدور بديله
وأجمل هديه تحتوي فرحة العيد = فيها التهاني والمعاني النبيله

[فرج الدهمشي]

يامرحبـا ترحيـب بـدوٍ أبضيفـان=أعداد ماهبت سحايب مطرها
ترحيبة ٍ من داخـل القلـب ولهـان=أعداد ماصاد البشـر مـن بحرهـا
لأهل الوفاء والجود ذربين الأيمـان = دوم الفـرح بحضوركـم ننتظرهـا
وصلاة ربي عـد ماهلـت أمـزان=على النبي فخر الأمـم هـو قمرهـا

[فرج الدهمشي]

صوت وصدى بيني وبين الشاعر القدير / عويد كسار العنزي


الشاعر / عويد العنزي



عينك تشوف أطباع روحك مع الناس=وكلٍ على أطباعه يشوف الخليقه
كانك صدا صديت لوبيدك ألماس=وكانك ذهب والــناس لمعة بريقه
دهامشه والنعم يامعرب الساس=من ورث أبوك وطيب جد العريقه
يزبن عليك الهم ماشاف الأتعاس=ويزبن عليك الضيق ماشاف ضيقه
يزبن عليك الفقر ماشاف الأفلاس=وأنت الطريقه بأنعدام الطريقه
وأنت الفخر فيك أفتخر يرفع الراس=وفيض المشاعر بالبحور العميقه
وأنت القصيد اللي نبض كل الاحساس=وعز الصديق الياأعتزى في صديقه
مابغا أمدحك في بيت يبقى بكراس=قلبك ذهب والناس لمعة بريقه
كان الفرج بالأرض يمشي مع الناس=أنت الفرج من بعد رب الخليقه





ردي للقصيده




الصاحب اللّي خوته ترفع الراس =مثل الذهب في معدنه في بريقه
اللي بنا بيت القصيده على ساس =مثلك حرام يشوف شي يضيقه
يا صاحبي حذراك تشكي على الناس =الله كريم ولا قطع بالخليقه
شمس القصيد وصبح غيم بالأنفاس=شاعر وضوح ومنهجه له طريقه
اللي ملا روح المشاعر بالأحساس =بحر من القيفان قاعه عميقه
ما هو بها مصنوع شاعر بكراس =لو ضاعت الشعار تسلك طريقه
نجم القصيد اللي ضوي الأدماس =مثل العسل والحرف زهرة رحيقه
يا صاحبي لاهنت يا معرب الساس =عز الخوي لا قيل مثلك صديقه

[فرج الدهمشي]

صباح الخير فيه الخير كله على اللّي صار في قلبي محله ذبحني سهم من عينه يسله واقول للناس هذا من حبيبي

عيونه تذبح الهويان توه على ليل المحبه شب ضوه الا يازين ماعندك مروه وتطفي بالمحبه من لهيبي

ياطيب الاصل يامحبوبي اصلك الا ياليت من هو من همسلك بس كيف قلي كيف وصلك وتكون الورد وردة من نصيبي

اراقب الليل وين الليل يسريبي ماعرف وين الديار ومن معازيبي الا ديار الحبايب وين موطنها دايم اناظر عليها من تهليبي

[فرج الدهمشي]

http://www10.0zz0.com/2010/10/04/21/505445114.gif


حنان



سبحان ربي خلق دره ومزيونه =سبحان ربي وهب خيي بحنونه
يارب نعمتك صنها وحفظ الغالي=احفظ بنيه غلاها ثبت اركونه
في كل ركن ٍ بصدري لاقي ٍ صوره=صورة ملاك ٍ خلقها الله ومصيونه
لاشفتها تبتسم لي تضحك الدنيا=وليا خطت يمي اندبها على هونه

[فرج الدهمشي]

أحتاج ..لك مثل الصحاري للأمطار .
أحتاج ..قلب غايه في الحنان دقاته عاصفه ونبضاته خاطفه ..ويضخ بشراييني روح المجازفه

[فرج الدهمشي]

مرني غرو ٍوسبب لي الرجّه=انتبهت وصارت الحال مرجوجه
فز قلبي والأحاسيس مرتجّه=الله أكبر..شفت في مشيه غنوجه
قلت مع حالي معه ..ياحلاالسجّه=لابس البرقع والأعيان مدعوجه
جادل ٍ من شفتها القلب متوجّه=مع طريقه والأحاسيس محروجه
يوم تلفت بالنظر تقل محتجّه=سحرها خلا المعاليق ممزوجه
نظرته,ترهب حشى الصدر وتفجّه=ومشيته,تعزف خطى ساق مدموجه
والله اني لجمع الشوق وهجّه=والله اني لمشي الصعبِ واسوجه
وين ابعرف حيها؟..وين بتوجّه؟=لو امهارالشعر قرح ومسروجه
من صدف له غافل ٍ ضاع بالعجّه=عاقل ٍ فى حال وبحال مرجوجه
عاسف القيفان عن كل معوجّه=وهايم بدرب المحبين وفجوجه

[فرج الدهمشي]

لجل الغلا شبيت ضو الفوانيـس
يا أتعب زمن وشلون تبحث خفايا



مجبور أولع شمع ليـل النواميـس
و أجبر نجوم الليل تسهـر معايـا



أبعد و أناظر في جمال التضاريـس
حسبي على اللّي قللو من عطايـا



عيب الزمن لوجابهـا بالمقاييـس
خلا طمان القاع تقـرب سمايـا



فكر الغدر بعقول ناس ٍ مناحيس
يوم الخناجر سولفت من ورايـا



القلب غار وموحش ٍ بالدهاليس
والعشق يكتب قصتـه والروايـا



واللي رفعني مع طيور ٍ قرانيـس
عشق ٍ مع الغيمات لاعب هوايـا



ومن الغلا ولّعت ضو الفوانيـس
وانتي وانا ونجـوم ليلـي معايـا

[فرج الدهمشي]

ابيات الى الشاعر القدير صالح الضويحي




من شفت اسمك صدري احسه يضيق =من زحمت الأبيات قدام بابه

كل ٍ يبي صالح قبل نشفة الريق =كل بيت في مدحه حسب له حسابه




ماابغا انظم أبيات القصيده على شان=ينقال شاعر والليالي توافيق
أكبر فخر للمدح ينظم بقيفان=ياالحر يالنادر بليّا مسابيق
الطيب ورث جدود يرجع لويلان=متعاهدين لأثنين مده مطاليق
كم ليلةٍ والنار شبت لضيفان=والدلّه اللّي تقدع بحالي الريق
شفتك كما سهيل اليماني اليّا بان=غيم ٍسقى قاع المحل حزة الضيق
مثلك أصيل الخيل يصهل كحيلان=سيفٍ يصحي عاثر الحظ ويفيق
يابن الضويحي مامدحتك على شان=ينقال شاعر والليالي توافيق






رد الشاعر القدير / صالح الضويحي



نبض الوفاء يسقي يباس المعاليق=لافاض من صدرا عزيزا جنابه

صوتٍ تجاوز مغلقات الصناديق=كله وفاء والطيب قدر ومهابه



جزل الكلام اللي على كف ميزان=غيثٍ هما واسقى يباس المعاليق

وفاه نبض احساس والشِعر وجدان=صوتٍ على عزفه تــزين الطواريق

يالدهمشي لاهان قدرك ولاهان=راسٍ حفظ عهد الوفاء والمواثيق

ماقدّر الطيّب سوى طـيّب الشـان=اللي يشوف بعين الانصاف ويويق

مني سلام اعداد هـتان الأمزان=بأسم المكارم كان فنجالها سيق

ومنى سلام اعداد مابالفخر بان=صيت الشجاع بساعةٍ تنشف الريق

عليك ياساس الوفاء سر واعلان=ياتاج راسي ياحفيد المطاليق

[فرج الدهمشي]

http://www.youtube.com/watch?v=WVRxipRI6-4

[فرج الدهمشي]

بـديت بسم الله بدع المثايل=الواحد اللّي يسأله كل سايل
سبحان ربي خالق الكون والبشر=في اجمل التصوير واعظم وسايل
وانا احمد الله دولة الدين موطني=دولة هل التوحيد واهل الفضايل
المملكة عـز المواطـن وعزها=من عز روس(ن)طايله كل طايـل
الديره اللّي راية المجد بأسمها=نفدى ثراها عن خطآ كل عايل
حنا مدابيس الوغى دون حدها=وحكامها آل سعود من صلب وايـل
أخوان نوره ذخرنا بعـد ربـنا=اهل المواقف والعطاء و الجمايـل
وكم دولة حلت عليها الكوارث=زلزال او سيل المزون الهمايل
بأسم الملك والدين والشعب والوطن= تلقى جسور الخير فيها حصايل
الله خلقنا نعمر الارض بالوفاء=ولاثارت الهيجاء نشيل الثقايل
وختامها مني صلاة على النبي=شفـيع خلق الله يوم الهوايل

[فرج الدهمشي]

http://dc15.arabsh.com/i/02152/orynyju3tbdk.jpg

[فرج الدهمشي]

أبيات من الشاعر/ناصر عطالله العنزي
أسندها لي ,





عزي لمن مثلي حياته زحاليق=كل مارفع راسه تجيه الأعاقه
ولا كمى اللّي عاش عمره تلا فيق =أبسط حوايج دنيته بطقاقه
ليتك يبن عمي على حالي أتويق=كني مريضٍ ناخر الدود ساقه
واليوم صبري صارمافيه توفيق=أوصبرن بليا فود فعل الحماقه
ياالله ياخالق جميع المخاليق =ياعالم بخافي الأمور الدقاقه
تجيرنا من نار تشوي المعاليق=يارب أنا مالي على النار طاقه






ردي للقصيده




لا تشتكي يا هام سنجاروطويق=حبل الوصل مشدود عندي وثاقه
فزعاتنا ماهي برد الطواريق=أبشر وحنا يالبناخي رفاقه
من غربنا إلين توصل تشاريق=فدا ولك فوق القرابه صداقه
نزيل عنك كل ما يمكن يعيق = واللّي تبيه يجيك طيب ولباقه
حنا ليامن وصلت نشفة الريق=نزيد للجهيل جهل و حــــماقه
بالجنه العليا نمارق وأباريق =والعبد بالدنيا كثير أنزلاقه
الصبر والسلوان جعل الله يتيق=قلبك لهديٍّ يرتضيلك سياقه
ويجيرك الفتنه وبطش المطاريق=في ساعة والمرء تلتف ساقه

[فرج الدهمشي]

البرد يوحي لي بدافي لياليك = واسترجع الماضي بصفحة خيالي
واذكر يوم تقول لي والله اغليك = وغيرك حشى يا صاحبي ماطرالي


















:


:






ياللي ملكت القلب وشفيك صديت = وخليتني بين السهر والغرابيل

[فرج الدهمشي]

صباح الخير..


صباح اكبر من التقدير..!


الى من عاشقه قلبي..


صباحك شوق ونغمة طير..!


صباح الضحكه الحلوه


يجيني عزفها غنوه


صباح الورد


صباح اللي بعدكم برد..!


تعال اقرب وجيب ادفاك


تعال اقرب ابيك اهناك..


نعانق بالسما احلام..


رضا مغرور وشوق هيام..!


معاني صادره لرضاك


ومعاني وارده لرضاي


ياعزف الناي


ياروح من القهر منفاي ..!


صباح الذوق


صباحك يعتريني شوق..


ولهفه مالها اخر


مدام لشووفكم باتوق..!


يااطهرحب


يااعظم من سكن هالقلب..!


دخيلك شوفها دنياي


تنادي يالغلا وياي..!


صباحي في وجودك غير

[فرج الدهمشي]

صوت وصدى مع الشاعر القدير / منصور الرويلي



اصحابي اللي بوقت الضيق مالقاها = لا شانت ايامي وزادت مصايبها
ماعاد ابي قربها والا مخاواها = يلعن ابو صحبتن ما كنت حاسبها
رفقة صحيب الرخا ما عاد نبغاها = لا صار ماتوفي الصحبه ابواجبها
العين غطا عليها الحزن واعماها = والنفس هم الليالي من مكاسبها
والعيشه اللي نحاول ماصفا ماها = لا تصفي شوي جانا من يغثربها
(حالي على ربي المعبود مشكاها = ماني على غيره ابشكي متاعبها)
اخاف كلمه من العدوان ملفاها = لن العدى ضيقتي بالحيل تطربها
والا ابزله ضعيفن ما تحاشاها = خبلن يثرثر ولا حسب عواقبها
واليا بغيت ارسل القيفان منصاها = للشاعر اللي جزيل القاف يكتبها
نهاية المرجله عنده ومبداها = ما كنه الا متمسكن في ذوايبها
كم نفسن من العنا منصور داواها = خبير في جرحها والا تطببها



الشاعر منصور الرويلي



حي البيوت اللي بذكر الله مبداها = الواحد المعبود مايجهل عواقبها
كم نيةٍ ماكشفنا عن خفاياها = سود الليالي تبين لك مآربها
كم صاحبٍ أخلف الهقوات واخطاها =وكم لحيتن ماتحشّم من شواربها
الصاحب اللي حقوقه ماتناساها = له رأيةٍ بالوفا والطيب ناصبها
والخطوه اللي على النوماس ممشاها = لابد ماتكشف الطرقه مذاهبها
والكلمة اللي عرفنا سر مغزاها = لجل الوفا ندمح الزله لصاحبها
والغايه اللي سترها الوقت واخفاها = دورات الايام تكشف لك عجايبها
والخوة اللي ينومس طيب مبداها= ابعادها بالوفا مضمون كاتبها
سفينة الطيب ميناها ومرساها = يقولها اللي خذها من تجاربها
لو قولوا الناس مانجهل مقاصدها = حجم المصالح يحدد لك مناسبها
أصدق حروفي يجسد صدق معناها =كن العواذل بحد السيف ضاربها
ياصاحبي وافهم المقصود بتلاها = من شاعرً كلمته بقياس حاسبها
العزوة اللي عريب الساس مجناها = ادنهم اللي بحور الطيب شاربها

[فرج الدهمشي]

لبيك اللهم لبيك لبيك لا شريك لك لبيك ان الحمد والنعمة لك والملك لاشريك لك

كل عام وانتم بخير وصحه وسلامة

[فرج الدهمشي]

عطريني يالقصايد من شذى الحرف الجزيل = بالقوافي والمعاني في سمايه ارعدي

دوري لي عن مشاعر شالها جرف المسيل = الله اكبر كيف كنتي في محيطي في يدي

لو قريتك في سؤالي ماجحد شمسك دليل = للمعالم فاز شعري للجزاله يقتدي

هامت الجزله بزنْد ٍيقدح الحرف المثيل = رجت حروف القصايد كل حرف ٍابجدي

جاوبته ام المعاني في كنفها سلسبيل = الحلى كلّه رحيق ٍ تشربينه يابعدي

شعرك بليل ٍتحدر خلف نجمك مايزيل = لو رفعته في يمينك ياصل لنجم الجدي

ماتضيع بنور نجمك لامشيت ولاتميل = خل عينك للثريا والخفايا مقصدي

يالقوافي بعثريني لاغدى ليلي طويل = وايلي ٍدهمشي ٍ ماعلى كفه ندي

ابشر بعزك وانا اللي كاسب ٍشي ٍجزيل = ايه البيها وانا اللي ماني بالفزعه ردي

الهقاوي في خيالي تطوي الدرب الطويل = والاماني في عيوني جتك بالطيب تعدي





http://alodaba.com/vb/showthread.php?t=12391

[فرج الدهمشي]

برد الشتاء لوكان حس بدفايا = وانتي معي ماعاد ثاني يجيني

يامرهفه بأحساس غيم بسمايا = اليا انحنى قوس المطر تكتبيني

في ثامن طيوف المطر من غلايا = لاجيت كلي بالغلا واعرفيني

انا (الشمال) بعشقها من هوايا = من طينة احساس الوفا واعشقيني

خلك معي والكون كله ورايا = هاذي يمينك خلها في يميني

مااطيع فيك بحكيهم والوشايا = قدرك هنا مابين رمشي وعيني

وليا نزلت في وسط قلبي معايا = عايش معي في روح وحده تبيني

مجنون عشق وشاعرن في وفايا = ياتاج راسي بالغلا واسمعيني

[فرج الدهمشي]

يا فديـتـــــــــــك






يكفيني انـي لابغيتـك لقيتـك = في نبض قلبي عايش ٍ بالمشاعر



بديوان شعري صفحة ٍمانسيتك = يكفي وجودك يفتخر فيه شاعـر



بأحساس حرفي لو كتبتك قريتك = لا مر طيفك يسـرقن النواظـر



ردك وسـام لدمعتـي لوبكيتـك = ماعشت انا بقلبٍ جحود ٍوناكـر



اقول روحـي فدوتـك يافديـتــك = لا ماعتبرها دامك تمون حاضـر



خذها تراها فدوتـك لاعطيتـك = ممنون لك بالحب قلبي وشاكـر



يكفي حضورك في يـوم ٍلقيتـك = تقرا لبصماتي وبوح الخواطـر



http://www.snnam.com/vb/imgcache/2/2241snnam.gif

[فرج الدهمشي]

اللهم لك الحمد والشكر كما ينبغي لجلال وجهك وعظيم سلطانك

(ربنا لا تؤاخذنا بما فعل السفهاء منا)

[فرج الدهمشي]

http://dc04.arabsh.com/i/02564/tnywv5gysgij.jpg

[فرج الدهمشي]

تدري وش اللي يغبن الرجال وانفاسه تضيق..؟
.............................(انك تشوف اقرب صديق لك يهاجمك اقلمه..!)



تدري وش اللي يقهرك لاجاك بالسانٍ رقيق..؟

............................(يخفي لك الحقد الدفين)( وينطق المدح بفمه..!)





من بنات افكاري وليس لموقف معين :)

[فرج الدهمشي]

صوت وصدى بيني وبين الشاعر القدير/ عواد الدهمشي



الشاعر/ فرج الدهمشي





عواد عود وانت بالاسـم عـواد = عودٍ ومثلـك لازم انـه يعـودي

طوّل غيابك حيل ياذيـب الاولاد = يالله عساها خير مامـن نكـودي

الطيب يذكر دايمٍ بيـن الاجـواد = ولا الردي ينسى ولابـه قعـودي

لك بصمةٍ ما مسهـا كـل نقـاد = جزل القصيد وكل مابه عهـودي

الشعر يسأل وينه اليـوم عـواد = يبيه يحيي عرقه اللـي يسـودي

عرقٍ يموت وفرحته صوت رعاد = وعواد اقبل يدحم اللـي يـزودي

والختم صلـو عـد ماثوَر زنـاد = وعداد ماهبت من الشرق نـودي

على النبي الهاشمي سيد الاسيـاد = اللَي بـدون رسالتـه مانسـودي





الشاعرالقدير / عواد الدهمشي





كلٍ على ماتزرعه يـده حصـاد = وانا زرعت الورد واجني ورودي

والطيب لوسقته بالانـذال مافـاد = إن مارجعلك شر مافيـه فـودي

وهذا الوفا لوينقسـم بيـن العبـاد = ياخذ فرج نصّـه إذا مايـزودي

الطيب للعيّـاش يرضـخ وينقـاد = هذا كلامـي والقبايـل شهـودي

وفـاك يالبـلاّز بالعـون معتـاد = دايم على درب المراجل سنـودي

وانـا إذا ربـك اشــا والله آراد = لارجع وانا ماقول واخلف وعودي

لكن ظروفـي جعلها تبتعـد غـاد = إدعوا معايـه جعلهـا ماتعـودي

ولازالت ظروفي وبي الزمن جاد = لاشعل قناديل الشعرمن وقـودي

ولاهان كل اللي نشد وين عـوّاد = واقسم قسم انتم سبايب وجـودي





وان شاء الله يرجع ابو العود للنشر :)

[فرج الدهمشي]

( يا عايب اهل الطيب )
الشاعر / فرج الدهمشي






ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الذي دربـك قـصر عـن دروبه
لا مانعٍ عـن عرض غـيـرك كتايبك=ولا سرت مثله مع هل الطيب نوبه
هذي ركاب القوم فاقت ركايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الله انه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=واكرب خـبوبك قـبل تكرب خبوبه
رح للمحاكم لاجـل تـنهي طلايـبك=والا علاجك عارفيـنٍ حبوبه
ياعايب اهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه





( يا جايب اهل الريب )
الشاعر الأماراتي القدير / خالد حماد (أبو ريناد)





ياجايب اهل الريب هذي دوايبك=تجيبهم من دون أيّت صعوبه
تعصف ولا ترحم أحد من زلايبك=صرصر على منهو تجلّى عيوبه
وجّه سهام الويل ورّي عجايبك=سهمٍ عرف مسلك طريقه وصوبه
وسلّ سيفٍ صانعه من لهايبك=سيفٍ تسلط فوق نفسٍ لعوبه
أعلنت انا الإعجاب كله سبايبك=يادهمشي ياراعيَ اصل العروبه
شِعرك حكى أصلك ومعدن ترايبك=تزرع حروفك في أراضي الخصوبه
إن غبت يبقى بيننا الحرف نايبك=الشاهد اللي في المعارك خطوبه
والسِلم فيه الشعر ينثر أطايبك=أنشودةٍ تعزف لحونٍ طروبه
غيثِ علينا هاطلٍ من سحايبك=شلال مايٍ ينهمل في عذوبه
تنشر نسيم الحب فينا هبايبك=نسيم ترجم للمعاني هبوبه

[فرج الدهمشي]

يامرحبا حييت يا منبع الجـود = يالقائد اللي شوفته يـوم محسوب

عودة ملك ماهي شعـارات ووعود = عودة حبيب الشعب بالخير مصحوب

عودة ملك دايم على شعبـه يجود = من طيب ساسه صار للشعب محبوب

عودة ملك بقلوبنا كان موجود = رغم الغياب اللي به الوصل محجوب

اللي بنى مجده على شامخ الطود = اللي بشوفه جمر الاشواق مشبوب

باسم الوطن نهديه باقات وورود = ونكتب قصايدنا هجيني ومسحوب

نبني صروح الحرف لاهبت النود = ونرسم ملامح صورته نبض وقلوب

الحب جنه والغلا نبضه يزود = شمس الوفا في شوفته مالها غروب

شعبك يحبك يابو متعب بلاحدود = وبيرق غلاك بقمة العـز منصوب

ياسيدي بوجودك الخوف مفقـود = سيف الشريعه بين غالب ومغلوب

ياالحاكم اللي لك مواثيق وعهـود = لا ضاعت الحيلات والحق مسلوب

انت الحكيم اللي بالافعال محسود = وانت الحليم اللي بالاسلوب مرغوب

انت الزعيم اللي على القمه يسود = وانت الكريم ليا غدى الطيب عذروب

وسلامتك يا سيدي منبع الجود = عسى الُولي يجعلك الآجر مكتوب

[فرج الدهمشي]

http://www4.0zz0.com/2011/03/09/23/528204343.gif

[فرج الدهمشي]

http://dc08.arabsh.com/i/02754/iesbzcwgbo0e.gif

[فرج الدهمشي]

الشاعر عبد الرحمن صباح الفاضل



كيف اسلي خاطر النفس الحزينة=والحزن ماغيره الوافي معاها
لا اهالي ولا رفاق ولا مدينة=غربتي غربة ويامقسى قساها
كنت احسب ان دنيتي فعلًا امينة=لين ماخانت بي وبين جفاها
طاحت وطاحت معه ناس ٍ رزينة=مابقالي منها الا صداها
الزمن لاضعت فيه تعرف وينه=والحياة فضيقه تعرف وجهاها
وصورة الناس اللي تشوفه بـ/لينه=ماهي نفس الصورة ان ضاقت رحاها
تتضح لك اكثر بزينه وشينه=لو تشين بعينك تزين بصفاها
علـ/ الاقل تعرف يساره من يمينه=وتعرف اخلاقه وتفرق مستواها
تخبرك عن حكمة الدنيا سنينه=وشدته تكشف لك الناس وخفاها
وكذبة الاحلام لو كانت ثمينه=لاتصدقها ولا تركض وراها

[فرج الدهمشي]

تدرين دايم في خيالي اناجيك =ادري قريبه بس بعد الثريّا
دايم على بالـي ولانـي بناسيـك=يكفي مكانـك وسـط قلبـي هنيّـا
مشتاق لك كلك على بعضك ابيـك=ودي اكابر بس غصـبن عليّـا
لوهو بكيفي داخل العين مخفيـك=حاولت بس القلـب يابنـت عيّـا
ودي اضمك في ضلوعي واخبيك=نعيش لحظات السعاده سويّا
حسي بلهفة شوق فينـي تناديـك=طيفك سكن فيني والاشواق حيّا
رغم البعاد اللّي سرت به مراسيك=كم لي وانا اتحرى اللقى واتهيّا
حسبي على اللّي بالمفارق موصيك=الحق على جرحـي ثمانيـن كيّا

[فرج الدهمشي]

جريدة الرياض

الجمعه


13 / 4 / 1432 ه

18 / مارس / 2011 م


شعبك يحبك يابو متعب بلاحدود



http://www.alriyadh.com/2011/03/18/article614785.html

[فرج الدهمشي]

صدق من قال يا روحي هجير البعد ما ينطاق = غيابك طال و همومي كثيرة من يواسيني
يطول الصبر وسنينك تطول و تذبل الاوراق = دخيلك لا تخليني اعانـي غربة اسنيني
انا بعدك غدى قلبي مقر الهم و الاشواق = وجع فرقا .. وجع غربة .. وحيد و من يسليني
طواري كل ما تطري تسبب لي الم وارهاق = انا مشتاق لك كلي و قلبك ماسأل فيني
احبك حب ما حبه على مر الزمن عشاق = احبك يا بعد عمري دخيلك لا تجافيني
احبك كثر هالدنيا وحبك ساكن الاعماق = احسه داخل بدمي و يجري في شراييني
تعال و ناظر عيوني وشفني كيف انا مشتاق = ترى صدك مع عنادك على موتي يوديني
تعال و تصبح الدنيا مودة .. مع وفاء .. وعناق = انا والله محتاجك طلبتك لا تخليني

[فرج الدهمشي]

دايم على بالي ولاني بناسيك = يكفي مكانك وسط قلبي هنيّا

[فرج الدهمشي]

من صدر شاعر كفخ منه القصايد وفاح = اجمل بيوت القصيده جاك عربونها

اليا طرقت القصيده والحمام استناح = وغنت علي ام سالم جرة الحونها

ونقيت جزل المعاني من عدودن قراح = وشلون ماانقى المعاني وانت مزيونها؟

حبك ملكني وصنته مثل لبس الوشاح=اوشاح شيخن ليا من احتمت دونها

[فرج الدهمشي]

http://www.mlfnt.com/lives4/13040597161.jpg

[فرج الدهمشي]

مشتاق لك يا بعد كل الغنادير = ياللي بقربك تنتهي كل الاوجاع


كني معك في غيمة الحب ونطير=نبحر وشوق عيوننا للمدى شراع

[فرج الدهمشي]

العِـلمُ يُجدِي ويَبْقَى للفتى أبـدا ‏..‏ والمَالُ يَفنى وإنْ أجْدَى إلى حِينٍ

[فرج الدهمشي]

الله وكيلك لو منا اغليك وابيك = ما ينزف الحبر الهيامي مهابه
انا من الويلان وان قلت انا آبيك = تأكد اني ما خدعتك بأجابه
اولاد عدنان ان بغينا نخليك = فوق السحابه فأنت فوق السحابه

[فرج الدهمشي]

http://www13.0zz0.com/2011/05/06/14/272150254.jpg

[فرج الدهمشي]

الذين يشاهدون محتوى الموضوع الآن : 2 ( الأعضاء 1 والزوار 1)



تسعدني كثير ثمرة هذه المتابعه والله

شكرا

[فرج الدهمشي]

اللي على جال المشاعر كتبلك = هنا هنا لاجاك شاعر(كيبوردي)

ماهو بها مسبوق بعدك وقبلك = الا انت يا ثلجي وجمري وبردي

وبيت القصيد اليا انكتب وانحسبلك = في ذمتي رسمه بها الكون وردي

[فرج الدهمشي]

شعبك يحبك يابو متعب بلاحدود
وبيرق غلاك بقمة العز منصوب

[فرج الدهمشي]

ياقلب لدروب العنى ويش جابك=عند الذي يزعل اليا شاف طيبك
وان ماظهر له بالزعل راس نابك=من غيرته يالقرم صعبٍ يسيبـك
والكذب مايقدر يحط الردى بـك=لكن شياطين العرب وش تبي بك
يشوف ركبه ماتبـاري ركابـك=ولو شد حيله بالندى مايجيبـك

[فرج الدهمشي]

الهقاوي في خيالي


صحيفة السياسه


http://www.al-seyassah.com/AtricleView/tabid/59/smid/438/ArticleID/132277/Default.aspx#startframe

[فرج الدهمشي]

مشتاق لك ياصاحبي هايم ٍفيك = ولخاطر عيونك عشقت الكتابه

ياروح روحي وين غابت لياليك = الصدر في بعدك تجيه الكآبه

يامهجتي مافيه شخص ٍيساويك = انت الغرام اللي تزايد عذابه

خلك بقربي يابعد قلب مغليك = اللي يحبك لا تجدد صوابه

فتحت لعيون الغرام الشبابيك =وصدري قفل في وجه الانذال بابه

مليت من وقت العنا والشرابيك = ومن عالم ٍيزهو بقانون غابه

يامرحبا حييت شبيك لبيك = جميع اوامر حضرتك مستجابه

قلبي وبين ايديك تسلم لي ايديك = امنتك الله لا تعذب جنابه

القلب لك مادام هو مغرم ٍفيك = والعمر لك ياشمعدان الصبابه

لو باعوا العشاق مبداهم اشريك = انزف ولا انزف كود قدر و مهابه

[فرج الدهمشي]

http://www10.0zz0.com/2011/05/29/04/768018831.jpg

[فرج الدهمشي]

قصيده خاطر عيونك في جريدة الحياة




http://ksa.daralhayat.com/ksaarticle/271607

[فرج الدهمشي]

http://www3.0zz0.com/2011/06/27/13/728163636.jpg

[فرج الدهمشي]

اسرجت من خيل المعاني والاحساس=اجمل وصـوف ٍ للحبيـب المثالـي
ماعاش رجلن للهوى يخِضع الراس=ومن صد عني مارجيتـه وصالـي

[فرج الدهمشي]

الشاعر القدير / منصور الرويلي




كــلــمــتــي لا قــلــتــهــا كــــــــذا ولا كــــــــذا = دون عـصـمــان الــشــوارب واقـفـيــن
ربــعــي الــويــلان . يـالــعــزوة . لـــــذا ؟= أعـــــــتـــــــمـــــــد بالله رب الــــعــــالــــمــــيـــــن
مـاعــلــيــنــا مـــــــــن طــهــابــيـــل الــــهـــــذا = سارقيـن الضـوء .. خاليـن اليـديـن
والادب ذاك الـــشــــمــــوخ الـــجـــهـــبـــذا = في مجالسنا على المركى اليمين
هـــكــــذا حـــنــــا .. ؟ ونــبــقـــى هــــكــــذا = عـــلّـــم الـــلــــي بـالـمـعــالــي طـامــعــيــن
رؤســنــا للـمـرجـلـه .. نــبــض وغــــذا = مــــــن خـلـقــنــا الله وحـــنـــا شـامـخــيــن
والــوطـــن لا رواحــنـــا نــفــحــة شــــــذا = ريــــح هــيــل وريـــــح ورد ويـاسـمـيــن
مــــادريــــنــــا كــــــــــــان مـــقـــصُـــدهـــم اذا = لــــــــن حــــكــــام الــجـــزيـــرة مـنـصــفــيــن
يــابــن وايــــل لــجــل رأســــك حــبـــذا = يـاصـلـه مـــن رأســــي الـعـلــم الـيـقـيـن





تعبيرا عن الأعجاب

صدى

الشاعر / فرج الدهمشي





الشعر للرويلي بأحساسه غـذا = يوم من بحر الشعر جاب الثمين

بالحميا والوفـا قلبـه هـذا = من يلومه لو كتـب بالنادريـن

هكـذا شعـر .. الجزالـه هكـذا = شاعراً يختال .. بالمعنى السميـن

كلمته عنـد النشامـا توخذا = ويجمل المضمون بالعلم اليقين

ربعك الويـلان .. يالعـزوه لـذا = بالمواقف يابن عمي شامخيـن

لابـةٍ للسلـم ماجـات بـوذا = تتبع آل سعود والمجد الرصين

من قديم الوقـت طيبهـا حـذا = للمراجل مرتوي .. دنيـا وديـن

هكـذا شعـر .. الجزالـه هكـذا = شاعراً يختال بالمعنى السميـن

[فرج الدهمشي]

http://www10.0zz0.com/2011/07/15/21/730306610.jpg


اشكر المصمم الراقي سند السبيعي على هذا الابداع الف الف شكر لك يالعزوه

[فرج الدهمشي]

جمر الغلاا في غيبتك صار وقاد=يشعل فتيل الشوق هاجس ظنوني

[فرج الدهمشي]

http://www11.0zz0.com/thumbs/2011/07/21/03/104119982.jpg



بِسْمِ اللّهِ الرَّحْمَنِ الرَّحِيمِ

شَهْرُ رَمَضَانَ الَّذِيَ أُنزِلَ فِيهِ الْقُرْآنُ هُدًى لِّلنَّاسِ وَبَيِّنَاتٍ

مِّنَ الْهُدَى وَالْفُرْقَانِ فَمَن شَهِدَ مِنكُمُ الشَّهْرَ فَلْيَصُمْهُ وَمَن
...كَانَ مَرِيضًا أَوْ عَلَى سَفَرٍ فَعِدَّةٌ مِّنْ أَيَّامٍ أُخَرَ يُرِيدُ اللّهُ
بِكُمُ الْيُسْرَ وَلاَ يُرِيدُ بِكُمُ الْعُسْرَ وَلِتُكْمِلُواْ الْعِدَّةَ وَلِتُكَبِّرُواْ
اللّهَ عَلَى مَا هَدَاكُمْ وَلَعَلَّكُمْ تَشْكُرُونَ

بريحة العطر والمسك والعود..رمضان علينا وعليكم يعود..شهر الخير والكرم والجود..تهاني لكم من قلب ودود..
اللهم بلغنا رمضان..وأعنا على الصيام والقيام..وقراءة القرآن

كل ساعة
كل يوم
كل اسبوع
كل رمضان
كل عام وانت بخيرومبروك عليكم الشهر الكريم ..

[فرج الدهمشي]

يالغاليه صبري مسافات وابعاد=والشوق دمعة حايره في عيوني


العمر في شوفك مسرات واعياد=وان غبت عني طاولتني اطعوني

[فرج الدهمشي]

القدير ابراهيم الحسان

القديره عبرات قلم

شكرا لنقاء قلوبكم متابعه تثير البهجه

وهالتصميم كنت مضيعه وحصلته بالذاكره :)

http://www4.0zz0.com/2011/07/28/03/926196353.gif

[فرج الدهمشي]

http://dc09.arabsh.com/i/03262/7z447qr8iol1.jpg


انا البديـل لعمـر بـن كلثـوم لـو مالـه بديـل = لا قامت فحول الشعـر تفخـر بطيـب انسابهـا



الشاعر خلف المشعان
اتكلم قليلا عن هذا الشاعر وليس من اجل انه عنزي لا والله
في واحد جنبي يقول عشان انه عنزي هههههههه :)
خلف المشعان انسان طيب واجودي قبل ان يكون شاعر وهو بعيد عن العنصريه والتعصب القبلي
وهذا احد اسباب اعجابي بشخصه وايضا اسم الشهره هو المشعان وليس العنزي او الفدعاني ,
حضرت له امسيات الشعريه في المملكه منها حفل القبيله في مدينه الدمام ومزاين الابل ام رقيبه العام الماضي ,
والكثير من امسيات الافراح في العاصمه الرياض ومدن المنطقه الشرقيه ..
وغيرها تمنيت ان اكون من الحضور ..

مع ان خلف شاعر مشهور ماشاء الله ..!

ومشاركته في شاعر المليون .. وظهوره بالاعلام وقنوات التلفزيون
وموقعه الرسمي بالشبكة العنكبوتيه اعتقد انها كافيه ووافيه لظهوره للجمهور ومعجبينه ..
وهذا يدل انه رجل متواضع جدا من تواضع لله رفعه والغطرسه صفه مذمومه
خصوصا ان في هذا الوقت والزمن انفس الناس تغيرت فالبعض لا يشارك قريبه او صديقه في افراحه واحزانه ولو بمكالمه او رساله وانا اعتبر نفسي مقصر في هذه الامور كثير,
ولازم الانسان دائما يجتهد ويجاهد نفسه رغم عمله واشغاله ويهتم بمثل هذه الواجبات والاهم ( صلة الرحم ) خصوصا في هذا الشهر الكريم ..
لا احب الاطاله وهذا قليل مما في خاطري تجاه ابو موسى ( روؤس اقلام )
خصوصا اني لم اتطرق لمشاعره وقصيده لانها حكايه اخرى ربما نعود لها ,
وهذا اهداء متواضع للبديل الشاعر خلف المشعان





لا ياخلف من جاء واللّي بعد راح = لا يضيق صدرك يالشمالي على شيّ

لجل المحبه والغلا خاطري ساح = ياعزوة اللي فزعته تكفي الحيّ

يالكوكب الدري ياشمس الاصباح = ياسيفي اللي في يميني على ايدي

كم ليلة ٍوالضيق في صدر الاشباح = ليت القصايد خففت واقعي لي

ورق القصيد اللي على دفتري ناح = يتبع ورى برق المشاعر يبي ميّ

يامزبن المضيوم في ليل الاجراح = يانخوة الفدعان يافزعة الخيّ

بعين الفرج شفتك وانا همي انزاح = وشلون اضيع وكوكبك بالسماء ضيّ

نجم الشمال ان بان جذاب الارواح = لا يضيق صدرك يالشمالي على شيّ

[فرج الدهمشي]

http://dc11.arabsh.com/i/03269/wtgbvsv56o6e.jpg

[فرج الدهمشي]

بعـض البشـر يـزرع بـك الطيـب قــوه =وبعـض البشـر جاحـد ولـو تنـزرع فـيـه
والـبـعــض لامــنــك تـمـاكـنـت جــــوه =لـــو تطـلـبـه عـيـنـه نـطــق ســـم لـبـيــه
وبـعـض البـشـر تـجـنـي عـلـيـه الـفـتـوه =مايـدري ان الوقـت يـردع عـن التيـه
وخـطـوة حـقـود ٍداخــل الـصــدر زوه =اســود مــن المحـمـاس بالـغـل يبـريـه
وخطـوة سموحـن قلـبـه بحـلـق هــوه =غــيــر الـبــيــاض يـسّـقـطــه مـايـدانـيــه
والبعـض دايــم ملـحـق الـنـاس ســوه =لـحـم البـشـر عــن كـــل زادن يـبـديـه
والـنـاس فيـهـم كالـجـبـل فـــي عـلــوّه =ماأحدن علـى الرفعـه يحـاول يجاريـه
وايـضـآ بـهـم مـثـل الـطـريـق الـمـشـوه =كلما وطى يصعب على الرجل تمشيه
انـواع جنـب انـواع وان قـيـل خــوه =احـرص علـى اللـي يرفـعـك لاتعـديـه
الـلــي مـــع الـفـزعـات عــنــده مــــروه =يدفن خطاك ولاانجهل طيـب يبديـه
أتعـب علـى وصـل اللـذي طـاب نـوه =وأحشم ترابـك عـن عجـاج المكاريـه
وأشــره عـلـى الخـيّـر أصـيــل الـربــوه =وإلا الــردي مـاهـو بحـمّـل المشـاريـه
وكـلـن عـلـى مـاشــب يـنـشـاف ضـــوه = والله عــلــى قــــدر الـنـوايــا بـيـعـطـيـه




الشاعره مها العنزي

[فرج الدهمشي]

ياعايب اهل الطيب عالج معـايبك=ذنبك تـعـدى المبتلى فـي ذنوبه
لاشفت طيب الناس ثارت لهايبك=على الـذي دربـك قـصـر عـن دروبه
لا مانـعٍ عـن عــرض غـيــرك كتايبك=ولا سـرت مثله مع هل الطيب نوبه
هذي ركاب القوم فاقت ركـايبك=وثوبك قـصـيـرٍ عـن تفاصيل ثوبه
دام الجـرب يجدع طوارف حلايبك=عالج بحالك لين تبرى جنوبه
وعـز الـلـه أنــه ماربح راس شايبك=دامك من اللي بالقوافي حروبه
اترك مصايبنا وعالج مصايـبك=وأكرب خـبوبك قـبل تكرب خبوبه
رح للمحاكم لاجـل تـنهي طلايـبك=وألا علاجك عارفيـنٍ حبوبه
ياعايب أهل الطيب عالج معـايبك=ذنبك تعدى المبتلى في ذنوبه
لا رافعٍ صيتك ولا صيت شايبك=وراع الجرب يقعد يهارش جنوبه





مجاراة تشرفت بها من الشاعر القدير عبد اللطيف العوفي



يالدهمشي بالطيب هبت هبايبك=والناس طيبك كلهم سولفوا به
إترك ردي الذات واغنم باطايبك=كلٍ فعوله بالنهايه تنوبه
أنت ابلجٍ بالخير تمطر سحايبك=صيتك بروق العز تضوي نصوبه
شاعر وعز للابتك ولقرايبك=يوم الردي بالعيب مالي جيوبه
اسلم ودم بالطيب تذري هبايبك=واللاش بالشينات تذري هبوبه

دم بعز وتقبل إجلالي





مجاراة تشرفت بها من القدير أحمد الهريش





بسم الله الرحمن الرحيم
السلام عليكم ورحمة الله وبركاته

أرحب بكم جميعا وأهديكم هذه القصيد ياجايب اهل الريب
والتي هي عبارة عن محاكاة لقصيد ياعايب اهل الطيب

للشاعر القدير : فرج الدهمشي ..

* بداية أستأذنه في أن أرتقي لمحاكاة قصيدته ..
* ثم أني لست بشاعر ..
إنما أنتقي من الحروف ومن القوافي ما أعبر به عن بعض ما يجول في خلدي : )



( يا جايب اهل الريب )
أبو ريناد


ياجايب اهل الريب هذي دوايبك=تجيبهم من دون أيّت صعوبه
تعصف ولا ترحم أحد من زلايبك=صرصر على منهو تجلّى عيوبه
وجّه سهام الويل ورّي عجايبك=سهمٍ عرف مسلك طريقه وصوبه
وسلّ سيفٍ صانعه من لهايبك=سيفٍ تسلط فوق نفسٍ لعوبه
أعلنت انا الإعجاب كله سبايبك=يادهمشي ياراعيَ اصل العروبه
شِعرك حكى أصلك ومعدن ترايبك=تزرع حروفك في أراضي الخصوبه
إن غبت يبقى بيننا الحرف نايبك=الشاهد اللي في المعارك خطوبه
والسِلم فيه الشعر ينثر أطايبك=أنشودةٍ تعزف لحونٍ طروبه
غيثِ علينا هاطلٍ من سحايبك=شلال مايٍ ينهمل في عذوبه
تنشر نسيم الحب فينا هبايبك=نسيم ترجم للمعاني هبوبه

[فرج الدهمشي]

http://www.weelan.org/getimg.php?image=2406





هناك من يتمنى لك الاخفاق .. !!لكنك ستبلغ الهدف حتماً إذا أكملت المسير ..!!

[فرج الدهمشي]

( عـنـق الـشـعـر )






شبيت ناري والمشاعر وقايده=وفوحت قهوة شعر (ماهي بصايده)
نضمت قافي من جزيلات فكرتي=ولبست(عنق الشعر) روعة قلايده
جملة مشاعر في خيالي تهاتفت=لبيتها والحر وافي وعايده
اسوق قافي وادري اني منضمه=للعز يرقا بي وهذي عوايده
لجل الوفا مع القرابه وعزوتي=ورجال في فعل المواجيب رايده
ادور اللي بالمواجيب محتفي = طيب وشهامه والتراحيب زايده
ولا الردي نفسي تعايب مصافحه= ماضر في حاجة ولامنه فايده
ماجيت ادور من وراها على الثنا=ولاني من اللي هزلته في قصايده
متفائل بالخير واسعي واجتهد=والزرع لاجا موسمه شف حصايده
من فضل ربي نحمده ثم نشكره= ماينحصى فضل الإله ومدايده
ياماصبرت وعل صبري له الفرج=ومن حصل الطولات يلقى فوايده
ولعيون من هي في سمايه واشرقت=من شفتها والنار شبت وقايده
شيهانة(ن) مرت وناظرت عينها=والعشق دق بوسط قلبي وتايده
الحب كربن للقلوب المفارقه = الله يعين اللي تعلق رغايده
ماضنتي راع الهوا عنه يستكن=لاسمع طاري الحب نظم فرايده
لا من سامرته احسه بينفجر = من حر مايوجد بصدره مكايده
والنوم لاجا النوم والعين غمضت= لكن قلبه ساهرن من شرايده
وصلاة ربي عد مانجم بهالسما=على شفيع الناس حزة شدايده

[فرج الدهمشي]

العلم يرفع بيتًا لا عماد له .. والجهل يهدم بيت العز والشرف‏

[فرج الدهمشي]

http://dc11.arabsh.com/i/03336/4ad8kiazo4yl.jpg

[فرج الدهمشي]

http://dc11.arabsh.com/i/03336/4ad8kiazo4yl.jpg



مجاراة وافيه من الشاعر القدير حشر الغضيان
لقصيدة ( فرحة العيد )



لجل القصيده ماعذرك تقطع البيد =تزهر لياليهـــــا وتصــبح حليله

معذور ياسيد العرب والصناديد =ابن الكرام اهل الحمــول الثقيله

انته فرج والله يقرب لك الصيد =حتى على كتفك تهقـوى بشيله

وان كان ودك يارفيقي معاضيد =ابشر وانا لك مثــــل برقً تخيله

حتى على جور الزمن والمناكيد =نمهد لك دروب الفتــاه الجمــيله

حتى على جور الزمن والمناكيد -نمهد لك دروب الفتــاه الجمــيله

ونزيل عن صدرك هموم وتناهيد =اشوفها وســــط القــــوافي نثيله

اصبر وباذن الله تبي ترجف الايد =رجفت فرح من واحداً في خليله

[فرج الدهمشي]

عيد الاماني والمحبة والاشواق=يثير من صدري غلاتك ويحييه
لو انسي لحظة اذكر الحب واشتاق=واقول في كل عام يالله تخليه
ماتدري ان بغيبتك جفت الارياق=واسمك يجنني لياجبت طاريه
مدري وش اسميك يافجر الاشراق=فجرن لمع بين الكواكب واراعيه
كل عام وانت بخير دام الغلا راق=تدري فديتك هذا قلبي وباهديه

[فرج الدهمشي]

العيد شوف احباب ومسامح = يا زلة الغاليين منسيّه
يا قلبي اللّي للخطا دامح = كل عام والطعنات مبريّه
مهر الصدور العاشقه جامح = ما يعسفه كود الهواويّه

[فرج الدهمشي]

في شخص سألني عن معنى كلمة ( صايده )

من اول بيت في قصيدة ( عنق الشعر )

والكلمه لها قصه وقصيده من القصص الجميله من الموروث الشعبي حبيت اوضحها ..


قصة علوش العنزي وقهوة ابن رشيد

علوش بن ظويهر العنزي ينقد فنجان القهوة في مجلس إبن رشيد في برزان :

جرت هذة القصة إبان حكم إبن رشيد ( الأمير محمد العبدالله الرشيد .. الحاكم الثالث في إمارة آل رشيد .. أو إمارة الجبل مثل ما سميت والتي إستمر حكمها حوالي 90 عام ، كان محمد العبدالله الرشيد ممن دعموا الحكم وتوسع في رقعة الأمارة ليشمل كافة نجد من شمالها لجنوبها ) ويعتبر محمد العبدالله الرشيد من أقوى حكام آل الرشيد ومن أكثرهم فطنة وحنكة .. وكان مجلسة يجمع شيوخ القبائل والشعراء والرجال العارفة بأمور الحياة .


في أحد الأيام وعند جلوس الأمير محمد في مجلسة أمر بأن تصب القهوة لضيوفة وكما هي العادة .. يقوم صبابي القهوة بالبدء بمن هم على ميمنة الأمير ، لأهميتهم وكان بالمجلس وممن جلس على الجهة اليمنى - ليس بقرب الأمير مباشرة ، ولكن ليس ببعيد عنه _ شخص يدعى علوش بن ظويهر العنزي وهو شخص على دراية تامة بصنع القهوة وبطعمها ويعرف طعمها إذا داخله شيء غريب ..
وصل فنجان القهوة لعلوش .. وعندما رسف منه رشفة تغير وجههة إذا علم بان هناك طعم غير مستساغ في القهوة .. فماذا فعل ؟؟؟؟ فهق المسند الي وراه أي أبعده عن الجدار وكب الفنجان وهو يحاول أن يستتر بفعلته هذه لأنها في سلوم العرب ( عرف العرب ) عيب وإهانة لصاحب المجلس .. أثناء فهقته للمسند وكبته للفنجان رآه إبن رشيد وهذا ما كان يخافه علوش .. وإذا بإبن رشيد يبادر علوش بصوته الجهوري وبلهجة أهل الشمال بقوله :


(( وراك سفيت الفنجان يا علوش !!! )) أي لماذا سكبت الفنجال ولم تشربه ؟؟؟
فأجاب علوش وجلاً (( والله يا طويل العمر ..... مالي نظر بالقهوة اليوم )) بمعنى لا أرغب شرب القهوة وهذا الجواب .. مثل ما يقول المثل عذر اقبح من ذنب ألا أن الخوف دفعه ليقول مثل ذلك...
فرد عليه إبن رشيد بغضب أكبر :


(( شلون مالك نظر بالقهوة .. وأنت لك كم يوم عندنا تشرب منه )) والمعروف في لهجة أهل الشمال أنهم يذكرون المؤنث في حديثهم ..


فطلب الأمان علوش من الأمير ليقول الحقيقة .. وأعطاه إياه.. فقال علوش (( الحقيقة يا طويل العمر .. القهوة صايدة )) بمعنى أن القهوة تحتوي على طعم غريب ون هناك شيء ما دخل فيها أثناء طبخها ...

فإستغرب إبن رشيد كثر وقال (( صايدة !!! وش صايدة ؟؟ ))
فرد عليه علوش بثقة (( قهوتك صايدة قعسي ... - والقعسي حشرة صغيرة سوداء أكبر من النملة بشوي - وإن ما ما كانت صايدة .. رقبتي لك رهينة )) ..
بجواب علوش .. تحدى الأمير في أن يثبت صحة كلامة وأعطى رقبته رهنا لما يقول وإثبات لصحة كلامة ..

أمر إبن رشيد بأن يؤتى بالدلة وأن يؤتى بقدر لتصب فيه وأن يوضع على القدر ليف ليصفي البن .. وفعلا صبت الدله على الليف وبعدها قام الأمير يحرك البن اللي تجمع على الليف بعود معه ..وإذا فعلا .. يجد حشرة القعسي مهترئة ويابسة كأنها ورقة من أوراق الشاي السوداء..... !!!!


هنا ألتفت إبن رشيد على علوش وقال له مستغرب (( وشلون عرفت إن بالقهوة قعسي )) ..


فجاوب علوش وهو جالس بطريقة تدل على الفخر لأثباته على صحة كلامة وفوزه بالتحدي (( القهوة يا طويل العمر به طعم حموضة .. !! ))

فالتفت إبن رشيد على أحد من أخوياه وسال عن علوش : كم له بالضيافة عندنا فأجابه الخوي يومين .. فأمر بقوله خلوه يقعد أبا أختبره واشوف إن كان كلامه مضبوط وبشوف معرفته بالقهوة هل هي صحيحة وإلا إنها مرة وصابت وبس ...

إختلى إبن رشيد بمعاونيه وخوياه يسالهم عن الأشياء اللي ممكن أن نضيفها مع القهوة ولا يبين طعمها .. فاشار عليه واحد منهم أن يضيف ثمرة أو وورقة عرفج وبعضهم قال نينخة .. وهلم جرا ..

أخذ يأمر القهوجي اللي يسوي القهوة بأن يضيف ما قالوه إلى القهوة ويبهرها ويصب ويسأل بن رشيد .. (( هااااا يا علوش ... القهوة به طعم شين اليوم ؟؟؟ )) أي هل بها طعم شيء ما اليوم ؟؟
فيجاوب علوش ( إي نعم يا طويل العمر .. به طعم عرفجة !!! ... به طعم نينخة ))
يوما عن يوم يزيد إستغراب إبن رشيد ويظل يبحث عن شيء يخفيه في القهوة ولا يعلمه علوش ..


أتى أحد أصحاب الأمير محمد بن رشيد قادما من الحج وإلا معه مسواك جديد طري وعلم بالتحدي بين الأمير وعلوش ... وأشار على بن رشيد أن يلحي جزء من قشرة المسواك ويضيفها للهيل ويبهر القهوة فيها ... وفعلا عملوا ذلك وأمر القهوجي بأن يصب الفنجان لعلوش وساله مرة أخرى (( هااااااا يا علوش القهوة به طعم شين اليوم ))

فيجيب علوش (( إي والله يا طويل العمر ..... القهوة به طعم راك !!! )) شجرة الراك هي ما يؤخذ من جذورها المسواك ..
آخر ما فكر به إبن رشيد أن يأمر القهوجي بأن يطبخ مع القهوة فنجان حب بن نيء أخضر غير محموس وفنجان بن محروق تماما .. وقال القهوجي أطبخها وبهر وصب لعلوش .. وقال لعلوش سؤالة التقليدي (( هاااا يا علوش .. تشوف به طعم شين اليوم ؟؟؟ )))

فرد علوش (( إي والله يا طويل العمر .. به طعم نيات .. وطعم حرق )) أي أن القهوة بها طعم بن نيء وطعم بن محروق !!!!
هنا أيقن إبن رشيد أنه مهما حاول أن يخفي الطعم الغريب سيعرفه علوش وأيقن من درايته بالقهوة وطبخها وصنعها .. فقال له :

(( إسمع يا علوش ... كل ما يصير القمر مثل الباكورة بالسما .. وجهك وأشوفه .. وكل ما ينوبك من قهوة ومعاميل ... علي الين ما أموت )) يعني كل ما يكتمل القمر وصبح دائريا بدرا تعال إلينا لكي نعطيك ما يلزمك من قهوة وأدوات لصنعها وما يلزمك من حاجيات لضيافة الضيوف .. وهذا يعتبر حينئذ أكبر تكريم فالقهوة وما يلزمها عمو الضيافة ومشروب أساسي يقدم للضيوف ..

حضر هذه الحادثة شاعر يسمى محمد أبا الروس الذويبي ( من قبيلة حرب ) وصاغ الأبيات التالية مسجلا تلك القصة المشهورة يقول فيها :


تستاهل الكيف الحمر يا بن وايل = أنت الذي تستاهل الكيـف كلـه
يللي نقدته وسط ديـوان حايـل = لولاك يا علوش محدن فطن له
بدلال من يجعد صقا كل عايـل = الضيغمي ريف اليديـن المقلـة
الضيغمي مردا المهار الأصايل = يا ما أنقطع بساقته من سجلـه
يا بن ظويهر ما بها قول قايـل = تستاهل الفنجان لا جـا محلـه
يا ناقد الـدلال بحكـم الدلايـل = يا ريف هجن والمزاهب مقلـة
ربعك بني وايل مجاز القبايـل = أهل الجموع الراسية والمظلـة
زبن الدخيل اللي توطاه طايـل = الجمع دونه والرمك مردف له

[فرج الدهمشي]

يا حلوهااا




ياحلوها لاهانت اصعب مصايبك = وايمانك بربك يحل لك قيدك
وياحلوها .. والناقصه .. ماتعذربك = دايم علي الجزلات ياكثر صيدك
اصيل واطماع البشر ماتغيبك = كل النوادر تحتري وش جديدك
شاعر خرافي والمعاني تناسبك = يزيد مع سيل النوادر رصيدك
لو طوقت حيل السنافي متاعبك =تضرب علي روس الافاعي باييدك

[فرج الدهمشي]

قال تعالى:

{ إنما المؤمنون الذين آمنوا بالله ورسوله ثم لم يرتابوا وجاهدوا بأموالهم وأنفسهم في سبيل الله أولئك هم الصادقون }

[فرج الدهمشي]

الله من شمس ٍ تأخر شروقها=ونفس المحبة زود البعد شوقها
من سبّة اللّي ناظرتني وسلهمت = وحالي غدا عوق المحبّه يعوقها
من ابعدت خلّت مع الروح حزنها=ذكري من الماضي لقلب معشوقها
الروح راحت من تجافيه وامحلت=وحتى القصايد مبطيه عن اطروقها
من عقب فرقاها تحريت شوفها=ارتاح بالملقى ويركد خفوقها
يابوعيون ٍ زينها يفطر الحجر = من شافها يشكي مواجع فتوقها
كم مرةٍ ناديت وانطق بأسمها=احلا والذ من العسل طعم ذوقها
حبيبتي دايم افكر بطيفها=حبه بوسط الروح يسكن عروقها
هي منوتي بين المزايين كلها=هنيّ من يمسك طوارف سبوقها
ياهم قلبي من سبايب فراقها= فرقاه مثل النار والا يفوقها
ياليت تجمعنا الليالي ونهتني=واحطّها بالعين وحجور موقها

[فرج الدهمشي]

لي بالوفا والطيب موقف ومنزال = وقمة شموخي فوق رؤوس الشواهيق

فكري هو الميزان لاجزال الأفعال = والصدق مبدى للرجال المطاليق

عزيز نفس وعزتي قدر وأجلال = وتشهد على طيبي جميع المخاليق

[فرج الدهمشي]

انا هنااا ( شاعر شمالي ) اصب لك = حروفي اللي ساكنه عرش ودي

انا ابييك و زهر قلبي سكب لك = كل الرحييق اللي لعطرك يودي

[فرج الدهمشي]

انا






كـل ماجـيـت اكتبك

شـعـر واغـانـــي,,




اتذكر اني من دونــك
اعـانـي,,




لأني من دونـك سـفـيـنـه
بلا مـوانـي,,





وضيعت دلـو الغـلا
بـظـلـم السـوانـي,,





في غيابـك كـل احاسيسي تـمـوت

لـو شعرت انـك ..
لشخص ثانـي






لاتغيب اكثرعن اللازم تـرى
يـكـفي عـذبـنـي..
مـع غيابك زمـانـي






وان بغيت تغيب علمني وانا

بذبح احاسيسي,


بكل امتنانـي .. بكل امتنانـي ..





كل يوم يمر واشهق عـطـرهـا


ولاجـديـد الا قـهـر



وضـيـق بـكيانـي,,





جيت لك عاشق وفي يدي وروود

وشـوك غـدرك

شـوك غـدرك

ياخـسـاره وجـانـي,,





ماعـزفتك شـعـر .. يابـيـت القصـيد


الا لـمـحـبـوبـي

رحـل عـنـي ونـسـانـي,,






ومابنيت الحلم في يـد الحقيقه

لاني كنت

اؤمـن بـوجـودك يالامـانـي..





كـل يـوم يـمـر واشـهـق



عـطـرها



ولاجـديـد .. لا جـديــد ..


الا قـهـر ضـيــــق بـكيانـي






ولاجديد .. لا جديد ..

الا قـهـر ضيــق بكياني





لأني من دونك سفينه
بلا موانـي,,





وضيعت دلـو الـغـلا
بظلم السوانـي,,

[فرج الدهمشي]

سهرت ليلي و( داعج العين ) نايمه = اهيم وحروفي من الود هايمه

المهره اللي من يعادل بحسنها؟ = اللي على بحر الاحاسيس عايمه

اللي نسيت الناس ومانسيتها = اللي غلاها وسط قلبي علايمه

لاهب نسناس الغلا من دارها = ترتاح روحي لو تمر بنسايمه

[فرج الدهمشي]

http://dc10.arabsh.com/i/03480/8czc5odko1qh.bmp

[فرج الدهمشي]

محشووم!





للشعر حشمه والأدب دوم محشوم = مافيه متسلق ولا فيه معتاش

له أحترام وقيمتة فكر معلوم = وكل ٍعلى الجزلة بمعناه شواش

والطيب له عندي شعور ٍمع سلوم= والا الردي لو عاش للطيب ماحاش

وانا أحمد الله اكتب الشعر وآشوم = عن كل من راسه عن الدرب منداش

[فرج الدهمشي]

اللي على جال المشاعر كتب لك = جتك القوافي ليتها ما تردي

ماهو بها مسبوق بعدك وقبلك = الا انت يا ثلجي وجمري وبردي

وبيت القصيد اليا انكتب وانحسب لك = في ذمتي رسمه بها الكون وردي

اليا أنقطع حبل الرجا بان حبلك = تصادر عيون الهوا يم وردي

وليا التهت روحي ذوابيح ذبلك = جيتك أسوق العمر جمعن وفردي

هذا انا شاعر شمالي وهب لك = حروفي اللي ساكنه عرش ودي

انا ابيك وزهر قلبي سكب لك = كل الرحيق اللي لعطرك يودي

بين الضلوع العوج شوفه سحب لك = قلبه وحطه بين يدك ويدي

أختارك بدنيا الغرام وسلب لك = أجمل حروف الشعر لك يا افندي

ماني بشاعر شافك وثم كذب لك = وان غبتي عنه قام يدعي تصدي

حتى العسل خلا الخلايا وذهب لك = يم الشفايف روجها موت وردي

هذي مشاعر شوقي وهو كتب لك = اني بدونك حظ بس أمتردي

ياشمس عمري والله اني أحب لك = خير و سعاده ياعسى تستجدي

[فرج الدهمشي]

صوره اثرت فيني كثير .. الله يرحم جميع اموات المسلمين


ولا ننسى البر بالوالدين و الدعاء لهم


http://dc05.arabsh.com/i/03508/07l9gxt1vkm1.jpg

[فرج الدهمشي]

بين الصداوي والحفر الحلا بان=غرو ٍعلى شوفه عيوني بصيره
رحت اتمشى وحالتي حيل طربان= الوجه منور والوصايف دميره
قالت علامك تأشر بعين حيران؟=وش فييك محتار ٍ؟ تراني خبيره!
لو اتعزوى ثم أنادي ..بليهان=ماتدري انته موقفك وش مصيره!
قلت الغلا مافيه ..حاكم وسلطان = ولعيونك ابمشي دروب ٍخطيره
الحب ماهو عيب انا فيك هيمان=غريق شوقك بين بحر وغديره
الحب مملكتي ومغرم وضميان =وانتي مناتي يالهنوف الصغيره
من سبته جرّيت لك أجمل الحان=وكل ٍعذلنا بالهوى في مسيره
قالت علامك! يا ابن الأجواد ولهاان؟=وش فيك هاايم وانت حاالك كسيره!
حبي وحبك .. يا فتى مابعد حاان = لاتنتظر بحر الهوى في هديره
بيني وبينك .. قاسي الوقت ما لااان =ولاحد عرف طيير الهوى في مطيره
عيش بحياتك لا تفكر بالأحزان=وخل الليالي لك تحدد مصيره
والله يهني كل خل ٍ بخلاان = ولا الهوى ذقنا .. حلااه ومريره
غمزة له وصدني نور الأعيان=وأقفى وقلبي فيه حيره كبيره

[فرج الدهمشي]

http://dc05.arabsh.com/i/03521/pw9wiyt54j37.gif


ابارك لكم قدوم العام الهجري الجديد واسال الله العلي العظيم
ان يجعل ما بقي من اعمارنا في طاعته وأن يجعل لنا فيها الخير الكثير
لنا ولمن نحب وكل عام وانتم الى الله اقرب,وللحجاج حج مبرور وسعي مشكور..






العام هـذا راح ولَّـت ركايبـه = وأقبل علينا عـام نرقب عجايبـه

عام جديد وعام بالامس قد رحل = واللّي مفارق او ملاقـي حبايبـه

أيامنـا تمضـي وحنـا نشوفهـا = تنقص وبعض الناس ماهي بتايبـه

يالادمي لازاد عمرك تـرى نقـص = الموت ماخلّى من النـاس سايبـه

كل عام وانت بخير يامن نصحتنـي = يالله عسى جملـة لياليـك طايبـه

كل عام وانت بخير يامن فزعةلـي = اناشهد أمك يابن الأجواد جايبـه

كل عام وانت بخير يامـن تعزّنـي = واللّي كرهني جعل تكثـر ذهايبـه

كل عام والويلان ربعي وعزوتـي = في خير والمغرض يطيـح بنكايبـه

ربعي وساع البال ركّابـة الهجـن = ربعي كعام الضد في كـل هايبـه

ربعي جموع الجن في ساحة الوغـى = لاشـمـو البـارود نسنـس هبايبـه

ربعي هل الفزعات ربعي هل الوفاء = ربعي و ذخري بـالزمـان و نوايبـه

كل قوم الا ربعي وذخري (عنزة) = مقولت ٍماهي عن النـاس غايبـه

ماهو قصـور ٍبالقبايـل ومجدهـا = كـل ٍيهيم و يعتـزي فـي قرايبـه

نطيت في راس الرقيبه وانا فرج = وامعنت ناس ٍكل ماقلت خايبـه

ناس ٍتعاني من تضخـم بروسهـا = تفرزصديد ٍماعرف وش سبايبـه

حقدوحسد مع كره مزمن وملتهب = اعمى عيون ٍ بالوساويـس شايبـه

نطلب لهم من ربنا الشافي الشفاء = يالله تشفي المبتلي مـن صوايبـه

ونطلب لنا من ربنا الكافي العلـي=المنعـم اللّـي ما تـعـدد وهايبـه

يا ربـنـا لا تبتليـنـا وعـافـنـا=انت الرجاء للّي تنامـت نشايبـه

هذا وصلى الله على محمـد النبـي =عد الغشين اللّي لفا مـن سحايبـه

[فرج الدهمشي]

مرت سنه وابتدا عام ثاني = وانتي معي في كل لحظه ولحظه

[فرج الدهمشي]

برد الشتاء لوكان حـس بدفايـا = وانتي معي ماعاد ثانـي يجينـي
يامرهفه بأحساس غيـم بسمايـا = اليا انحنى قوس المطر تكتبينـي
في ثامن طيوف المطر من غلايا = لاجيت كلي بالغلا واعرفينـي
انا (الشمال) بعشقها مـن هوايـا = من طينة احساس الوفا واعشقيني
دامك معي والكـون كلـه ورايـا = خلي يمينك غارقـه فـي يمينـي
مااطيع فيـك بحكيهـم والوشايـا = قدرك هنا مابين رمشي وعينـي
وليا نزلت في وسط قلبـي معايـا = عايش معي في روح وحده تبيني
مجنون عشق وشاعرٍ في وفايا = يا تاج راسي بالغـلا واسمعينـي
انتي مكانك يالغلا بالحنايا = بين الضلوع العوج اقصى اليميني
من يوم شفتك صار اسمك هوايا = عاشقك وانتي يالغلا تعشقيني
انتي بعيني غيير كل الصبايا = طفلة وتسكن داخلي وتحتويني

[فرج الدهمشي]

http://www9.0zz0.com/2012/03/08/02/768283071.jpg

[فرج الدهمشي]

يوم غبتي ياحياتـي ..انهـدم مليـون سـاس=والغـرام اللـي سكنـي مــع غـيـاب الـحـب راح
القصايد لو تغيبـي صـار فيهـا الفيـن بـاس=ينتهي فيها الشعور ..وتبتدي فيها الجراح

[فرج الدهمشي]

http://www3.0zz0.com/2012/03/08/04/627894263.jpg (http://www.0zz0.com)




المشاعر في غيابـك غييـم والدنيـآ شتـآ=واثلجت بأقصى الحنآيا قلت وينك ياغرامي..؟


ارتجفت وقلـت وينـك ياحيآتـي لاا متـى=مااخبر انسان غيرك بالشتاء يدفي عظامـي

[فرج الدهمشي]

المهره اللي داخلي حبها لااج = اكتب قصيدي واترك الكل يقرآ
قلبين تنبض داخل ضلوعن اعواج=هي اليمين وثاني القلب يسرآ
حبيتها ياناس وكلي لها احتااج = حاجة يتيم يدور خيوط صبرآ
حكمي معاها ضايعن فيه الافراج =ودي معاها باقي العمر مسرآ

[فرج الدهمشي]

هاذي( ثلاث حروف ) لو قلتها آآه = لييتك بوصل الحب تذكر حبيبك
الصبح لو يدري عن الشووق والله = قبل شروق الشمس ليّه يجيبك

[فرج الدهمشي]

تاريخنا في صفحة الوقت مذكـور=على سنام المجد فـي كـل دولـه
عيال وايل لاعتـزى كـل منعـور=هم فزعة المضيوم لامـن عنولـه
زبن الدخيل اللي من اعداه مقهور=اليا انتخى بالوايلي من يطولـه ؟
والمنذرية يوم صاحت من الجـور=في معركة ذي قار رمـز البطولـه
ستر الهنوف اللي خذاها بلا شور=قبل الظليمـه مـا تحقـق ميولـه
من دونها صفوا ثمانيـن طابـور=يوم اعتزو بالطيب ثـم اوقفولـه
من عزهم يرضخ لهم كل مغـرور=ومن ذكرهم يسرج بقايـا خيولـه
عاداتهم كسب الثناء ساس وجذور=والناس تشهد من قبـل لا تقولـه
ادناهم اللـي بالمواجيـب مخبـور=واقصاهم اللي طيب ساسه فعولـه
مافيهم اللي عند الاجواد محقـور=صغيرهم يفهـم علـوم الرجولـه
ان قامت الهيجاء لهم يرجع الشور=الخيل تصهل بين صولـه وجولـه
احرار نسل احرار والماكر صقور=على مدار الكون عرضه وطولـه
شمس الحقيقه ماحتوى نورها زور=تاريخ مجد وعز ماحـدن يطولـه
هذا وانا ماقول بأهل الوفا قصـور=والغانمه في كـل طيـب حمولـه

[فرج الدهمشي]

اشكر من أنْعَمَ عليـك .. وأنْعِمْ على من شكـرك

[فرج الدهمشي]

( الحرية ) لا توهب لأنها ليست صدقة وإنما تؤخذ لأنها حقِ

[فرج الدهمشي]

يا باري القوس بريًا لست تحسنها ..‏ لا تفسدنها وأعط القوس باريها‏..